Widgets Magazine 

21
Nov / 2026
Saturday
Forex Rates:

1 aed = 19.19 inr ● 1 aud = 50.27 inr ● 1 eur = 79.92 inr ● 1 gbp = 90.97 inr ● 1 kwd = 231.92 inr ● 1 qar = 19.36 inr ● 1 sar = 18.79 inr ● 1 usd = 70.49 inr ●

EDITOR'S PICK


തീരദേശത്തിന് ആശ്വാസമില്ല: അക്വാന് പിന്നാലെ വീണ്ടും ചുഴലിക്കാറ്റ് ഭീഷണി; മുന്നറിയിപ്പുമായി കാലാവസ്ഥാ നിരീക്ഷകർ...


രാജ്യത്തിന്റെ സാമ്പത്തിക സുരക്ഷയ്ക്ക് വലിയ ഭീഷണിയുയർത്തുന്ന രണ്ട് പ്രധാന കുറ്റകൃത്യങ്ങളാണ് അനധികൃത സ്വർണക്കടത്തും കള്ളപ്പണം വെളുപ്പിക്കലും..ഇ ഡി യുടെ ഈ വമ്പൻ റെയ്ഡിന് പിന്നിലെ യഥാർത്ഥ ലക്ഷ്യം..?


പാങ്ങപ്പാറ അഭിറാം വധക്കേസ്: പ്രതികളുടെ ആദ്യ മൊഴികൾ തള്ളി പോസ്റ്റ്‌മോർട്ടം റിപ്പോർട്ട്; കൗൺസിലിങ്ങിൽ പുറത്തുവന്നത് ക്രൂരതയുടെ നേർചിത്രം...


ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ മാതാവ് സാവിത്രി ദേവി (91) അന്തരിച്ചു..വാര്‍ധക്യസഹജമായ അസുഖങ്ങളെ തുടര്‍ന്ന് ഏറെക്കാലമായി വിശ്രമത്തിലായിരുന്നു..


കൊല്ലം ചടയമംഗലത്തെ ജടായു പാറയിലേക്ക് പ്രധാനമന്ത്രി നരേന്ദ്ര മോദി..അമ്പോ വമ്പൻ സർപ്രൈസ് പൊട്ടിച്ച് കേന്ദ്രമന്ത്രി സുരേഷ് ഗോപി..ജടായു പാറയും വീണ്ടും ശ്രദ്ധാകേന്ദ്രമായി..

അനധികൃത സ്വത്ത് സമ്പാദനം... അഡീ. ഡിജിപി എം ആര്‍ അജിത് കുമാറിനെ കുറ്റ വിമുക്തനാക്കി ക്ലീന്‍ ചിറ്റ് നല്‍കിയ വിജിലന്‍സ് അന്വേഷണ റിപ്പോര്‍ട്ടിനെതിരെ തടസ ഹര്‍ജി

11 JUNE 2025 08:00 AM IST
മലയാളി വാര്‍ത്ത

അനധികൃത സ്വത്ത് സമ്പാദന ആരോപണത്തില്‍ അഡീ. ഡിജിപി എം. ആര്‍. അജിത് കുമാറിനെ കുറ്റ വിമുക്തനാക്കി ക്ലീന്‍ ചിറ്റ് നല്‍കിയ വിജിലന്‍സ് അന്വേഷണ റിപ്പോര്‍ട്ടിനെതിരെ തലസ്ഥാന വിജിലന്‍സ് കോടതിയില്‍ തടസ ഹര്‍ജി. വിജിലന്‍സ് റിപ്പോര്‍ട്ട് തള്ളിക്കൊണ്ട് വിജിലന്‍സ് കേസ് രജിസ്റ്റര്‍ ചെയ്ത് വസതികള്‍ , ബാങ്ക് ലോക്കറുകള്‍ തുടങ്ങിയവ റെ യ്ഡ് ചെയ്ത് ആഴത്തിലുള്ള അന്വേഷണം നടത്തണമെന്ന് വാദി ഭാഗം കോടതിയില്‍ ബോധിപ്പിച്ചു.തിരുവനന്തപുരം വിജിലന്‍സ് കോടതി ജഡ്ജി മനോജാണ് ഹര്‍ജി പരിഗണിച്ചത്.
എഡിജിപിക്കെതിരായ പരാതി താഴ്ന്ന റാങ്കിലുള്ള ഡിവൈഎസ്പിയാണ് നാമമാത്രമായി അന്വേഷിച്ച് സൂപ്പര്‍വൈസിംഗ് ഓഫീസറായ എസ്പിയുമായി ചേര്‍ന്ന് ക്ലീന്‍ ചിറ്റ് നല്‍കിയത്.അതിനാല്‍ ഡിജിപി റാങ്കില്‍ കുറയാത്ത ഉദ്യോഗസ്ഥന്‍ അന്വേഷിക്കണമെന്നും വാദി ഭാഗം അഡ്വ. നെയ്യാറ്റിന്‍കര. പി. നാഗരാജ് ബോധിപ്പിച്ചു. പി.ശശിക്കെതിരെ യാതൊരന്വേഷണവും നടത്തിയിട്ടില്ല.

