വിഖ്യാത കാര്ഷിക ശാസ്ത്രജ്ഞന് ഡോ. എം.എസ്. സ്വാമിനാഥന് സമൂഹത്തിന്റെ നാനാതുറയില്പ്പെട്ടവരുടെ അന്ത്യാഞ്ജലി....സംസ്കാരം ഇന്ന് ഉച്ചയ്ക്ക് 12ന് ചെന്നൈയിലെ ബസന്ത് നഗര് ശ്മശാനത്തില് ഔദ്യോഗിക ബഹുമതികളോടെ ....
വിഖ്യാത കാര്ഷിക ശാസ്ത്രജ്ഞന് ഡോ. എം.എസ്. സ്വാമിനാഥന് സമൂഹത്തിന്റെ നാനാതുറയില്പ്പെട്ടവരുടെ അന്ത്യാഞ്ജലി... സംസ്കാരം ഇന്ന് ഉച്ചയ്ക്ക് 12ന് ചെന്നൈയിലെ ബസന്ത് നഗര് ശ്മശാനത്തില് ഔദ്യോഗിക ബഹുമതികളോടെ നടക്കും.
ചെന്നൈയിലെ വസതിയിലും ചെന്നൈ തരമണിയിലെ എം.എസ്. സ്വാമിനാഥന് റിസര്ച്ച് ഫൗണ്ടേഷന് ആസ്ഥാനത്തും പൊതുദര്ശനത്തിന് വച്ച ഭൗതികദേഹത്തില് അന്ത്യാഞ്ജലി അര്പ്പിക്കാന് മുന് ഉപരാഷ്ട്രപതി എം. വെങ്കയ്യ നായിഡു, തമിഴ്നാട് മുഖ്യമന്ത്രി എം.കെ. സ്റ്റാലിന്, രാഷ്ട്രീയ, സാംസ്കാരിക, ശാസ്ത്ര മേഖലകളിലെ പ്രമുഖരടക്കം എത്തി.
വ്യാഴാഴ്ച രാവിലെ 11.20ന് അന്തരിച്ച ഡോ. സ്വാമിനാഥന്റെ ഭൗതികദേഹം ഇന്നലെ രാവിലെ എട്ടുമണിവരെ വീട്ടില് പൊതുദര്ശനത്തിനുവച്ചു. എട്ടരയോടെ എം.എസ്. സ്വാമിനാഥന് റിസര്ച്ച് ഫൗണ്ടേഷന് ആസ്ഥാനത്ത് എത്തിച്ചു. ഇന്ന് രാവിലെ 10 വരെ ഇവിടെ പൊതുദര്ശനം. തുടര്ന്ന് സംസ്കാരച്ചടങ്ങുകള്ക്കായി കൊണ്ടുപോകും.
തമിഴ്നാട് പൊലീസിന്റെ ഔദ്യോഗിക ബഹുമതികള്ക്കുശേഷമാണ് സംസ്കാരം. ഡോ. സ്വാമിനാഥന് പൊലീസ് ബഹുമതി നല്കുമെന്ന് മുഖ്യമന്ത്രി എം.കെ. സ്റ്റാലിന് അറിയിച്ചിട്ടുണ്ടായിരുന്നു.
.ഹരിത വിപ്ലവത്തിലൂടെ കാര്ഷിക മേഖലയുടെയും കര്ഷകരുടെയും ക്ഷേമത്തിന് മുന്നിട്ടിറങ്ങിയിരുന്നു അദ്ദേഹം.
"
https://www.facebook.com/Malayalivartha
