സസ്പെന്സിട്ട് സുരേഷ് ഗോപി... സുരേഷ് ഗോപിയെ സത്യജിത് റായ് ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ട് അധ്യക്ഷനായി നിയമിച്ചു; സുരേഷ് ഗോപിയുടെ പരിചയ സമ്പത്ത് സ്ഥാപനത്തിന്റെ പുരോഗതിക്ക് മുതല് കൂട്ടാകുമെന്ന് കേന്ദ്ര മന്ത്രി
ലോക്സഭാ തെരഞ്ഞെടുപ്പിന് മാസങ്ങള് ബാക്കിയുള്ളപ്പോള് സുരേഷ് ഗോപിക്ക് സുപ്രധാന ചുമതല. സത്യജിത് റായ് ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ട് പ്രസിഡന്റായി സുരേഷ് ഗോപിക്ക് നിയമനം. മൂന്ന് വര്ഷത്തേക്ക് നിയമനം. സുരേഷ് ഗോപിയെ ഇന്സ്റ്റിറ്റ്യൂട്ട് ഗവേണിംഗ് കൗണ്സില് അധ്യക്ഷനായും കേന്ദ്രം നാമനിര്ദേശം ചെയ്തു. ഈ സ്ഥാനത്തിരുന്ന് തെരഞ്ഞെടുപ്പില് മത്സരിക്കാന് കഴിയില്ല. അപ്പോള് ലോക്സഭാ തെരഞ്ഞെടുപ്പില് തൃശൂരില് എങ്ങനെ മത്സരിക്കുമെന്ന് കണ്ടറിയാം. കേന്ദ്രമന്ത്രി അനുരാഗ് ടാക്കൂര് ആണ് സുരേഷ് ഗോപിയെ നിമയമിച്ചു കൊണ്ടുള്ള ഔദ്യോഗിക പ്രഖ്യാപനം നടത്തിയത്. സുരേഷ് ഗോപിയുടെ പരിചയ സമ്പത്ത് സ്ഥാപനത്തിന്റെ പുരോഗതിക്ക് മുതല് കൂട്ടാകുമെന്ന് അദ്ദേഹം വ്യക്തമാക്കി. ഫലവത്തായ ഒരു ഭരണകാലം ആശംസിക്കുന്നുവെന്ന് സുരേഷ് ഗോപിയോടായി മന്ത്രി പറഞ്ഞു.
അതേസമയം, ഗരുഡന് എന്ന ചിത്രമാണ് സുരേഷ് ഗോപിയുടേതായി റിലീസിന് ഒരുങ്ങുന്നത്. മിഥുന് മാനുവല് തോമസ് തിരക്കഥ എഴുതുന്ന ചിത്രം സംവിധാനം ചെയ്തിരിക്കുന്നത് അരുണ് വര്മ്മയാണ്. ഒരിടവേളയ്ക്ക് ശേഷം സുരേഷ് ഗോപിയും ബിജുമേനോനും ഒന്നിക്കുന്ന ചിത്രം കൂടിയാണ് ഗരുഡന്. മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനാണ് നിര്മാണം. 'ജെ.എസ്.കെ' എന്നൊരു ചിത്രവും സുരേഷ് ഗോപിയുടേതായി അണിയറയില് ഒരുങ്ങുന്നുണ്ട്. ജാനകി ്ന െസ്റ്റേറ്റ് ഓഫ് കേരള എന്നാണ് ചിത്രത്തിന്റെ പൂര്ണമായ പേര്. പ്രവീണ് നാരായണന് ആണ് ചിത്രത്തിന്റെ സംവിധാനം. കോര്ട് റൂം ഡ്രാമ വിഭാഗത്തില് ഉള്ള ചിത്രത്തില് സുരേഷ് ഗോപിയുടെ മകന് മാധവും അഭിനയിക്കുന്നുണ്ട്. മേ ഹും മൂസ, പാപ്പന് എന്നീ ചിത്രങ്ങളാണ് സുരേഷ് ഗോപിയുടേതായി ഏറ്റവും ഒടുവില് റിലീസ് ചെയ്തത്.