 

1994 മുതല്‍ 2025 വരെയുള്ള വാര്‍ഷിക ആസ്തി സ്റ്റേറ്റ്‌മെന്റും ഇന്‍കം ടാക്‌സ് റിട്ടേണുകളും ശേഖരിക്കാതെയുള്ള എന്‍ക്വയറി പ്രഹസനം മാത്രമായിരുന്നു. വീട്, ഫ്‌ലാറ്റ് എന്നിവ റെയ്ഡ് ചെയ്ത് നിര്‍ണ്ണായക രേഖകള്‍ കണ്ടെടുത്തില്ല. സ്വര്‍ണ്ണം,വെള്ളി, ഡയമണ്ട് , വസ്തുവകകള്‍ എന്നിവ റവന്യൂ അധികാരികള്‍, ഗവ:പിഡബ്ല്യു ഡി അധികൃതര്‍ എന്നിവരുടെ നേതൃത്വത്തില്‍ പരിശോധിച്ച് തിട്ടപ്പെടുത്തി മൂല്യ നിര്‍ണ്ണയ സര്‍ട്ടിഫിക്കറ്റ് ഹാജരാക്കിയില്ല.

ബാങ്ക് അക്കൗണ്ട്, സ്ഥിര നിക്ഷേപ രസീതുകള്‍, ബാങ്ക് ലോക്കറുകള്‍ എന്നിവ പരിശോധിച്ചിട്ടില്ല. സ്ഥാവര , ജംഗമ സ്വത്തുക്കള്‍ വാങ്ങല്‍ - വില്‍ക്കല്‍ എന്നിവക്ക് ആള്‍ ഇന്ത്യ സര്‍വീസ് (എ ഐ എസ് ) പെരുമാറ്റ ചട്ടം 1968 പ്രകാരമുള്ള അനുമതി ഉത്തരവ് ഹാജരാക്കിയിട്ടില്ല.

മറച്ചു വെച്ച സ്ഥാവര ജംഗമ ആസ്തികള്‍ കണ്ടെത്താന്‍ രജിസ്‌ട്രേഷന്‍ ഐജി , ലാന്റ് റവന്യൂ കമ്മീഷണര്‍ എന്നിവര്‍ക്ക് കത്ത് നല്‍കി വിവരം ലഭ്യമാക്കിയിട്ടില്ല.മൊബൈല്‍ ഫോണ്‍ കാള്‍ റെക്കോര്‍ഡ് ഡീറ്റെയില്‍സ് (സി ഡി ആര്‍) നോഡല്‍ ഓഫീസര്‍മാരില്‍ നിന്ന് ശേഖരിച്ചിട്ടില്ല.
പ്രതികളുടെ ഫോണ്‍വിളി, ടവര്‍ ലൊക്കേഷന്‍ സാന്നിധ്യം എന്നിവ ഹൈടെക് എന്‍ക്വയറി സെല്‍ മുഖേന അന്വേഷിച്ചില്ല.
നിയമപരമായ വരുമാനം, വരവില്‍ കവിഞ്ഞ സ്വത്ത് സമ്പാദനം എന്നിവ വേര്‍തിരിച്ച് സാമ്പത്തിക വര്‍ദ്ധന ശതമാനം രേഖപ്പെടുത്തിയ ചെക്ക് പിരീയഡ് കണക്കാക്കിയില്ല.

