തുല്യ നീതി ഭരണഘടനയില് മാത്രമോ?
തൃശൂര് വിജിലന്സ് കോടതി ജഡ്ജ് എസ്.എസ് വാസന് ഹൈക്കോടതിയുടെ രൂക്ഷവിമര്ശനങ്ങളെ തുടര്ന്ന് സ്വയം വിരമിക്കലിന് തയ്യാറായതോടെ വീഴ്ചകള് സംഭവിക്കുന്നവരുടെ കൂട്ടത്തില് കോടതിയും ഉള്പ്പെടുന്ന സാഹചര്യം വീണ്ടും ബോധ്യപ്പെടുകയാണ്. ലഭിച്ച പരാതി കോടതി യാന്ത്രികമായി പരിഗണിച്ചുവെന്ന് ഹൈക്കോടതി വിമര്ശിച്ചു. കൂടാതെ ഭരഘടനാപരമായ വീഴ്ചയില് ഇടപെടേണ്ടി വരുമെന്നും ഹൈക്കോടതി സൂചിപ്പിച്ചു. നീതി എല്ലാവര്ക്കും ഒരുപോലെ ബാധകമണെന്ന് ഭരണഘടന വ്യക്തമാക്കുമ്പോള് കോടതിയുടെ അത്യുത്സാഹമെന്ന് തോന്നിപ്പിക്കുന്ന പരാമര്ശങ്ങള് പലപ്പോഴും വ്യക്തികള്ക്ക് ലഭിക്കേണ്ട നീതി നിഷേധിക്കുന്നുണ്ട്. മുഖ്യമന്ത്രി ഉമ്മന്ചാണ്ടി വിജിലന്സ് കോടതി ഉത്തരവിന് തൊട്ടുപിറകെ രാജിവെച്ചില്ല. രാജിവച്ചിരുന്നെങ്കില് കെ കരുണാകരന് മുതല് കെ ബാബു വരെയുള്ള എട്ടു മന്ത്രിമാര്ക്ക് പിന്നില് ഒമ്പാതമനായി അദ്ദേഹത്തിന്റെ രാജി മാറിയേനെ. ഒടുവില് മുഖ്യമന്ത്രിക്ക് പകരം ജഡ്ജിയാണ് പടിയിറങ്ങുന്നത്. ഇതിന് സമാനമായ പല വിധികളും പുനപരിശോധനയ്ക്ക് വിധേയമാക്കണമെന്ന ആവശ്യത്തിലേക്കാണിത് വിരല് ചൂണ്ടുന്നത്.
കെ.എം മാണിക്കെതിരെ 2015 നവംബര് 9ന് ഹൈക്കോടതി വിധിയുണ്ടായി. ബാര്ക്കോഴ കേസില്, വിജിലന്സ് തുടരന്വേഷണത്തിന് ഹൈക്കോടതി അനുമതി നല്കി. മാണിക്കെതിരെ പരാമര്ശവുമുണ്ടായി. തൊട്ടടുത്ത ദിവസം മന്ത്രി മാണി രാജിവച്ചു. നീതി നടപ്പാക്കിയതു കൊണ്ടായില്ല; അത് നടപ്പാക്കിയെന്ന തോന്നല്് കൂടി ഉണ്ടാകണമെന്നതാണ് അടിസ്ഥാന തത്ത്വം.
ചോദ്യങ്ങളെല്ലാം മന്ത്രിയുടെ മനസാക്ഷിക്ക് വിടുന്നു എന്ന് കോടതി പറഞ്ഞതോടെ ചില മാധ്യമങ്ങള് മനസാക്ഷിയുണ്ടെങ്കില് മന്ത്രി രാജി വയ്ക്കണമെന്ന നിലപാട് സ്വീകരിക്കുകയുണ്ടായി. ഇവിടെ ഒരു കാര്യമോര്ക്കുക തൃശൂര് വിജിലന്സ് കോടതി നിര്ദേശത്തിന്റെ പശ്ചാത്തലത്തില് മുഖ്യമന്ത്രിയുടെ പ്രതികരണം ഇങ്ങനെയായിരുന്നു: ' ഏത് അന്വേഷണവും നേരിടാന് തയ്യാറാണ്. തന്റെ ശക്തി തെറ്റ് ചെയ്തിട്ടില്ലെന്ന മനസാക്ഷിയുടെ ശക്തിയാണ്. ധാര്മ്മികതയെക്കാള് വലുതാണ് മനസാക്ഷി'. അതായത് തെറ്റ് ചെയ്തിട്ടില്ലെന്ന് മനസാക്ഷിക്ക് ബോധ്യമുണ്ടെങ്കില് രാജിവെക്കേണ്ട.
തെറ്റ് ചെയ്തിട്ടില്ലെന്ന് തന്നെ കെ.എം മാണിയും കെ ബാബുവും ഉറപ്പിച്ചു പറഞ്ഞു. അപ്പോള് അവര് ഇരുവരും രാജിവക്കേണ്ടിയിരുന്നോയെന്ന സംശയം മുഖ്യമന്ത്രിക്ക് ഉണ്ടായി. കെ ബാബുവിന്റെ രാജി സ്വീകരിക്കാതിരിക്കാനാണ് ഈ സംശയം മുഖ്യമന്ത്രിക്ക് ഉണ്ടായത്. ' രണ്ട് പേരും രാജി വയ്ക്കേണ്ടിയിരുന്നില്ല' എന്ന് മുഖ്യമന്ത്രി ഉമ്മന് ചാണ്ടി കെ.എം മാണിയുടെ രാജിക്ക് രണ്ട് മാസത്തിന് ശേഷം പ്രസ്താവിച്ചു. ഇവിടെ രണ്ട് വിഷയങ്ങളാണ് ഉള്ളത്. കോടതിയുടെ അത്യുത്സാഹം മൂലമുള്ള വിധിയോ പരാമര്ശമോ പുന:പരിശോധനയ്ക്ക് വിധേയമക്കോണ്ടതല്ലേ? നീതി നടപ്പായിയെന്ന തോന്നല് ഉണ്ടാകണമെന്ന കോടതിയുടെ തന്നെ നിരീക്ഷണം ഇവിടെ പ്രസക്തമാണ്. വൈകി തോന്നുന്ന മുഖ്യമന്ത്രി ഉമ്മന് ചാണ്ടിയെപ്പോലുള്ള നേതാക്കളുടെ വൈകി വന്ന പ്രസ്താവന മൂലം രാജിവച്ച രണ്ട് മന്ത്രിമാര്ക്ക് തല്യനീതി ഉറപ്പാക്കാനാകുമോ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
