14-ാമത് ജെപിഇഎഫ് ഡയബറ്റിസ് കണ്വെന്ഷന് വെള്ളിയാഴ്ച കോവളത്ത് തുടക്കം... ആഗോള ആരോഗ്യ വിദഗ്ധരെ ഒരുമിച്ച് കൊണ്ടുവരുന്ന സമ്മേളനം മന്ത്രി കെ. മുരളീധരന് ഉദ്ഘാടനം ചെയ്യും
09 JULY 2026 09:30 AM IST
മലയാളി വാര്ത്ത
ദേശീയ, അന്തര്ദേശീയ തലത്തില് നിന്നുള്ള ആരോഗ്യ വിദഗ്ധരും ഡോക്ടര്മാരും പങ്കെടുക്കുന്ന കണ്വെന്ഷന് പ്രമേഹ പരിചരണം മുന്നോട്ട് കൊണ്ടുപോകുന്നതിനുള്ള ശാസ്ത്രീയ തെളിവുകള്, ക്ലിനിക്കല് വൈദഗ്ദ്ധ്യം, നൂതനാശയങ്ങള് എന്നിവ പങ്കിടുന്നതിനുള്ള സുപ്രധാന വേദിയാകും.
'പരിചരണത്തില് ഏറ്റവും മികച്ചത് തിരഞ്ഞെടുക്കാന് നിങ്ങളെ സഹായിക്കല്' (Helping You Choose the Best in Care) എന്നതാണ് ഈ വര്ഷത്തെ കണ്വെന്ഷന്റെ പ്രമേയം. അതിവേഗം വികസിച്ചുകൊണ്ടിരിക്കുന്ന ചികിത്സകളുടെയും സാങ്കേതികവിദ്യകളുടെയും കാലത്ത് ചികിത്സാ തീരുമാനങ്ങള് എടുക്കുന്നതിന് ആവശ്യമായ അറിവും പ്രായോഗിക ഉപകരണങ്ങളും പ്രയോജനപ്പെടുത്തി ആരോഗ്യ സംരക്ഷണ വിദഗ്ധരെ ശാക്തീകരിക്കുന്നതിനുള്ള പ്രതിബദ്ധത ഇത് പ്രതിഫലിപ്പിക്കുന്നു.
ഡോക്ടര്മാര്, ഗവേഷകര്, പ്രമേഹരോഗ വിഭാഗ അധ്യാപകര്, ഹെല്ത്ത് കെയര് ഇന്നൊവേറ്റര്മാര് എന്നിവര്ക്ക് ആശയങ്ങള് കൈമാറുന്നതിനും തെളിവുകള് പ്രായോഗികമാക്കുന്നതിനും പ്രമേഹ പരിചരണത്തിന്റെ ഭാവി രൂപപ്പെടുത്തുന്നതിനും ഈ ഫോറം ഇടമൊരുക്കും.
ആരോഗ്യ വിദഗ്ദ്ധരുടെ പ്രഭാഷണങ്ങള്, പാനല് ചര്ച്ചകള്, ഡിബേറ്റ്, മെഡിക്കല് ക്വിസ്, രോഗികളുമായുള്ള തത്സമയ ഇടപെടലുകള്, ഹാന്ഡ്സ്-ഓണ് സിജിഎം, ഇന്സുലിന് പമ്പ് വര്ക്ക് ഷോപ്പ്, ഡയബറ്റിസ് ടെക്നോളജി എക്സ്പോ, പോസ്റ്റര് പ്രസന്റേഷന് എന്നിവയാണ് ത്രിദിന സമ്മേളനത്തിലെ പ്രധാന പരിപാടികള്.
കണ്വെന്ഷന് ഓര്ഗനൈസിങ് സെക്രട്ടറി ഡോ. ജ്യോതിദേവ് കേശവദേവ്, ഓര്ഗനൈസിങ് ചെയര്മാന് ഡോ. അരുണ് ശങ്കര്, കോണ്ഫറന്സ് ചീഫ് ഓര്ഗനൈസറും ഡയറക്ടറുമായ സുനിത ജ്യോതിദേവ്, സയന്റിഫിക് കോര്നിനേറ്റര് അഞ്ജന ബസന്ത് എന്നിവര് ത്രിദിന സമ്മേളനത്തിന് നേതൃത്വം നല്കും.