മലപ്പുറം എസ്പി ഓഫീസില്‍ നിന്ന് കടത്തിയ തേക്കു മരത്തടികള്‍ കണ്ടെത്തിയില്ല.പ്രതികളെ കുറ്റപ്പെടുത്തുന്ന തെളിവുകള്‍ കോടതിയില്‍ ഹാജരാക്കാതെ ബോധപൂര്‍വ്വം മറച്ചു വെച്ചു. കവടിയാര്‍ ബഹുനില കെട്ടിട നിര്‍മ്മാണം 3.58 കോടി പ്രോജക്റ്റ് ചെലവാണെന്ന് വഞ്ചിയൂര്‍ എസ്ബി ഐഹോം ലോണ്‍ ചീഫ് മാനേജര്‍ പ്രശാന്ത് കുമാറിന്റെ മൊഴി വിജിലന്‍സ് അവഗണിച്ചു.
വാദിയുടെമൊഴിയെടുക്കാതെ കേസ് ക്ലോസ് ചെയ്തു. 18 ന് കോടതി തുടര്‍ വാദം കേള്‍ക്കും. വാദി ഭാഗം വാദം പൂര്‍ത്തിയായ ശേഷം സര്‍ക്കാര്‍ വാദം ബോധിപ്പിക്കാനും ജഡ്ജി മനോജ് പബ്ലിക് പ്രോസിക്യൂട്ടര്‍ വീണാ സതീശന് നിര്‍ദേശം നല്‍കി.

സ്വര്‍ണ്ണക്കടത്ത് മാഫിയാ ബന്ധം, പ്രോസിക്യൂഷന്‍ നടപടികള്‍ ഒഴിവാക്കാന്‍ പ്രതികളില്‍ നിന്ന് കോഴ കൈപ്പറ്റല്‍, അനധികൃത സ്വത്ത് സമ്പാദനം , ഇന്റലിജന്‍സ് റിപ്പോര്‍ട്ട് പൂഴ്ത്തല്‍ , സോളാര്‍ കേസ് അട്ടിമറിക്കല്‍ തുടങ്ങിയ കുറ്റകൃത്യങ്ങളിലൂടെ അഴിമതി നടത്തിയതിന് സംസ്ഥാന മുന്‍ ക്രമസമാധാന എ ഡിജിപി അജിത് കുമാറിനെതിരെ വിജിലന്‍സ് കേസെടുക്കണമെന്ന ഹര്‍ജിയില്‍ ആണ് കോടതി വാദം കേട്ടത്.


അവ്യക്തമായ റിപ്പോര്‍ട്ടാണ് വിജിലന്‍സ് സമര്‍പ്പിച്ചതെന്നും അജിത് കുമാറിനും മറ്റും ക്ലീന്‍ ചിറ്റ് നല്‍കിക്കൊണ്ടുള്ള റിപ്പോര്‍ട്ട് തള്ളണമെന്നും വാദി ഭാഗം ബോധിപ്പിച്ചു.

പ്രത്യേക കാലയളവിലുള്ള ചെ ക്ക് പിരിയഡ് നടത്തുകയോ അക്കാലയളിവുള്ള സ്ഥാവര ,ജംഗമ , ആസ്ഥി കണക്കെടുപ്പ് നടത്തുകയോ ചെയ്തിട്ടില്ലെന്നും വാദി അഡ്വ. നെയ്യാറ്റിന്‍കര . പി. നാഗരാജ്‌ബോധിപ്പിച്ചു.മെയ് 27 ന് കേസ് പരിഗണിച്ചപ്പോള്‍ ഹര്‍ജിക്കാരന് (അഡ്വ. നെയ്യാറ്റിന്‍കര പി നാഗരാജിന് ) നല്‍കരുതെന്ന് സര്‍ക്കാര്‍ തലസ്ഥാന വിജിലന്‍സ് കോടതിയില്‍ ആവശ്യമുന്നയിച്ചു. അതേസമയം സര്‍ക്കാര്‍ ആവശ്യം വിജിലന്‍സ് കോടതി ജഡ്ജി എം.വി. രാജകുമാര തള്ളി. പകര്‍പ്പ് നല്‍കാതിരിക്കാന്‍ രഹസ്യരേഖയാണോയെന്നും മുദ്രവെച്ച കവറിലാണോ ഹാജരാക്കിയതെന്നും വിജിലന്‍സ് കോടതി സര്‍ക്കാര്‍ അഭിഭാഷക വീണാ നായരോട് ചോദിച്ചു. റിപ്പോര്‍ട്ട് കോടതിയില്‍ ഹാജരാക്കിയാല്‍ അവകോടതി കേസ് രേഖയാണെന്നും പരാതിക്കാരന് അത് നല്‍കുന്നത് എങ്ങനെ നിഷേധിക്കാനാവുമെന്നും കോടതി ചോദിച്ചു.

