കെഎസ്ആര്‍ടിസിയുടെ ടിക്കറ്റ് ബുക്കിംഗ് സംവിധാനം നാളെ മുതല്‍ പുതിയ പ്ലാറ്റ്‌ഫോമിലേക്ക്.. www.onlineksrtcswift.com  എന്ന വെബ്‌സൈറ്റും, Ente KSRTC Neo OPRS എന്ന മൊബൈല്‍ ആപ്ലിക്കേഷനിലുമാണ് നാളെ മുതല്‍ റിസര്‍വ്വേഷന്‍ സൗകര്യമുള്ളത്. കെഎസ്ആര്‍ടിസിയുടെ ഓണ്‍ലൈന്‍ റിസര്‍വേഷന്‍ സംവിധാനം കൈകാര്യം ചെയ്തിരുന്ന അഭിബസുമായുള്ള (Abhibus) കരാര്‍ 2023 സെപ്റ്റംബര്‍ 30 – ഓടെ അവസാനിക്കുന്ന സാഹചര്യത്തിലാണ് പുതിയ പ്ലാറ്റ്‌ഫോമിലേക്ക് മാറുന്നത്.

ഇതിനായി പുതിയ സര്‍വീസ് പ്രൊവൈഡര്‍ക്ക് വേണ്ടി 12.08.2022 ല്‍ കെഎസ്ആര്‍ടിസി തന്നെ ടെണ്ടര്‍ വിളിക്കുകയും അതിന്റെ അടിസ്ഥാനത്തില്‍ പുതിയ കമ്പനിക്ക് വര്‍ക്ക് ഓഡര്‍ നല്‍കുകയും ചെയ്തിരുന്നു. ആ കമ്പനിയുടെ പ്രവര്‍ത്തനക്ഷമത നിരീക്ഷിക്കുന്നതിനായി 2023 മെയ് മാസം മുതല്‍ ഓഗസ്റ്റ് 31 വരെ അ!ഞ്ച് മാസക്കാലം കെ എസ് ആര്‍ ടി. സി സ്വിഫ്റ്റ് സര്‍വീസുകള്‍ മാത്രം പുതിയ പ്ലാറ്റ്‌ഫോമില്‍ പരീക്ഷണമായി ബുക്കിംഗ് സംവിധാനം ഒരുക്കിയിരുന്നു. അത് വിജയമായതിനെ തുടര്‍ന്നാണ് 2023 സെപ്റ്റംബര്‍ 5 മുതല്‍ KSRTC-യുടെയും, കെഎസ്ആര്‍ടിസി സ്വിഫ്റ്റിന്റേയും എല്ലാ സര്‍വീസുകളേയും ഉള്‍പ്പെടുത്തി ഈ പ്ലാറ്റ്‌ഫോമിന്റെ പ്രവര്‍ത്തനം പരീക്ഷണാര്‍ത്ഥം ആരംഭിക്കുന്നത്.

കെഎസ്ആര്‍ടിസി സ്വിഫ്റ്റ് സര്‍വ്വീസുകളുടെ വരുമാനവും കെഎസ്ആര്‍ടിസിയുടെ അക്കൗണ്ടിലാണ് വരുന്നത്. അത് പോലെ തന്നെ റിസര്‍വേഷനിലൂടെ വരുന്ന വരുമാനവും കെ എസ് ആര്‍ ടി സി യുടെ അക്കൗണ്ടില്‍ മാത്രമാണ് ലഭിക്കുക. KSRTC SWIFT സര്‍വീസുകളുടെ കളക്ഷന്‍ ശേഖരിക്കുന്ന ഒരു സംവിധാനവും നിലവില്‍ ഇല്ല. ഇത് നേരത്തെ തന്നെ പലപ്രാവശ്യം വ്യക്തമാക്കിയിരുന്നു. വരുമാനം മറ്റു കമ്പനികളിലേക്ക് പോകുന്നെന്ന തരത്തിലുള്ള വാര്‍ത്തകള്‍ ജീവനക്കാര്‍ക്കിടയിലും, യാത്രക്കാര്‍ക്കിടയിലും തെറ്റിദ്ധാരണ മാത്രമേ ഉണ്ടാകൂവെന്നും അത്തരം വാര്‍ത്തകള്‍ ചെയ്യുന്നതില്‍ നിന്നും മാധ്യമങ്ങള്‍ പിന്‍വാങ്ങണമെന്നും മാനേജ്‌മെന്റ് അഭ്യര്‍ത്ഥിച്ചു. പുതിയ വെബ്‌സൈറ്റ്: www.onlineksrtcswift.com , , മൊബൈല്‍ ആപ്ലിക്കേഷന്‍ (play സ്‌റ്റോറിലും App സ്‌റ്റോറിലും ലഭ്യമാണ്) Ente KSRTC Neo OPRS .

ബസ് സര്‍വീസ് ആരംഭിച്ചാല്‍ പോലും പിന്നീട് വരുന്ന സ്ഥലങ്ങളില്‍ നിന്നും ലഭ്യമായ സീറ്റുകളില്‍ ബുക്കിങ് അനുവദനീയമാകുന്നു. ഇത് കാരണം യാത്രക്കാര്‍ ബസുകള്‍ സേര്‍ച്ച് ചെയ്യുമ്പോള്‍ കൂടുതല്‍ ബസുകള്‍ ലഭ്യമാകുന്നു. (Live Ticketing) – – പരീക്ഷണാടിസ്ഥാനത്തില്‍ ലൈവ് ടിക്കറ്റിങ് നല്‍കാനാകും വിധം ഏതാനും സര്‍വീസുകളില്‍ നടപ്പിലാക്കി വരുന്നു. എസ്എംഎസ് ഡെലിവറി സിസ്റ്റത്തിന് പുറമെ വാട്‌സാപ്പ് മുഖേനയും ബുക്കിങ് സംബന്ധമായ എല്ലാ സന്ദേശങ്ങളും ലഭ്യമാകുന്നതാണ്. ഓട്ടോമാറ്റിക് റീഫണ്ട് പോളിസി ആയതിനാല്‍ തന്നെ റീഫണ്ട് ലഭിക്കുന്നതിനുള്ള കാല താമസം ഒഴിവാകുന്നു. കൂടാതെ റീഫണ്ട് സ്റ്റാറ്റസ് യാത്രക്കാര്‍ക്ക് അറിയുവാനും സാധിക്കും.