ലോകകേരളസഭയുടെ ന്യൂയോര്ക്ക് മേഖലാ സമ്മേളനം ഉദ്ഘാടനം ചെയ്ത് മുഖ്യമന്ത്രി
ലോക കേരളസഭയുടെ അമേരിക്കന് മേഖലാസമ്മേളനത്തെ സര്ക്കാര് അതീവപ്രാധാന്യത്തോടെ കാണുന്നതായി മുഖ്യമന്ത്രി പിണറായി വിജയന്. ''മുന്സമ്മേളനങ്ങളിലെ നിര്ദേശങ്ങള് കൃത്യമായി നടപ്പാക്കാന് സംവിധാനം ഒരുക്കി. റവന്യുവകുപ്പുമായി ബന്ധപ്പെട്ടുള്ള പരാതികള് ഉന്നയിക്കാന് പ്രവാസി മിത്രം പോര്ട്ടല് നടപ്പാക്കി.
മടങ്ങിയെത്തുന്ന പ്രവാസികള്ക്കായി എംപ്ലോയ്മെന്റ് എക്സ്ചേഞ്ചും സജ്ജമാണ്. പ്രവാസികളുടെ വിവരശേഖരണത്തിനു ഡിജിറ്റല് ഡേറ്റ പോര്ട്ടല് രൂപീകരണം അവസാനഘട്ടത്തിലാണ്'' മുഖ്യമന്ത്രി വ്യക്തമാക്കി. ലോകകേരളസഭയുടെ ന്യൂയോര്ക്ക് മേഖലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വിവിധ രാജ്യങ്ങളില്നിന്നുള്ള 250 പേരാണ് സമ്മേളന പ്രതിനിധികളാകുന്നത്. 11ന് യുഎസ് സമയം വൈകിട്ട് 6 മുതല് 7.30 വരെ നടക്കുന്ന പ്രവാസി സംഗമത്തില് മുഖ്യമന്ത്രിക്കു പുറമേ, സ്പീക്കര് എ.എന്.ഷംസീര്, ഡയമണ്ട് സ്പോണ്സറും ഫൊക്കാന പ്രസിഡന്റുമായ ഡോ.ബാബു സ്റ്റീഫന്, നോര്ക്ക റൂട്സ് ഡയറക്ടറും മേഖലാ സമ്മേളനത്തിന്റെ ചീഫ് കോര്ഡിനേറ്ററുമാ ഡോ.എം. അനിരുദ്ധന് തുടങ്ങിയവര് പ്രസംഗിക്കും.
https://www.facebook.com/Malayalivartha