കോടതി നടപടികള്‍റിപ്പോര്‍ട്ട് ചെയ്യുന്നതിന് ഹൈക്കോടതിയും സുപ്രീം കോടതിയും അനുവദിച്ചിട്ടുണ്ടെന്നും കോടതി സര്‍ക്കാരിനെ ഓര്‍മിപ്പിച്ചു. കേസ് 27 ന് വീണ്ടും പരിഗണിക്കും.സര്‍ക്കാരിന് രൂക്ഷ വിമര്‍ശനമാണ് മാധ്യമ വിചാരണക്ക് സാധ്യതയുള്ളതിനാല്‍ റിപ്പോര്‍ട്ട് പരസ്യമാക്കരുതെന്ന് സര്‍ക്കാര്‍ സിനിമാ താരങ്ങളുടെ പീഡനക്കേസിലെ ഹേമ കമ്മീഷന്‍ റിപ്പോര്‍ട്ട് പരസ്യമാക്കരുതെന്ന പോലെ ഈ കേസ് രേഖകളും പകര്‍പ്പ് നല്‍കരുതെന്ന് സര്‍ക്കാര്‍അതേസമയം ബലാല്‍സംഗ കേസും അഴിമതി കേസും തമ്മില്‍ വ്യത്യാസമുണ്ടെന്നും വിജിലന്‍സ് കോടതി രൂക്ഷമായ ഭാഷയില്‍ വിജിലന്‍സിനെ വിമര്‍ശിച്ചു . അന്വേഷണ റിപ്പോര്‍ട്ട് ലഭിക്കാന്‍ നാഗരാജിന് അര്‍ഹതയുണ്ടെന്നും കോടതി

അന്വേഷണ റിപ്പോര്‍ട്ട് പരിശോധനകള്‍ക്ക് ശേഷം ഓഫീസ് ഫയലിലെടുത്ത ശേഷം പകര്‍പ്പപേക്ഷ സമര്‍പ്പിച്ചോളാനും നാഗരാജിനോട് കോടതി നിര്‍ദ്ദേശിച്ചു.

എം. ആര്‍. അജിത് കുമാറിനെതിരെ തെളിവില്ലെന്ന് കൈമലര്‍ത്തി വിജിലന്‍സ്. അതേസമയം അന്വേഷണ റിപ്പോര്‍ട്ട് കോടതിയില്‍ ഹാജരാക്കാത്ത വിജിലന്‍സിനെ രൂക്ഷമായി വിമര്‍ശിച്ചതിനെ തുടര്‍ന്നാണ് തിങ്കളാഴ്ച ഹാജരാക്കിയത്.തിരുവനന്തപുരം വിജിലന്‍സ് സ്‌പെഷ്യല്‍ കോടതി ജഡ്ജി എം.വി. രാജകുമാര മുമ്പാകെയാണ് യാതൊരു അന്വേഷണ റിപ്പോര്‍ട്ടും ഹാജരാക്കാതെ ഹര്‍ജി തള്ളണമെന്ന് വിജിലന്‍സ് മെയ് 6 ന് അപേക്ഷ നല്‍കിയത്.
അന്വേഷണ റിപ്പോര്‍ട്ട് സര്‍ക്കാരില്‍ സമര്‍പ്പിച്ചിരിക്കുന്നതിനാല്‍ ഹര്‍ജി തള്ളണമെന്ന് വിജിലന്‍സ് ഡിവൈഎസ്പി ഷിബു പാപ്പച്ചന്‍ കോടതിയില്‍ നേരിട്ടു ഹാജരായി. കോടതിയുടെ പരിഗണനയിലിരിക്കുന്ന വിഷയത്തില്‍ സര്‍ക്കാരിന് എന്ത് കാര്യമെന്നും ഇവിടെയല്ലേ റിപ്പോര്‍ട്ട് സമര്‍പ്പിക്കേണ്ടതെന്നും കോടതിയില്‍ സമര്‍പ്പിക്കേണ്ട റിപ്പോര്‍ട്ട് എന്തിനാണ് സര്‍ക്കാരിന് നല്‍കിയതെന്നും കോടതി രൂക്ഷമായ ഭാഷയില്‍ വിജിലന്‍സിനെ വിമര്‍ശിച്ചു.

