ഇത്രയും പ്രതീക്ഷിച്ചില്ല... ഉദയനിധി സ്റ്റാലിന്റെ സനാതന ധര്മ വിവാദം ചൂടുപിടിക്കുന്നു; അനുകൂലിച്ചും പ്രതീകൂലിച്ചും ശബ്ദങ്ങള് ഉയരുന്നു; വസ്തുതകളുടെ അടിസ്ഥാനത്തില് കനത്ത മറുപടി നല്കണമെന്ന് പ്രധാനമന്ത്രി നരേന്ദ്ര മോദി
ഉദയനിധി സ്റ്റാലിന്റെ ഒരു പ്രസ്താവന രാജ്യത്തെ ചൂട് പിടിപ്പിക്കുകയാണ്. അനുകൂലിച്ചും പ്രതികൂലിച്ചും നിരവധി പേര് രംഗത്തെത്തി. ഉദയനിധി സ്റ്റാലിന്റെ സനാതന ധര്മ വിവാദത്തില് വസ്തുതകളുടെ അടിസ്ഥാനത്തില് കനത്ത മറുപടി നല്കണമെന്ന് പ്രധാനമന്ത്രി നരേന്ദ്ര മോദി കേന്ദ്രമന്ത്രിമാരോട് പറഞ്ഞു. ഇന്ന് ചേര്ന്ന കേന്ദ്ര മന്ത്രിസഭയോഗത്തിലാണ് പ്രധാനമന്ത്രി നരേന്ദ്രമോദി മന്ത്രിമാര്ക്ക് നിര്ദ്ദേശം നല്കിയത്.
അതേസമയം ഹിമാചല് , ഉത്തരാഖണ്ഡ് സംസ്ഥാനങ്ങള്ക്കായി വ്യവസായ വികസന പദ്ധതിയുടെ കീഴില് 1164 കോടി രൂപയുടെ അധിക ഫണ്ടും കേന്ദ്ര മന്ത്രിസഭ അംഗീകരിച്ചു. കേന്ദമന്ത്രിസഭ യോഗത്തിന്റെ തീരുമാനങ്ങള് കേന്ദ്രമന്ത്രി അനുരാഗ് ഠാക്കൂറാണ് അറിയിച്ചത്. രാജ്യത്തിന് മെച്ചപ്പെട്ട ഊര്ജ്ജ സംരക്ഷണ സംവിധാനം തയ്യാറാക്കുന്നുവെന്നും അനുരാഗ് ഠാക്കൂര് അറിയിച്ചു. പുനരുപയോഗ ഊര്ജ്ജം പ്രോത്സാഹിപ്പിക്കാന് സര്ക്കാര് പ്രതിജ്ഞാബദ്ധമാണെന്നും അതിനായി ബാറ്ററി ഊര്ജ സംരക്ഷണ സംവിധാനത്തിനായി 3760 കോടി ഗ്രാന്റും കേന്ദ്ര മന്ത്രസഭ അംഗീകരിച്ചു. 2030-31 ഓടെ നാലായിരം മെഗാവാട്ട് വൈദ്യൂതി ഉദ്പാദിപ്പിക്കാന് കഴിയുമെന്ന് അനുരാഗ് ഠാക്കൂര് പറഞ്ഞു.
അതേ സമയം, ഉദയനിധി സ്റ്റാലിന്റെ സനാതന ധര്മ്മവുമായി ബന്ധപ്പെട്ട പരാമര്ശം രാജ്യത്തെ പ്രതിപക്ഷ പാര്ട്ടികളുടെ മുന്നണിയായ 'ഇന്ത്യ'യിലും ഭിന്നത സൃഷ്ടിച്ചിട്ടുണ്ട്. മമതയടക്കം നേതാക്കള് ഉദയനിധിയെ തള്ളിയപ്പോള്, വിഷയം വിവാദമാക്കുന്നത് ബിജെപിയെന്ന ആരോപണമാണ് സമാജ് വാദി പാര്ട്ടി ഉയര്ത്തിയത്. വിഷയം ദേശീയ തലത്തില് ചര്ച്ചയായതോടെയാണ് ഉദയനിധി സ്റ്റാലിനെ തള്ളി ബംഗാള് മുഖ്യമന്ത്രി മമത ബാനര്ജിയടക്കം രംഗത്തെത്തിയത്. ഓരോ മത വിഭാഗത്തിനും അവരുടേതായ വൈകാരികതലം ഉണ്ടാകുമെന്നും ഒരു വിഭാഗത്തെയും വേദനിപ്പിക്കുന്ന വിഷയങ്ങളില് ഇടപെടരുതെന്നുമായിരുന്നു വിവാദത്തില് മമതയുടെ പ്രതികരണം.
