പ്രതിഷേധത്തിനൊടുവില്.... തൃശൂരില് രാത്രിപ്പൂരത്തിനിടെ തിരുവമ്പാടി വിഭാഗം പൂരം നിര്ത്തിവച്ചു.... പഞ്ചവാദ്യക്കാര് വടക്കുന്നാഥ ക്ഷേത്രനടയ്ക്കു മുന്നില്വച്ചു പിരിഞ്ഞുപോയി, ആനകളും പൂരപ്രേമികളും മടങ്ങി, ചരിത്രത്തിലാദ്യ സംഭവം
പ്രതിഷേധത്തിനൊടുവില് രാത്രിപ്പൂരത്തിനിടെ പൊലീസിന്റെ ബലപ്രയോഗം അതിരുവിട്ടതോടെ തിരുവമ്പാടി വിഭാഗം പൂരംനിര്ത്തിവച്ചു. രാത്രിയില് മഠത്തില് വരവ് പഞ്ചവാദ്യം നടക്കുന്നതിനിടെ നടുവിലാല് ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞതാണു പ്രകോപനമായതെന്നറിയുന്നു.
ഇന്നലെ രാത്രിയാണ് സംഭവമുണ്ടായത്. ഇതോടെ പഞ്ചവാദ്യക്കാര് വടക്കുന്നാഥ ക്ഷേത്രനടയ്ക്കു മുന്നില്വച്ചു പിരിഞ്ഞുപോയി. ആനകളും പൂരപ്രേമികളും മടങ്ങി. നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം ശക്തമായ പ്രതിഷേധമറിയിച്ചു. ചരിത്രത്തിലാദ്യമായാണ് ഇത്തരം സംഭവം അരങ്ങേറിയത്.
പാറമേക്കാവിലമ്മയുടെ രാത്രി എഴുന്നള്ളിപ്പ് പൊലീസ് ബാരിക്കേഡ് വച്ച് തടയുകയും ഒരാനയെയും ഏതാനും മേളക്കാരെയും മാത്രം കടത്തിവിട്ടതും വലിയ ഒച്ചപ്പാടുണ്ടാക്കിയിരുന്നു. ഇന്നലെയും കമ്മിഷണറുടെ നേതൃത്വത്തില് മഠത്തില് വരവിലടക്കം കടുത്ത നിയന്ത്രണങ്ങള് ഏര്പ്പെടുത്തുകയും പൂരപ്രേമികളെ പിടിച്ചു തള്ളുകയും ചെയ്തിട്ടുണ്ടായിരുന്നു.ഇന്നലെ രാത്രിയില് എഴുന്നള്ളിപ്പിനിടെ വാദ്യക്കാരെയും ആനകളെയും തടഞ്ഞതാണു വീണ്ടും പ്രശ്നത്തില് കലാശിച്ചത്.
"
പൂരം വെടിക്കെട്ടിനു വേണ്ടി ഒരുക്കിയ ബാരിക്കേഡാണിത്. തിരുവമ്പാടി വിഭാഗം പൂരം നിര്ത്തിവച്ചതോടെ വെടിക്കെട്ടിന്റെ കാര്യവും അനിശ്ചിതത്വത്തിലായി.
https://www.facebook.com/Malayalivartha