അന്വേഷണ റിപ്പോര്‍ട്ട് വരുന്ന 12 ന് കോടതിയില്‍ ഹാജരാക്കാനും വിജിലന്‍സ് കോടതി ഉത്തരവിട്ടു. നാളിതു വരെ സാവകാശം തേ ടി അവ്യക്തമായ അപേക്ഷകളാണ് വിജിലന്‍സ് സമര്‍പ്പിച്ചതെന്ന് ഹര്‍ജിക്കാരന്‍ അഡ്വ. പി. നാഗരാജ് ബോധിപ്പിച്ചു.

എത്ര സാക്ഷികളുടെ മൊഴിയെടുത്തു സാക്ഷികളുടെ പേരുവിവരങ്ങള്‍ എത്ര രേഖകള്‍ പിടിച്ചെടുത്തു എന്ന വിവരങ്ങള്‍ ഒന്നും ഇതുവരെ സമര്‍പ്പിച്ച സാവകാശ റിപ്പോര്‍ട്ടുകളിലൊന്നും പറഞ്ഞിട്ടില്ലെന്നും നാഗരാജ് ബോധിപ്പിച്ചു

തല്‍സമയം കോടതി പുഞ്ചിരിച്ചു കൊണ്ട് വിജിലന്‍സിനെ പരിഹാസ രൂപത്തില്‍ ' രേഖകള്‍ വല്ലതും പിടിച്ചെടുത്തു കാണുമോ ' എന്ന് ചോദിച്ചു
അന്വേഷണ ഉദ്യോഗസ്ഥന്‍ സര്‍ക്കാരിന്റെ താളത്തിനെനൊത്ത് തുള്ളുകയാണെന്നും നാഗരാജ് ബോധിപ്പിച്ചു

ഷിബു പാപ്പച്ചന്‍ കോടതിക്കുള്ളില്‍ പതുങ്ങിയിരുന്നു മാര്‍ച്ച് 25 ന് വിജിലന്‍സ് അന്വേഷണം പൂര്‍ത്തിയാക്കാന്‍ 45 ദിവസം കൂടുതല്‍ സമയം തേടി. കൂടുതല്‍ സാവകാശ സമയം തേടിക്കൊണ്ട് വിജിലന്‍സ് ഡിവൈ എസ് പി ഷിബു പാപ്പച്ചന്‍ റിപ്പോര്‍ട്ട് സമര്‍പ്പിച്ചത്. തുടര്‍ന്ന്
മെയ് 6 ന് റിപ്പോര്‍ട്ട് സമര്‍പ്പിക്കാന്‍ കോടതി ഉത്തരവിട്ടു. പ്രാഥമിക അന്വേഷണ റിപ്പോര്‍ട്ട് ഹാജരാക്കാന്‍ ജനുവരി 24 ന് വിജിലന്‍സ് 60 ദിവസം കൂടുതല്‍ സമയം തേടിയതിനാല്‍ മാര്‍ച്ച് 25 ന് ഹാജരാക്കാന്‍ കോടതി ഉത്തരവിട്ടിരുന്നു.അഡ്വ. നെയ്യാറ്റിന്‍കര പിനാഗരാജിന്റെ പരാതിയില്‍ 2024 സെപ്റ്റംബര്‍ 29 ന് സര്‍ക്കാര്‍ അന്വേഷണ ഉത്തരവ് പുറപ്പെടുവിച്ചതായി സര്‍ക്കാര്‍ അഭിഭാഷകന്‍ കോടതിയില്‍ ബോധിപ്പിച്ചു.

