വിശ്വാസമൊക്കെ നല്ലതാണ്..അതെല്ലാം ഓരോരുത്തരുടെയും വ്യക്തി സ്വാതന്ത്ര്യവും മറ്റുമാണ്. എന്നാൽ അത് മറ്റുള്ളവർക്ക് ദോഷം ആകുന്ന തരത്തിൽ ആകരുത് എന്ന് മാത്രം.പ്രതേകിച്ചു സമൂഹത്തിനു മാതൃകയാക്കേണ്ട ആളുകളുടെ ഭാഗത്തു നിന്നും..അത്തരത്തിലൊരു വീഡിയോ ആണ് സമൂഹ മാധ്യമങ്ങളിൽ അടക്കം ഇപ്പോൾ വൈറലാകുന്നത്..ചെന്നൈ: നടുറോഡിൽ പൂജ നടത്തിച്ച ട്രാഫിക് സബ് ഇൻസ്‌പെക്‌ടർക്ക് സസ്‌പെൻഷൻ. ചെന്നൈ മധുരാവോയൽ ട്രാഫിക് എൻഫോഴ്‌സ്‌‌മെന്റ് ഡിവിഷനിലെ സബ് ഇൻസ്‌പെക്‌ടറായ പളനിക്കാണ് സസ്‌പെൻഷൻ ലഭിച്ചത്. റോഡ് അപകടങ്ങൾ തടയുന്നതിനായാണ് ഇയാൾ ചെന്നൈ മധുരവോയൽ-ശ്രീപെരുമ്പുദൂർ റോഡിൽ പൂജ നടത്തിയത്. ഇതിനായി ഒരു ട്രാൻസ്‌വുമണിനെ ചുമതലപ്പെടുത്തുകയായിരുന്നു.പളനി, ട്രാൻസ്‌വുമണിന്റെ കൈയിൽ പൂജ നടത്താനുള്ള മത്തങ്ങ നൽകുന്നതും ഇവർ ആചാരപ്രകാരം മത്തങ്ങ റോഡിൽ ഉടക്കുന്നതും വീഡിയോയിൽ കാണാം. മന്ത്രങ്ങൾ ചൊല്ലിയതിനുശേഷം മത്തങ്ങ ഉടയ്ക്കുന്നത് ദുഷ്‌ട ശക്തികളെ തുരത്താൻ സഹായിക്കുമെന്നാണ് ഹൈന്ദവ വിശ്വാസം.

വാഹനങ്ങൾ കടന്നുപോകവേ മത്തങ്ങ ഉടച്ചതിനുശേഷം റോഡിൽ നിന്ന് ഇതിന്റെ അവശിഷ്‌ടങ്ങൾ മാറ്റാതെയാണ് പൊലീസ് ഉദ്യോഗസ്ഥൻ അവിടെനിന്ന് പോയത്.അപകടങ്ങൾ പതിവായി നടക്കുന്ന മേഖലയിലാണ് ഉദ്യോഗസ്ഥൻ പൂജ നടത്തിച്ചത്.കഴിഞ്ഞ ആറുവർഷത്തിനിടെ 120 അപകടങ്ങളാണ് ഇവിടെയുണ്ടായത്. ഇക്കാരണത്താൽ കടകളുടെ ഉദ്ഘാടനങ്ങൾക്കും വാഹന പൂജയ്ക്കും മറ്റും റോഡിൽ മത്തങ്ങ ഉടയ്ക്കരുതെന്ന് പൊലീസ് നിർദേശമുണ്ട്.ഏതായാലും ഇത് നല്ല എട്ടിന്റെ പണിയായി പോയെന്നാവും ഇപ്പോൾ പോലീസുകാരനും ചിന്തിക്കുന്നുണ്ടാവുക. ഏതായാലും വീഡിയോ ഇപ്പോൾ സമൂഹ മാധ്യമങ്ങളിൽ അടക്കം വൈറലാണ്..