സങ്കടം സഹിക്കാനാവാതെ... പട്ടാമ്പിയില് ജപ്തി ഭയന്ന് തീ കൊളുത്തി ആത്മഹത്യയ്ക്ക് ശ്രമിച്ച വീട്ടമ്മ മരിച്ചു....
സങ്കടം സഹിക്കാനാവാതെ... പട്ടാമ്പിയില് ജപ്തി ഭയന്ന് തീ കൊളുത്തി ആത്മഹത്യയ്ക്ക് ശ്രമിച്ച വീട്ടമ്മ മരിച്ചു. പട്ടാമ്പി കീഴായൂര് സ്വദേശി ജയ(48)യാണ് മരിച്ചത്. ഷൊര്ണൂര് അര്ബന് കോ-ഓപ്പറേറ്റീവ് ബാങ്ക് ഉദ്യോഗസ്ഥര് വീട് ജപ്തി ചെയ്യുന്നതിന് വീട്ടിലെത്തിയപ്പോഴാണ് ജയ ശരീരത്തില് മണ്ണെണ്ണയൊഴിച്ച് തീ കൊളുത്തിയത്.
80 ശതമാനത്തോളം പൊള്ളലേറ്റ ജയ തൃശൂര് മെഡിക്കല് കോളജില് ചികിത്സയിലിരിക്കെയാണ് മരിച്ചത്. പട്ടാമ്പി പൊലീസും തഹസില്ദാറും സ്ഥലത്തെത്തി ജപ്തി നടപടികള് നിര്ത്തിവെപ്പിച്ചു.
2015 മുതല് 2 ലക്ഷം രൂപയുടെ വായ്പ എടുക്കുകയും തിരിച്ചടവ് മുടങ്ങുകയുമായിരുന്നു.മുന്നറിയിപ്പ് നല്കിയിരുന്നതായും കൃത്യമായ നടപടി ക്രമങ്ങള് പാലിച്ചാണ് ജപ്തി നടപടികള് ചെയ്തതെന്നും ബാങ്ക് ഉദ്യോഗസ്ഥര് പറയുന്നു. ജയയുടെ പോസ്റ്റ്മോര്ട്ടം നടപടികള് തൃശൂര് മെഡിക്കല് കോളജില് നടത്തും. സംസ്കാരം നാളെ നടക്കും.
https://www.facebook.com/Malayalivartha