പ്രാഥമിക അന്വേഷണ റിപ്പോര്‍ട്ട് ഹാജരാക്കാന്‍ വിജിലന്‍സ് 60 ദിവസം കൂടുതല്‍ സമയം തേടി. തുടര്‍ന്ന് റിപ്പോര്‍ട്ട് മാര്‍ച്ച് 25 ന് ഹാജരാക്കാന്‍ തിരുവനന്തപുരം വിജിലന്‍സ് സ്‌പെഷ്യല്‍ കോടതി ജഡ്ജി എം.വി. രാജകുമാര ഉത്തരവിട്ടു. ജനുവരി 24 ന് ഹര്‍ജി പരിഗണിച്ചപ്പോഴാണ് വിജിലന്‍സ് കൂടുതല്‍ സമയം തേടിക്കൊണ്ടുള്ള അപേക്ഷ സമര്‍പ്പിച്ചത്. അപേക്ഷ പരിഗണിക്കവേ എന്ത് തരം അന്വേഷണമാണ് വിജിലന്‍സ് നടത്തിക്കൊണ്ടിരിക്കുന്നതന്ന് കോടതി വിജിലന്‍സ് ലീഗല്‍ അഡൈ്വസര്‍ രഞ്ജിത് കുമാറിനോട് ചോദിച്ചു. തല്‍സമയം അന്വേഷണം തുടരുകയാണെന്നും ഒരു സാക്ഷിയുടെ കൂടെ
മൊഴിയെടുക്കാനുണ്ടെന്നും ലീഗല്‍ അഡൈ്വസര്‍ ബോധിപ്പിച്ചു. അതേ സമയം റിപ്പോര്‍ട്ട് ഡിസംബര്‍ 10 ന് ഹാജരാക്കാന്‍ കോടതി ഡിസംബര്‍ 1 ന് ഉത്തരവിട്ടിരുന്നു. വാദിയായ അഡ്വ. നെയ്യാറ്റിന്‍കര. പി. നാഗരാജിന്റെ പരാതിയില്‍ കഴിഞ്ഞ നവംബര്‍ 29 ന് സര്‍ക്കാര്‍ അന്വേഷണ ഉത്തരവ് പുറപ്പെടുവിച്ചതായി സര്‍ക്കാര്‍ അഭിഭാഷകന്‍ കോടതിയില്‍ ബോധിപ്പിച്ചിരുന്നു. അതേ സമയം നാഗരാജ് കോടതിയില്‍ സമര്‍പ്പിച്ച ഹര്‍ജി തള്ളണമെന്ന സര്‍ക്കാര്‍ ആവശ്യം കോടതി തള്ളി. ഡിസംബര്‍ 10 ന് സമര്‍പ്പിക്കുന്ന വിജിലന്‍സ് റിപ്പോര്‍ട്ട് നെഗറ്റീവ് ആണെങ്കില്‍ ഹര്‍ജിക്കാരന് കോടതി മുഖേന പരിഹാരം തേടാമല്ലോയെന്ന് കോടതി സര്‍ക്കാരിനെ ഓര്‍മിപ്പിച്ചു.

