നിയമവിരുദ്ധമായി കടലും തീരവും സ്വകാര്യ വ്യക്തിക്ക് തീറെഴുതി നൽകിയ പിണറായി സർക്കാരിനെതിരെ പ്രതിഷേധം തിരയടിച്ച ഏകദിന ഉപവാസം വിജയകരമായി സമാപിച്ചു. രാവിലെ മുതൽ തുടങ്ങിയ കനത്ത മഴയെയും അതിജീവിച്ച് നൂറു കണക്കിന് പ്രവർത്തകരും നാട്ടുകാരുമാണ് പിന്തുണയുമായി ഉപവാസ വേദിയിൽ എത്തിയത്. നാം തുടങ്ങിയ പോരാട്ടം ഇവിടം കൊണ്ട് അവസാനിക്കുന്നില്ല. അടുത്ത ഘട്ടമായി നിയമ പോരാട്ടത്തിലേക്ക് കടക്കുകയാണെന്ന് സന്ദീപ് വാചസ്പതി.

ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ ;

നിയമവിരുദ്ധമായി കടലും തീരവും സ്വകാര്യ വ്യക്തിക്ക് തീറെഴുതി നൽകിയ പിണറായി സർക്കാരിനെതിരെ പ്രതിഷേധം തിരയടിച്ച ഏകദിന ഉപവാസം വിജയകരമായി സമാപിച്ചു. രാവിലെ മുതൽ തുടങ്ങിയ കനത്ത മഴയെയും അതിജീവിച്ച് നൂറു കണക്കിന് പ്രവർത്തകരും നാട്ടുകാരുമാണ് പിന്തുണയുമായി ഉപവാസ വേദിയിൽ എത്തിയത്. മാരാരിക്കുളം മണ്ഡലം പ്രസിഡൻ്റ് കെ.വി ബ്രിട്ടോ, ജില്ലാ സെക്രട്ടറി ജി. വിനോദ് കുമാർ, സംസ്ഥാന കൗൺസിൽ അംഗം ആർ. ഉണ്ണികൃഷ്ണൻ എന്നിവരുടെ നേതൃത്വത്തിൽ മാരാരിക്കുളം, ആലപ്പുഴ മണ്ഡലത്തിലെ പ്രവർത്തകരുടെ സംഘാടന മികവും ആസൂത്രണവുമാണ് വിജയത്തിന് കാരണം. ജില്ലാ പ്രസിഡൻ്റ് എം.വി ഗോപകുമാർ, ദേശീയ കൗൺസിൽ അംഗം വെള്ളിയാകുളം പരമേശ്വരൻ, ദക്ഷിണ മേഖല പ്രസിഡൻ്റ് കെ.സോമൻ, ജില്ലാ ഉപാധ്യക്ഷൻ ടി.സജീവ് ലാൽ, മണ്ഡലം പ്രഭാരിമാരായ മധുസൂദനൻ, പി. കെ ഇന്ദുചൂഡൻ എന്നിവരുടെ മേൽനോട്ടവും ഏറെ സഹായകമായി. മണ്ഡലം ജനറൽ സെക്രട്ടറിമാരായ ജി. മോഹനൻ, ജി മുരളീധരൻ, പ്രതിഭാ ജയേക്കർ എന്നിവർ സജീവ സാന്നിധ്യമായിരുന്നു.

ദക്ഷിണ മേഖല പ്രസിഡൻ്റ് കെ. സോമൻ, ജില്ലാ ജനറൽ സെക്രട്ടറി വിമൽ രവീന്ദ്രൻ, ജില്ലാ ഉപാധ്യക്ഷൻ പി.കെ വാസുദേവൻ, ദക്ഷിണ മേഖല സെക്രട്ടറി ബി കൃഷ്ണകുമാർ, ബി.ഡി.ജെ.എസ് സംസ്ഥാന സെക്രട്ടറി അഡ്വ. പി.എസ് ജ്യോതിഷ്, കർഷക മോർച്ച ജില്ലാ പ്രസിഡൻ്റ് വി.ശ്രീജിത്, കർഷക മോർച്ച ജില്ലാ ജനറൽ സെക്രട്ടറി പെരുമ്പളം ജയകുമാർ, ആലപ്പുഴ മണ്ഡലം പ്രസിഡൻ്റ് സജി.പി ദാസ്, ജില്ലാ കമ്മിറ്റി അംഗം ഗീതാ രാംദാസ്, സംസ്ഥാന സമിതി അംഗങ്ങളായ സി.എ പുരുഷോത്തമൻ, സി. മധുസൂദനൻ, മത്സ്യ പ്രവർത്തക സംഘം ദക്ഷിണ മേഖല കൺവീനർ ലിജു പുറക്കാട്, ജില്ലാ സെൽ കോഓർഡിനേറ്റർ അഡ്വ ഗണേഷ് കുമാർ തുടങ്ങിയ ജില്ലയിലെ ഉജ്വല വാഗ്മികൾ സദസ്സിനെ സമ്പന്നമാക്കി. നാടൻപാട്ടും കവിതയുമായി അജി കാട്ടൂർ സദസ്സിനെ കയ്യിലെടുത്തു.

ജനകീയ പ്രക്ഷോഭത്തിന് രാഷ്ട്രീയം നോക്കാതെ പിന്തുണയുമായി എത്തിയ ഇന്ത്യൻ ലാറ്റിൻ കാത്തലിക് കൗൺസിൽ ജനറൽ സെക്രട്ടറി ജാക്സൺ ആറാട്ടുകുളം, വ്യാസ മഹാസഭ ജില്ലാ വൈസ് പ്രസിഡന്റ്‌ മോഹൻദാസ് ചെത്തി എന്നിവർ സമരത്തിന് ജനകീയ മുഖം നൽകി. പിന്തുണയുമായി എത്തിയ വിവിധ മണ്ഡലം പ്രസിഡൻ്റുമാർ, മോർച്ച ഭാരവാഹികൾ, ആയിരത്തോളം വീടുകളിൽ സമര സന്ദേശം എത്തിച്ച നിയോജക മണ്ഡലത്തിലെ പ്രവർത്തകർ എന്നിവർ ജനകീയ പങ്കാളിത്തം ഉറപ്പിച്ചു.

സാമൂഹ്യ മാധ്യമ സാന്നിദ്ധ്യം ഉറപ്പാക്കിയ അശ്വതി, മഹേഷ് കുമാർ എന്നിവരുടെ സേവനം എടുത്ത് പറയേണ്ടതാണ്. എല്ലാവർക്കും നന്ദി. നാം തുടങ്ങിയ പോരാട്ടം ഇവിടം കൊണ്ട് അവസാനിക്കുന്നില്ല. അടുത്ത ഘട്ടമായി നിയമ പോരാട്ടത്തിലേക്ക് കടക്കുകയാണ്. അത് നാളുകൾ നീണ്ട് നിൽക്കുന്നതാണെന്ന് എല്ലാവർക്കും അറിയാം. അതിനാൽ വീണ്ടും ജനകീയ പോരാട്ടം ശക്തിപ്പെടുത്തേണ്ടതുണ്ട്. ഉടൻ തന്നെ നമുക്ക് വീണ്ടും കാണാം. എല്ലാവർക്കും ഒരിക്കൽ കൂടി നന്ദി.