സംസ്ഥാനത്ത് വിവിധ ജില്ലകളില് അള്ട്രാവയലറ്റ് വികിരണത്തോത് ഉയരുന്നതായി സംസ്ഥാന ദുരന്ത നിവാരണ അതോറിറ്റി.

സംസ്ഥാനത്ത് വിവിധ ജില്ലകളില് അള്ട്രാവയലറ്റ് വികിരണത്തോത് ഉയരുന്നതായി സംസ്ഥാന ദുരന്ത നിവാരണ അതോറിറ്റി. ഇടുക്കിയില് അള്ട്രാവയലറ്റ് വികിരണത്തിന്റെ തോത് ഉയര്ന്ന് 11 എന്ന സൂചികയിലെത്തി.
ഇടുക്കി ജില്ലയില് റെഡ് അലര്ട്ടാണ്. കൊല്ലം, പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം ജില്ലകളില് ഓറഞ്ച് അലര്ട്ടും പ്രഖ്യാപിച്ചു. പാലക്കാട് ജില്ലയില് എട്ടും മറ്റു ജില്ലകളില് 9ഉം സൂചികയാണ് രേഖപ്പെടുത്തിയിരിക്കുന്നത്.
തിരുവനന്തപുരം, എറണാകുളം, തൃശൂര്, കോഴിക്കോട്, വയനാട് ജില്ലകളില് യെല്ലോ അലര്ട്ടുമാണ്. ഏറ്റവും ?ഗുരുതരമായ സാഹചര്യത്തെയാണ് റെഡ് അലര്ട്ട് കൊണ്ട് സൂചിപ്പിക്കുന്നത്. ഇവിടങ്ങളിലുള്ളവര് മുന്കരുതലുകള് സ്വീകരിക്കണമെന്നും ശരീരത്തില് നേരിട്ട് സൂര്യപ്രകാശം ഏല്ക്കുന്നത് ഒഴിവാക്കണമെന്നും നിര്ദേശം.
തുടര്ച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്രരോഗങ്ങള്ക്കും മറ്റ് ആരോഗ്യ പ്രശ്നങ്ങള്ക്കും കാരണമാകും. പൊതുജനങ്ങള് സുരക്ഷാമുന്കരുതലുകള് സ്വീകരിക്കണമെന്ന് ദുരന്ത നിവാരണ അതോറിറ്റി മുന്നറിയിപ്പ് നല്കി.
https://www.facebook.com/Malayalivartha


