ഇതിനിടെ എഡിജിപി 2016 ഫെബ്രുവരി 19 ന് 33.15 ലക്ഷം രൂപയ്ക്ക് കവഡിയാര്‍ വാങ്ങിയ കോര്‍ഡിയല്‍ ഫ്‌ലാറ്റ് , ഇതേ ഫ്‌ലാറ്റ് ഫെബ്രുവരി 29 ന് 65 ലക്ഷം രൂപക്ക് വിറ്റതിന്റെയും വിലയാധാരങ്ങളുടെ അടയാള സഹിതം പകര്‍പ്പുകള്‍ അടക്കമുള്ള തെളിവു രേഖകള്‍ നാഗരാജ് ഹാജരാക്കി. നികുതി , സ്റ്റാമ്പ് ഡ്യൂട്ടി വെട്ടിപ്പ് നടന്നതായും ബോധിപ്പിച്ചു. ഗവ.സര്‍വന്റ്‌സ് കോഡ് ഓഫ് കോണ്‍ടക്റ്റ് ചട്ടം (ഭേദഗതി) 2010 ലെ 24 , 26 എന്നീ ചട്ടങ്ങള്‍ പ്രകാരം 25,000 രൂപക്ക് മുകളിലുള്ള എല്ലാ വാങ്ങലുകള്‍ക്കും വില്‍പ്പനകള്‍ക്കും പൊതുസേവകന്‍ മുന്‍കൂര്‍ സര്‍ക്കാര്‍ അനുമതി വാങ്ങണണമെന്ന നിയമം കാറ്റില്‍ പറത്തിയാണ് പ്രതികള്‍ അവിഹിത സ്വത്ത് സമ്പാദിച്ചതെന്നും ബോധിപ്പിച്ചു.

സര്‍ക്കാര്‍ നിലപാട് ഒക്ടോബര്‍ 1 ന് അറിയിക്കാന്‍ കോടതി ഉത്തരവിട്ടിരുന്നു'
അഡ്വ. നെയ്യാറ്റിന്‍കര. പി. നാഗരാജ് സമര്‍പ്പിച്ച പൊതുതാല്‍പര്യ ഹര്‍ജിയിലാണ് കോടതിയുത്തരവ്. സംസ്ഥാന വിജിലന്‍സ് ഡയറക്ടര്‍ക്ക് നാഗരാജ് നല്‍കിയ പരാതിയില്‍ എന്തെല്ലാം നടപടി സ്വീകരിച്ചുവെന്ന് സംസ്ഥാന വിജിലന്‍സ് ഡയറക്ടര്‍ ഒക്ടോബര്‍ 1ന് റിപ്പോര്‍ട്ട് സമര്‍പ്പിക്കാനും ജഡ്ജി എം.വി. രാജകുമാര ഉത്തരവിട്ടു. സ്വര്‍ണ്ണക്കടത്ത് മാഫിയാ ബന്ധം, പ്രോസിക്യൂഷന്‍ നടപടികള്‍ ഒഴിവാക്കാന്‍ പ്രതികളില്‍ നിന്ന് കോഴ കൈപ്പറ്റല്‍, അനധികൃത സ്വത്ത് സമ്പാദനം , ഇന്റലിജന്‍സ് റിപ്പോര്‍ട്ട് പൂഴ്ത്തല്‍ , സോളാര്‍ കേസ് അട്ടിമറിക്കല്‍ തുടങ്ങിയ കുറ്റകൃത്യങ്ങളിലൂടെ അഴിമതി നടത്തിയതിന് ശശിക്കും അജിത് കുമാറിനുമെതിരെ വിജിലന്‍സ് അന്വേഷണം നടത്തണമെന്നാണ് ഹര്‍ജിയിലെ ആവശ്യം. സര്‍ക്കാര്‍ പി.ശശിയെ അന്വേഷണ പരിധിയില്‍ നിന്ന് ഒഴിവാക്കി അജിത് കുമാറിനും മലപ്പുറം എസ്. പി.സുജിത് ദാസിനും എതിരെ മാത്രമാണ് നാമമാത്രമായി അന്വേഷണം പ്രഖ്യാപിച്ചത്. വിജിലന്‍സ് ഡയറക്ടര്‍ യോഗേഷ് ഗുപ്തക്ക് പരാതി നല്‍കിയിട്ടും പ്രതികളുടെ ഉന്നതങ്ങളിലുള്ള സ്വാധീനത്താല്‍ നാളിതുവരെ യാതൊരു നിയമ നടപടികളും കൈക്കൊള്ളാത്തതിനാലാണ് കോടതിയെ സമീപിച്ചതെന്ന് ഹര്‍ജിക്കാരനായ അഡ്വ പി നാഗരാജ് കോടതിയില്‍ സമര്‍പ്പിച്ച ഹര്‍ജിയില്‍ പറയുന്നു.

