ജസീറയുടെ ഡല്‍ഹി സമരത്തിനെതിരെ മന്ത്രി അടൂര്‍ പ്രകാശ്‌. ജസീറയുടെ സമരം അനാവശ്യമാണെന്നും പിന്നില്‍ ഗൂഢ ശക്തികളുണ്ടെന്നും അടൂര്‍ പ്രകാശ്‌ പറഞ്ഞു. ഒരമ്മയ്‌ക്കും തോന്നാത്ത ക്രൂരതയാണ്‌ ജസീറ കുഞ്ഞുങ്ങളോട്‌ ചെയ്യുന്നത്‌. ജസീറയുടെ ന്യായമായ ആവശ്യങ്ങള്‍ സര്‍ക്കാര്‍ അംഗീകരിച്ചതാണ്‌. അവര്‍ ആവശ്യപ്പെട്ട കാര്യങ്ങളില്‍ മനുഷ്യ സാധ്യമായ നടപടി സര്‍ക്കാര്‍ എടുത്തിട്ടുണ്ടെന്നും അടൂര്‍ പ്രകാശ്‌ പറഞ്ഞു.
അതേസമയം തനിക്കെതിരായ അരോപണങ്ങള്‍ അടൂര്‍ പ്രകാശ്‌ തെളിയിക്കണമെന്ന്‌ ജസീറ ആവശ്യപ്പെട്ടു.