നെയ്യാറ്റിന്കര ഗോപന് സ്വാമിയുടെ സമാധി വിവാദം: മരണ സര്ട്ടിഫിക്കറ്റ് എവിടെയെന്ന് കോടതി; മരണ സര്ട്ടിഫിക്കറ്റ് ഇല്ലെങ്കില് അസ്വഭാവിക മരണം ആണെന്ന് കോടതി; സമാധിപീഠം പൊളിച്ച് പരിശോധന നടത്തുന്നതില് ജില്ലാ കളക്ടര്ക്ക് നിര്ദ്ദേശം നല്കും
നെയ്യാറ്റിന്കര ഗോപന് സ്വാമിയുടെ സമാധി വിവാദത്തില് നിര്ണായക ചോദ്യങ്ങളുമായി ഹൈക്കോടതി. മരണ സര്ട്ടിഫിക്കറ്റ് എവിടെയെന്ന് കോടതി ചോദിച്ചു. മരണ സര്ട്ടിഫിക്കറ്റ് ഇല്ലെങ്കില് അസ്വഭാവിക മരണം ആണെന്ന് കോടതിക്ക് നിഗമനത്തില് എത്തേണ്ടിവരുമെന്നും മരണ സര്ട്ടിഫിക്കറ്റ് ഹാജരാക്കിയാല് നിങ്ങളുടെ വാദം പരിഗണിക്കാമെന്നും കോടതി പറഞ്ഞു. സമാധി സ്ഥലം പൊളിക്കാനുള്ള നീക്കം തടയണമെന്നാവശ്യപ്പെട്ട് തിരുവനന്തപുരം ജില്ലാ കളക്ടര്, ആര് ഡി ഒ, പൊലീസ് എന്നിവരെ എതിര്കക്ഷിയാക്കിയാണ് ഹര്ജി നല്കിയത്. ജസ്റ്റിസ് സി എസ് ഡയസിന്റെ ബെഞ്ചാണ് ഹര്ജി പരിഗണിച്ചത്.
'സമാധിപീഠം' പൊളിക്കുന്നത് തടയണമെന്ന് ആവശ്യപ്പെട്ട് ഗോപന്സ്വാമിയുടെ കുടുംബം നല്കിയ ഹര്ജിയിലാണ് ഹൈക്കോടതി സുപ്രധാന നിലപാട്. ഇതു സംബന്ധിച്ച് ഹൈക്കോടതി ജില്ലാ കളക്ടര്ക്ക് നിര്ദേശം നല്കി. ഇപ്പോള് നടക്കുന്നത് സ്വാഭാവിക നടപടിക്രമം എന്നും കോടതി പറഞ്ഞു. നിലവില് അന്വേഷണം നിര്ത്തിവെക്കാനോ നീട്ടി കൊണ്ട് പോകാനോ ആവില്ല. ഹര്ജിയില് മറുപടി നല്കാന് സര്ക്കാരിന് നോട്ടീസ് നല്കി. ഹര്ജി കോടതി ഫയലില് സ്വീകരിച്ചു. ഹര്ജി പരിഗണിക്കുന്ന അടുത്ത ആഴ്ചത്തേക്ക് മാറ്റി. എന്തിനാണ് പേടിയെന്ന് ഹര്ജിക്കാരോട് ഹൈക്കോടതി ചോദിച്ചു. നിലവില് അന്വേഷണത്തില് ഇടപെടേണ്ട സാഹചര്യം ഇല്ലെന്നും കോടതി നിരീക്ഷിച്ചു
എന്നാല്, ആര്ഡിഒയുടെ ഉത്തരവ് നിയമപരമല്ലെന്ന് ഹര്ജിക്കാര്ക്ക് വേണ്ടി ഹാജരായ അഭിഭാഷകന് വാദിച്ചു. എന്നാല്, എങ്ങനെയാണ് മരണം സംഭിച്ചതെന്ന് കോടതി ചോദിച്ചു. സംശയാസ്പദമായ സാഹചര്യത്തില് മരിച്ചതുകൊണ്ടാണ് പൊലീസ് അന്വേഷിക്കുന്നതെന്നും ഒരാളുടെ മരണത്തില് സംശയമുണ്ടെങ്കില് അന്വേഷിക്കാനുള്ള അവകാശം പൊലീസിനുണ്ടെന്നും കോടതി നിരീക്ഷിച്ചു.
ഒരാളെ കാണാതായാല് അന്വേഷണം നടത്തണം. അന്വേഷണത്തില് കോടതിക്ക് ഇടപെടാനാകില്ലെന്നും ഹൈക്കോടതി പറഞ്ഞു. സമാധിപീഠം പൊളിച്ച് പരിശോധന നടത്തുന്നതില് ജില്ലാ കളക്ടര്ക്ക് നോട്ടീസ് നല്കാനും ഹൈക്കോടതി തീരുമാനമെടുത്തു.
https://www.facebook.com/Malayalivartha
