ചന്ദ്രയാൻ-3 ചന്ദ്രനിൽ ഇറങ്ങിയപ്പോൾ തിരുവനന്തപുരത്തെ ഇന്ത്യൻ ഇൻസ്റ്റിറ്റ്യൂട്ട് ഓഫ് സ്‌പേസ് സയൻസ് ആൻഡ് ടെക്‌നോളജിയുടെ കാമ്പസ് ആവേശത്തോടെയും അഭിമാനത്തോടെയും ആ നിമിഷങ്ങൾ കണ്ടത്..ഇന്ത്യൻ ബഹിരാകാശ ഗവേഷണ സംഘടനയുടെ (ഐഎസ്ആർഒ) കേരളത്തിലെ യൂണിറ്റുകൾക്ക്, ചന്ദ്രോപരിതലത്തിൽ ‘വിക്രം’ ലാൻഡർ തൊടുന്നത് തികച്ചും അഭിമാനത്തിന്റെ നിമിഷമായിരുന്നു..VSSC, ലിക്വിഡ് പ്രൊപ്പൽഷൻ സിസ്റ്റംസ് സെന്റർ (LPSC), ISRO ഇനേർഷ്യൽ സിസ്റ്റംസ് യൂണിറ്റ് (IISU) എന്നിവയുൾപ്പെടെ തിരുവനന്തപുരത്തെ എല്ലാ ISRO യൂണിറ്റുകൾക്കും ചന്ദ്രയാൻ -3 ദൗത്യത്തിൽ നിർണായക പങ്കുണ്ട്..ജൂലൈ 14 ന് ചന്ദ്രയാൻ -3 ബഹിരാകാശ പേടകത്തെ ഭൗമ ഭ്രമണപഥത്തിൽ എത്തിച്ച ഭാരമേറിയ എൽവിഎം 3 റോക്കറ്റിന്റെ ഉത്തരവാദിത്തം തിരുവനന്തപുരം  തുമ്പയിലെ വിക്ഷേപണ വാഹനങ്ങൾക്കായുള്ള ഐഎസ്ആർഒയുടെ ലീഡ് ഫെസിലിറ്റിയായ VSSC ആയിരുന്നു.

ചന്ദ്രയാൻ 3ന് പൊതുജനത്തിനിടയിൽ ഉള്ള  സ്വീകാര്യത വളരെ വത്യസ്തമായിരുന്നു..ഇന്ത്യയുടെ അഭിമാന ചാന്ദ്ര ദൗത്യ വിജയം തിരുവനന്തപുരവും ആഘോഷമാക്കി..ഇന്നലെ ISRO ജീവനക്കാർക്ക് പ്രതീക്ഷിക്കാത്ത ഒരു വരവേൽപ്പാണ് ലഭിച്ചത് അതും ചെണ്ടമേളത്തോടെ. .വൈകുന്നേരം ISROയിൽ നിന്ന് ജീവനക്കാരുമായി ഇറങ്ങിവന്ന ബുസ്കൾക്കും മറ്റു  വാഹനങ്ങളിലും പുഷ്പങ്ങൾ വിതറിയും വൻ സ്വീകരണം കൊടുത്തു..ഒപ്പം പായസ വിതരണവും നടത്തിയാണ് സാധാരണക്കാർ അവരുടെ സന്തോഷം പ്രകടിപ്പിച്ചത്..

വലിയമലയിൽ നിന്നും നെടുമങ്ങാടേക്ക് പോകുന്ന ഭാഗത്തു വച്ചാണ് ഈ സംഭവം..ഈ അപ്രതീക്ഷിത സ്വീകരണവും..സാധാരണക്കാരുടെ ആവശേവും സന്തോഷവും  ജീവനക്കാർക്ക്  അഭിമാന നിമിഷങ്ങളായിരുന്നു..