കണ്ണൂർ ടൗൺ പൊലീസ് സ്റ്റേഷന് സമീപം ലോറി ഡ്രൈവറെ കൊലപ്പെടുത്തി. കണിച്ചാർ സ്വദേശി വി ഡി ജിന്റോ(39) ആണ് മരിച്ചത്. മോഷണശ്രമത്തിനിടെയാണ് കൊലപാതകം നടന്നതെന്നാ‌ണ് സൂചന. കണ്ണൂർ പഴയ ബസ് സ്റ്റാൻഡിലാണ് ഇയാളെ മരിച്ച നിലയിൽ കണ്ടെത്തിയത്. ശരീരത്തിൽ നിരവധി മുറിവുകളുണ്ട്.

വെട്ടേറ്റ ഇയാൾ റോഡിൽ കിടന്ന് ചോര വാർന്നാണ് മരിച്ചത്. ഇന്ന് പുലർച്ചെ മൂന്ന് മണിയോടെയാണ് സംഭവം. വലതുകാലിന് ആഴത്തിൽ വെട്ടേറ്റ ജിന്റോ പൊലീസ് സ്റ്റേഷന്റെ ഭാഗത്തേക്ക് ഓടി രക്ഷപ്പെടാനുള്ള ശ്രമത്തിനിടെ കുഴഞ്ഞുവീഴുകയായിരുന്നു.

സംഭവത്തിൽ ഒരാൾ കസ്റ്റഡിയിലുണ്ടെന്നും സൂചനയുണ്ട്.. മാർക്കറ്റിൽ ഇറക്കാനുള്ള ലോഡുമായി എത്തിയതാണ് ജിന്റോ.