അതേസമയം സുരേഷ് ഗോപി സജീവമായി രാഷ്ട്രീയത്തിലുണ്ട്. കരുവന്നൂരിലെ ഇരകള്ക്ക് വേണ്ടി സുരേഷ് ഗോപി രംഗത്തെത്തിയിരുന്നു. ഗാന്ധിജയന്തി ദിനത്തില് കരുവന്നൂര് ബാങ്കിന് മുന്നില്നിന്ന് സുരേഷ് ഗോപി പദയാത്ര ആരംഭിക്കും. തൃശൂരില് സമാപിക്കും. കരുവന്നൂര് സഹകരണ ബാങ്കിലെ പണം നഷ്ടമായ ഇരകള്ക്ക് നീതി ലഭിക്കണമെന്നാവശ്യപ്പെട്ടാണ് പദയാത്ര. പണം നഷ്ടമായതിനെ തുടര്ന്ന് ആത്മഹത്യ ചെയ്തവരുടെയും ദുരിതത്തിലായവരുടെയും കുടുംബാംഗങ്ങളും പദയാത്രയില് അണിനിരക്കുമെന്ന് ബിജെപി ജില്ലാ പ്രസിഡന്റ് അഡ്വ. കെകെ അനീഷ് കുമാര് പറഞ്ഞു. സംസ്ഥാന പ്രസിഡന്റ് കെ.സുരേന്ദ്രന് പദയാത്ര ഉദ്ഘാടനം ചെയ്യും. സമാപന സമ്മേളനത്തില് എം.ടി രമേശ് പ്രസംഗിക്കും.
കരുവന്നൂര് തട്ടിപ്പിലെ ഇരകള്ക്ക് വേണ്ടിയല്ല, വേട്ടക്കാര്ക്ക് വേണ്ടിയാണ് സി പി എം നിലകൊള്ളുന്നതെന്ന് ബിജെപി ജില്ലാ പ്രസിഡന്റ് അഡ്വ. കെ.കെ. അനീഷ് കുമാര് ആരോപിച്ചു. ഇ ഡി അന്വേഷണം തടസപ്പെടുത്താനാണ് സിപിഎം ശ്രമം. ഇത് തട്ടിപ്പുകാരെ സംരക്ഷിക്കാനാണ്. പണം നഷ്ടമായവരോട് എന്തെങ്കിലും പ്രതിബദ്ധത ഉണ്ടെങ്കില് തട്ടിപ്പിന് കൂട്ടുനിന്ന എ.സി മൊയ്തീന്, എം.കെ കണ്ണന്, പി.ആര് അരവിന്ദാക്ഷന്, അനൂപ് ഡേവിസ് കാട എന്നിവരെ പാര്ട്ടിയില് നിന്ന് പുറത്താക്കാന് സി പി എം തയ്യാറാകണം.
ജനപ്രതിനിധികളായി തുടരാന് ഇവര്ക്ക് അര്ഹതയില്ല. കോടികളുടെ തട്ടിപ്പ് പുറത്തു വന്ന സാഹചര്യത്തില് കേരള ബാങ്ക് ഉള്പ്പെടെ സംശയ നിഴലിലായ ബാങ്കുകളുടെ സാമ്പത്തിക സ്ഥിതി വെളിപ്പെടുത്തുന്ന ധവളപത്രം പുറത്തിറക്കണം. ഒക്ടോബര് രണ്ടിന് ഗാന്ധിജയന്തി ദിനത്തില് കരുവന്നൂര് ബാങ്കില് നിന്ന് തൃശൂര് സഹകരണ ബാങ്കിലേക്ക് ബി ജെ പി സഹകാരി സംരക്ഷണ പദയാത്ര നടത്തും. സുരേഷ് ഗോപി പദയാത്ര നയിക്കും. കരുവന്നൂരില് പണം നഷ്ടമായ ഇരകളും പദയാത്രയില് അണിനിരക്കും. പുതിയ സാഹചര്യത്തില് പദയാത്ര എന്താകുമെന്ന് കണ്ടറിയാം.
https://www.facebook.com/Malayalivartha