 

" 

 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

കെ.എം.ബഷീര്‍ കാറിടിച്ച് കൊല്ലപ്പെട്ട കേസ്;പ്രതിയായ ഐഎഎസ് ഉദ്യോഗസ്ഥന്‍ ശ്രീറാം വെങ്കിട്ടരാമന്‍ നേരിട്ട് കോടതിയില്‍ ഹാജരാകേണ്ട  (2 hours ago)

കൊളത്തൂര്‍ എംഎല്‍എയുടെ വിലാപയാത്രയില്‍ മൃതദേഹം ചുമന്ന് വിജയ്  (2 hours ago)

ആറ് മാസം മുന്‍പ് അച്ഛന്‍ ട്രെയിനിടിച്ച് മരിച്ചു;സങ്കടം താങ്ങാനാവാതെ എക മകള്‍ അതേ സ്ഥലത്ത് ജീവനൊടുക്കി  (3 hours ago)

കരാറുകളുടെ മുഴുവന്‍ രേഖകളും പുറത്തുവിടണമെന്നും ജുഡീഷ്യല്‍ അന്വേഷണം വേണമെന്നും പിണറായി വിജയന്‍  (3 hours ago)

കെഎസ്ആര്‍ടിസി ബസില്‍ അഞ്ചംഗ സംഘത്തിന്റെ വെള്ളമടി  (4 hours ago)

കൊല്ലം കോര്‍പ്പറേഷന്‍ പരിധിയില്‍ നാളെ പ്രൊഫഷണല്‍ കോളേജുകള്‍ക്കടക്കം അവധി പ്രഖ്യാപിച്ചു  (5 hours ago)

വാസലിൻ ആള് പുലിയാണ് കേട്ടോ  (6 hours ago)

ഖത്തറിൽ ഗതാഗത നിയമം തെറ്റിച്ചാൽ പണി കിട്ടും ..വേഗത കുറച്ചാലും പിഴ !! കുട്ടികളെ വാഹനത്തില്‍ ഒറ്റക്കിരുത്തിയാൽ 3 വർഷം തടവ്;20,000 ഖത്തര്‍ റിയാല്‍ പിഴ!! ഫോണ്‍ ഉപയോഗിച്ചാല്‍ വാഹനം കണ്ടുകെട്ടും  (6 hours ago)

കൺപോളകൾ തുടിക്കുന്നുവോ? ഇണയേ കാണാൻ അല്ല...! ശീലങ്ങളിലെ മാറ്റമാണ് കാരണം ശ്രദ്ധിച്ചില്ലെങ്കിൽ അപകടം !  (6 hours ago)

കുടലിന്റെ ആരോഗ്യത്തിന് ആദ്യം വേണ്ടത് ആരോഗ്യകരമായ ജീവിത ശൈലി തന്നെയാണ്  (6 hours ago)

കാലിൽ രക്തം കട്ടപിടിക്കുന്നത് പൾമണറി എംബോളിസത്തിന് കാരണമാകും ..ശ്രദ്ധിച്ചില്ലെങ്കിൽ മരണം വരെ സംഭവിച്ചേയ്ക്കാം!!  (6 hours ago)

അരിയിൽ ഷുക്കൂർ വധക്കേസ്: പി. ജയരാജനെ രക്ഷിച്ചത് ആരാണ്? ജയിലറ കണ്ട് പനിച്ചവർ പാട്ടും പാടി പോയി  (6 hours ago)

ഭർത്താവിന്റെ കാമുകിയെ കൊല്ലാൻ കെട്ടുതാലി പണയംവച്ച് 13 ലക്ഷത്തിന്റെ ക്വട്ടേഷൻ ഉറപ്പിച്ചു..! കാമുകിയെ കൊന്നു  (6 hours ago)

തേങ്ങ കൊണ്ട് അഭിരാമിന്റെ തലയോട്ടി അടിച്ചുപിളർത്തി..! കൗൺസിലിംഗിൽ 17 കാരൻ എല്ലാം വിളിച്ച് പറഞ്ഞു..!  (7 hours ago)

രാജകുമാരന്റെ മാപ്പ് പ്രവാസികൾ കൂട്ടത്തോടെ ഇറങ്ങുന്നു..! മലയാളി പ്രവാസിക്ക് സംഭവിച്ചത് ഇങ്ങനെ..!  (7 hours ago)

Malayali Vartha Recommends