ഉദയനിധിയുടെ പരാമര്ശത്തെ പരസ്യമായി തള്ളിപ്പറഞ്ഞ് 'ഇന്ത്യ' മുന്നണിയുടെ ഭാഗമായ ശിവസേന ഉദ്ദവ് വിഭാഗവും രംഗത്തെത്തി. സനാതന ധര്മ്മത്തെ അപമാനിക്കും വിധമുള്ള പരാമര്ശങ്ങള് അജ്ഞത മൂലമെന്നാണ് ശിവസേന ഉദ്ദവ് വിഭാഗം അഭിപ്രായപ്പെട്ടത്. രാജ്യത്തിന്റെ അടിസ്ഥാനം സനാതന ധര്മ്മവുമായി ബന്ധിക്കപ്പെട്ടിരിക്കുന്നുവെന്നും ശിവസേന ഉദ്ദവ് വിഭാഗം നേതാവ് പ്രിയങ്ക ചതുര്വേദി കൂട്ടിച്ചേര്ത്തു.
ഉദയനിധി സ്റ്റാലിന് നടത്തിയ സനാതന ധര്മ്മ പരാമര്ശം വന് വിവാദങ്ങള്ക്കാണ് വഴിവച്ചത്. സമൂഹത്തിന്റെ വിവിധ മേഖലയില് ഉള്ള നിരവധി പേര് വിഷയത്തില് പ്രതികരണവുമായി എത്തിച്ചേര്ന്നിരുന്നു. ഇപ്പോഴിതാ ഉദയനിധി സ്റ്റാലിനെ പിന്തുണച്ച് രംഗത്തെത്തിയിരിക്കുകയാണ് സംവിധായകന് പാ രഞ്ജിത്ത്. ഉദയനിധിയുടെ വാക്കുകളെ വളച്ചൊടിച്ച് വംശഹത്യക്കുള്ള ആഹ്വാനമായി ദുരുപയോഗം ചെയ്യുകയാണെന്ന് പാ രഞ്ജിത്ത് പറഞ്ഞു.
ഉദയനിധി സ്റ്റാലിന് എന്റെ ഐക്യദാര്ഢ്യം. നൂറ്റാണ്ടുകളായി ജാതി വിരുദ്ധ പ്രസ്ഥാനത്തിന്റെ അടിസ്ഥാന തത്വമാണ് സനാതന ധര്മത്തിന്റെ ഉന്മൂലനം ചെയ്യാനുള്ള ആഹ്വാനം. ജാതിയുടെയും ലിംഗത്തിന്റെ പേരിലുള്ള മനുഷ്യത്വരഹിമായ ആചാരങ്ങളുടെ വേരുകള് സനാതന ധര്മത്തിലുണ്ട്. ഡോ. ബാബാസാഹേബ് അംബേദ്കര്, ഇയോതീദാസ് പണ്ഡിതര്, തന്തൈ പെരിയാര്, മഹാത്മാ ഫൂലെ, സന്ത് രവിദാസ് തുടങ്ങിയവരെല്ലാം തങ്ങളുടെ ജാതിവിരുദ്ധ പോരാട്ടങ്ങളില് ഇത് തന്നെയാണ് വാദിക്കുന്നത്. ഉദയനിധിയുടെ പ്രസ്താവനയെ വളച്ചൊടിച്ച് വംശഹത്യക്കുള്ള ആഹ്വാനമായി ദുരുപയോഗം ചെയ്യുന്ന ഹീനമായ സമീപനം അംഗീകരിക്കാനാവില്ല. അദ്ദേഹത്തിനെതിരെ വര്ധിച്ചുവരുന്ന വിദ്വേഷ പ്രചാരണങ്ങളിലും വേട്ടയാടലുകളിലും അപലപിക്കുന്നു. സാമൂഹ്യനീതിയും സമത്വവുമുള്ള ഒരു സമൂഹം സ്ഥാപിക്കാന് സനാധന ധര്നം ഉന്മൂലനം ചെയ്യണമെന്ന ഉദയനിധിയുടെ വാക്കുകളെ ഞാന് പിന്തുണയ്ക്കുന്നു എന്നാണ് പാ രഞ്ജിത്ത് കുറിച്ചത്.
സനാതന ധര്മത്തെ ഉന്മൂലനം ചെയ്യണമെന്ന പ്രസ്താവന നടത്തിയ തമിഴ്നാട് കായിക മന്ത്രി ഉദയനിധി സ്റ്റാലിനെതിരെ കെ ബി ഗണേഷ്കുമാര് എംഎല്എ. ഉദയനിധി സ്റ്റാലിന് പറഞ്ഞത് വിഡ്ഢിത്തരമാണെന്നും എല്ലാ മതവിശ്വാസങ്ങള്ക്കും ആചാരങ്ങള്ക്കും അതിന്റേതായ മൂല്യമുണ്ടെന്നും ഗണേഷ് കുമാര് പറഞ്ഞു.
"
https://www.facebook.com/Malayalivartha
