യൂത്ത് കോണ്ഗ്രസിനെ തല്ലിയും കെ.ബാബുവിനെ തലോടിയും വി.എം.സുധീരന്
കെ.ബാബു മന്ത്രി സ്ഥാനത്തേക്ക് വരുന്നതില് അപാകതയില്ല. ഹൈക്കോടതി വിധി വന്നതോടെ കീഴ്ക്കോടതി വിധി അപ്രസക്തമായിപ്പോയെന്നും, വിജിലന്സ് ജഡ്ജി അനാവശ്യ തിടുക്കം കാട്ടിയതാണെന്ന് ഹൈക്കോടതിക്കടക്കം മനസിലായിട്ടുണ്ടെന്നും സുധീരന് . ഉമ്മന് ചാണ്ടിയെ സംരംക്ഷിക്കുന്നതിനായിട്ടാണ് കെ.ബാബുവിനെ തിരികെ മന്ത്രിസഭയിലേക്ക് കൊണ്ടുവരുന്നതെന്ന ആരോപണം നിലനില്ക്കെയാണ് സുധീരന്റെ പ്രതികരണം. ഐ ഗ്രപ്പ് നേതാക്കള് നേതൃത്വ മാറ്റത്തിനായി മുറവിളി കൂട്ടുന്ന സാഹചര്യത്തിലാണ് സുധീരന്റെ പ്രസ്താവന എന്നതും ശ്രദ്ധേയമാണ്.
വിജിലന്സ് ജഡ്ജിക്ക് എതിരായ യൂത്ത് കോണ്ഗ്രസിന്റെ പ്രതിഷേധം ശരിയായില്ലെന്നും സുധീരന് മാധ്യമങ്ങളെ അറിയിച്ചു. അനവസരത്തിലായിരുന്നു യൂത്ത് കോണ്ഗ്രസിന്റെ പ്രതിഷേധമെന്നും അദ്ദേഹം കുറ്റപ്പെടുത്തി.
സിപിഐഎമ്മും മദ്യലോബിയും തമ്മില് അവിശുദ്ധ ബന്ധമുണ്ടെന്ന് കെപിസിസി പ്രസിഡന്റ് വി.എം.സുധീരന്. ആരോപണങ്ങളുടെ പേരില് മുന്പെങ്ങും ഇല്ലാത്ത തരത്തില് മന്ത്രിമാരെ തടഞ്ഞ്, സിപിഐഎം അരാജകമായ അവസ്ഥ സൃഷ്ടിക്കുകയാണ്. ഇത് അപലപനീയമാണെന്നും വി.എം.സുധീരന് വ്യക്തമാക്കി.
ടി.പി.ശ്രീനിവാസനെ ആക്രമിച്ച എസ്എഫ്ഐ പ്രവര്ത്തകനെതിരെ നടപടി എടുത്ത് മാത്രം അവസാനിപ്പിക്കുവാന് പറ്റുന്നതല്ല ആ വിഷയമെന്നും അതില് പിണറായി ആദ്യം നടത്തിയ പരാമര്ശം മുറിവില് മുളകുപുരട്ടുന്നത് പോലെയായിപോയെന്നും സുധീരന് കൂട്ടിച്ചേര്ത്തു. ശ്രീനിവാസനെതിരാ യ എസ്എഫ്ഐക്കാരുടെ മര്ദനത്തില് ശക്തമായ ജനാഭിപ്രായം വന്നതിനെ തുടര്ന്നാണ് പിണറായി മാറ്റിപ്പറയാന് തയ്യാറായത്. സിപിഐഎം അക്രമരാഷ്ട്രീയം അവസാനിപ്പിക്കുവാന് തയ്യാറകണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