പ്രമേഹം, അമിതവണ്ണം, കാര്ഡിയോമെറ്റബോളിക് കെയര്, ആര്ട്ടിഫിഷ്യല് ഇന്റലിജന്സ്, വളര്ന്നുവരുന്ന ചികിത്സാ രീതികള്, കണ്ടുപിടുത്തങ്ങള്, ഡയബറ്റിക് ടെക്നോളജി എന്നിവയിലെ പുതിയ പ്രവണതകള് പ്രശസ്തരായ അന്താരാഷ്ട്ര, ദേശീയ ഫാക്കല്റ്റികള് കണ്വെന്ഷനില് ചര്ച്ചചെയ്യുമെന്ന് ഡോ. ജ്യോതിദേവ് പറഞ്ഞു. തുടര്ച്ചയായ ഗ്ലൂക്കോസ് നിരീക്ഷണത്തിലെ പുരോഗതി, എഐ നിയന്ത്രിത വ്യക്തിഗത പരിചരണം, ഓട്ടോമേറ്റഡ് ഇന്സുലിന് ഡെലിവറി മാര്ഗങ്ങള്, സ്റ്റെം സെല് ഗവേഷണം, ടൈപ്പ് 1 പ്രമേഹത്തിനുള്ള ടെപ്ലിസുമാബ്, ബേസല് ഇന്സുലിന്, ഇന്ഹേല്ഡ് ഇന്സുലിന്, ജെറിയാട്രിക് ഡയബറ്റിസ് മാനേജ്മെന്റ് എന്നിവയുമായി ബന്ധപ്പെട്ട സെഷനുകള് പരിപാടിയുടെ പ്രധാന സവിശേഷതകളില് ഉള്പ്പെടുന്നുവെന്നും അദ്ദേഹം കൂട്ടിച്ചേര്ത്തു.
ഉദ്ഘാടന സമ്മേളനത്തില് പി.കേശവദേവ് ജെപിഇഎഫ് യങ് റിസര്ച്ചര് അവാര്ഡ്, ജെപിഇഎഫ് സ്റ്റാള്വാര്ട്ട് ഫിസിഷ്യന് അവാര്ഡ്, ജെപിഇഎഫ് സയന്റിഫിക് എക്സലന്സ് അവാര്ഡ്, ജെപിഇഎഫ്-യുഎസ് വി ടെക്നോളജി അവാര്ഡ്സ്-2026 എന്നിവ സമ്മാനിക്കും. സമ്മേളനത്തില് അവതരിപ്പിച്ച പ്രബന്ധങ്ങളടങ്ങിയ ഐജെഡിടി-ജെപിഇഎഫ് ഗവേഷണ അബ്സ്ട്രാക്ട് പുസ്തകത്തിന്റെ പ്രകാശനം മന്ത്രി നിര്വ്വഹിക്കും.
പ്രമേഹ രോഗവും പരിചരണവും ആരോഗ്യ പരിപാലനവുമായി ബന്ധപ്പെട്ട വിവിധ സെഷനുകള് സമ്മേളനത്തിലുണ്ടാകും. വെള്ളിയാഴ്ച ഉച്ചയ്ക്ക് 2 ന് ആദ്യ സെഷന് ആരംഭിക്കും. ഉദയസമുദ്രയിലെ മൂന്ന് വേദികളിലായി സമാന്തര സെഷനുകള് നടക്കും. രണ്ടാം ദിവസം രാവിലെ 8.30 മുതല് സെഷനുകള് ആരംഭിക്കും. ഓസ്ട്രിയ, സിംഗപ്പൂര്, മലേഷ്യ, ഈജിപ്റ്റ്, ഒമാന്, നേപ്പാള്, ദുബായ് എന്നിവിടങ്ങളില് നിന്നുള്ള പ്രമേഹ രോഗ വിദഗ്ധര് ജെപിഇഎഫ്-2026 ല് വിവിധ സെഷനുകളില് പങ്കെടുക്കും. ഇതിനു പുറമേ ഇന്ത്യയിലെ വിവിധ സംസ്ഥാനങ്ങളില് നിന്നുള്ള ആരോഗ്യ വിദഗ്ധന്മാരും സമ്മേളനത്തിന്റെ ഭാഗമാകും.
അത്യാധുനിക ശാസ്ത്രം, പ്രാക്ടിക്കല് വര്ക്ക് ഷോപ്പ്, സഹകരണ പഠനം എന്നിവയിലൂടെ പ്രമേഹ പരിചരണം മെച്ചപ്പെടുത്തുന്നതിനും പ്രമേഹരോഗികളായ ദശലക്ഷക്കണക്കിന് ആളുകള്ക്ക് ഫലങ്ങള് മെച്ചപ്പെടുത്തുന്നതിനുമായി സമര്പ്പിച്ചിരിക്കുന്ന രാജ്യത്തെ മുന്നിര അക്കാദമിക് ഒത്തുചേരലുകളില് ഒന്നായി ജെപിഇഎഫ് 2026 മാറുമെന്നാണ് പ്രതീക്ഷിക്കുന്നത്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
