സംസ്ഥാനത്ത് ലോഡ്ഷെഡിങ് ഏര്പ്പെടുത്തേണ്ടതില്ലെന്ന് മുഖ്യമന്ത്രി വിളിച്ചയോഗത്തില് തീരുമാനം...അടുത്ത മാസം നാലിന് വീണ്ടും ഉന്നതതലയോഗം ചേരും
സംസ്ഥാനത്ത് ലോഡ്ഷെഡിങ് ഏര്പ്പെടുത്തേണ്ടതില്ലെന്ന് മുഖ്യമന്ത്രി വിളിച്ചയോഗത്തില് തീരുമാനം...അടുത്ത മാസം നാലിന് വീണ്ടും ഉന്നതതലയോഗം ചേരും.
അതുവരെ വൈദ്യുതി നിയന്ത്രണം ഉണ്ടാവില്ലെന്നും യോഗ തീരുമാനമായി. സാധാരണക്കാര്ക്ക് ദോഷകരമാവാതെ വൈദ്യുതി സ്മാര്ട്ട് മീറ്റര് സ്ഥാപിക്കാനും ഉന്നതതല യോഗം തീരുമാനിച്ചു. കേന്ദ്രം നിര്ദ്ദേശിച്ചതില് നിന്നും വ്യത്യസ്തമായി ചെലവുകുറച്ച് പദ്ധതി നടപ്പാക്കാനുള്ള സാധ്യതയാണ് പരിശോധിക്കുന്നത്.
പുതിയ സംവിധാനത്തില് ബില്ലിംഗ്, അനുബന്ധ സേവനങ്ങള് എന്നിവയ്ക്കുള്ള സോഫ്റ്റ് വെയര് കെഎസ്ഇബിതന്നെ രുപപ്പെടുത്തും. കെ-ഫോണ് വന്നതോടെ കെഎസ്ഇബിക്ക് സൗജന്യമായി നല്കിയ ഫൈബര് ഒപ്റ്റിക്ക് കേബിള് ഉപയോഗിച്ച് വിവര വിനിമയം നടത്തും. കെഎസ്ഇബി ഡാറ്റ സെന്റര് ഉപയോഗിച്ച് ഡാറ്റ സ്റ്റോറേജും നടത്താവുന്നതാണ്. പഴയ മീറ്റര് മാറ്റി സ്മാര്ട്ട് മീറ്റര് സ്ഥാപിക്കുന്ന ജോലി കെ.എസ്.ഇ.ബി ജീവനക്കാര് തന്നെ നടത്തും.
കെ.എസ്.ഇ.ബിയുടെ നിലവിലുള്ള എല്ലാ ഉപഭോക്താക്കള്ക്കും സ്മാര്ട്ട് മീറ്റര് ഘടിപ്പിക്കില്ല. ആദ്യഘട്ടം എന്ന നിലയില് വ്യവസായ-വാണിജ്യ ഉപയോക്താക്കള്ക്കാണ് സംവിധാനം ഏര്പ്പെടുത്തുക. മൂന്ന് ലക്ഷത്തില് താഴെ പേരെയാണ് ഈ സംവിധാനത്തിന്റെ ഭാഗമാക്കുക.
"
https://www.facebook.com/Malayalivartha
