ആറ് മാസം മുന്പ് അച്ഛന് ട്രെയിനിടിച്ച് മരിച്ചു;സങ്കടം താങ്ങാനാവാതെ എക മകള് അതേ സ്ഥലത്ത് ജീവനൊടുക്കി

ആറ് മാസം മുന്പുവരെ മകള് റെയില്വേ പാളം സുരക്ഷിതമായി മുറിച്ചു കടക്കുന്നുവെന്ന് ഉറപ്പുവരുത്തി സ്കൂളിലേക്ക് അയയ്ച്ചിരുന്ന അച്ഛനെ ഓര്ത്ത് നീറിപുകഞ്ഞ മകള് ഒടുവില് അച്ഛന് ട്രെയിനിടിച്ച് മരിച്ച അതേ സ്ഥലത്ത് ജീവനൊടുക്കി. പ്ലസു വിദ്യാര്ഥിനിയായ തിരുപ്പുരിലെ ശെമ്മാണ്ടംപാളയത്ത് താമസിക്കുന്ന കാര്ത്തിക്-ജാനകി ദമ്പതികളുടെ ഏക മകളായ കെ. സാധനയാണ് (16) ട്രെയിന് തട്ടി മരിച്ച നിലയില് കണ്ടെത്തിയത്. സാധനയുടെ അമ്മ ജാനകി സ്വകാര്യ സ്കൂളില് അധ്യാപികയാണ്.
പ്ലസ്ടു വിദ്യാര്ഥിനിയായ സാധനയെ എന്നും അച്ഛന് കാര്ത്തിക് ആയിരുന്നു വീട്ടില് നിന്ന് ഏകദേശം 2 കിലോമീറ്റര് അകലെയുള്ള സ്കൂളില് കൊണ്ടുവിട്ടിരുന്നത്. പോകും വഴിയുള്ള റെയില്വേ പാളം മകള് സുരക്ഷിതമായി മുറിച്ചു കടക്കുന്നു എന്ന് ഉറപ്പുവരുത്തുന്നതും അച്ഛനായിരുന്നു. എന്നാല് ആറ് മാസം മുന്പ് മകളെ സ്കൂളില് വിട്ട് മടങ്ങും വഴി റെയില്വേ ട്രാക്ക് മുറിച്ചുകടക്കുന്നതിനിടെ ട്രെയിനിടിച്ച് കാര്ത്തിക് മരിച്ചു.
അച്ഛന്റെ വിയോഗം താങ്ങാനാവാതെയാണ് സാധന ട്രെയിനു മുന്നില് ചാടി ജീവനൊടുക്കിയതെന്ന് സഹപാഠികളും പറയുന്നു. എപ്പോഴും അച്ഛനെ കുറിച്ച് സാധന സംസാരിച്ചിരുന്നതായും അവര് പറഞ്ഞു. ബുധനാഴ്ച വൈകിട്ടാണ് സാധന അച്ഛന് മരിച്ച സ്ഥലത്തെത്തി ആത്മഹത്യ ചെയ്തത്. ഡല്ഹിയില് നിന്ന് തിരുവനന്തപുരത്തേക്ക് വരികയായിരുന്ന സൂപ്പര്ഫാസ്റ്റ് എക്സ്പ്രസ് ട്രെയിന് മുന്നിലാണ് സാധന ചാടിയത്.
https://www.facebook.com/Malayalivartha

























