നിര്ത്തിയിട്ടിരുന്ന കാറിനുള്ളില് യുവാവ് മരിച്ചനിലയില്; ഒപ്പമുണ്ടായിരുന്ന സുഹൃത്തിനെ അവശനിലയില് കണ്ടെത്തി
നിര്ത്തിയിട്ടിരുന്ന കാറിനുള്ളില് ഒരാളെ മരിച്ച നിലയിലും ഒപ്പമുണ്ടായിരുന്ന സുഹൃത്തിനെ അവശനിലയിലും കണ്ടെത്തി. പൂച്ചാക്കലില് തൈക്കാട്ടുശേരി പഞ്ചായത്ത് പതിനാലാം വാര്ഡ് പുറമട (കേളംപറമ്പില്) ജോസി ആന്റണിയാണ് (മാത്തച്ചന്, 45) മരിച്ചത്. സുഹൃത്ത് പുന്നംപൊഴി മനോജാണ് (55) ഒപ്പമുണ്ടായിരുന്നത്. വൈകിട്ട് ആറോടെ മണിയാതൃക്കല് കവലയ്ക്കു സമീപമാണ് സംഭവം.
കാര് നിര്ത്തിയിട്ടിട്ട് മണിക്കൂറുകളായതും അനക്കമില്ലാത്തതും സംബന്ധിച്ച് സംശയം തോന്നിയ നാട്ടുകാരും ഓട്ടോ ഡ്രൈവര്മാരും ചേര്ന്ന് ജനപ്രതിനിധികളെയും പൊലീസിനെയും വിവരം അറിയിക്കുകയായിരുന്നു.
പൊലീസ് വാഹന മെക്കാനിക്കിനെ വിളിച്ചു വരുത്തിയാണ് കാര് തുറന്നത്. ജോസി ഡ്രൈവര് സീറ്റിലും മനോജ് പിന്സീറ്റിലുമായിരുന്നു. മനോജ് അര്ധബോധാവസ്ഥയിലും ജോസി മരിച്ച നിലയിലുമായിരുന്നു. ഉടനെ തുറവൂര് താലൂക്ക് ആശുപത്രിയില് എത്തിച്ചെങ്കിലും ജോസിയുടെ മരണം സ്ഥിരീകരിച്ചു.
https://www.facebook.com/Malayalivartha
