കെ.എം.ബഷീര് കാറിടിച്ച് കൊല്ലപ്പെട്ട കേസ്;പ്രതിയായ ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമന് നേരിട്ട് കോടതിയില് ഹാജരാകേണ്ട

തിരുവനന്തപുരം മ്യൂസിയം പൊലീസ് സ്റ്റേഷന് സമീപത്തുവച്ച് കാറിടിച്ച് അപകടമുണ്ടാക്കി മാധ്യമപ്രവര്ത്തകനായ കെ.എം.ബഷീര് കൊല്ലപ്പെട്ട കേസില് പ്രതിക്ക് ഇളവ്. സംഭവത്തില് പ്രതിയായ ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമന് കോടതിയില് നേരിട്ട് ഹാജരാകുന്നതിലാണ് കോടതി ഇളവ് അനുവദിച്ചത്. തിരുവനന്തപുരം ഒന്നാം അഡീഷനല് സെഷന്സ് കോടതിയുടേതാണ് ഉത്തരവ്. ഇതോടെ കേസ് പരിഗണിക്കുന്ന ഘട്ടങ്ങളില് പ്രതിക്ക് കോടതിയില് നേരിട്ട് ഹാജരാകേണ്ടതില്ല. 2019 ഓഗസ്റ്റ് മൂന്നിന് പുലര്ച്ചെയാണ് കേസിനാസ്പദമായ അപകടമുണ്ടായത്. ശ്രീറാം വെങ്കിട്ടരാമന് ഓടിച്ചിരുന്ന കാറിടിച്ച് മാധ്യമപ്രവര്ത്തകനായ കെ.എം. ബഷീര് കൊല്ലപ്പെടുകയായിരുന്നു.
കേസ് പരിഗണിക്കുമ്പോള് നേരിട്ട് ഹാജരാകുന്നതില്നിന്ന് ഒഴിവാക്കണമെന്നും, ഔദ്യോഗിക ആവശ്യങ്ങള്ക്കായി വിദേശയാത്ര നടത്തേണ്ടതിനാല് പാസ്പോര്ട്ട് പുതുക്കാന് അനുമതി നല്കണമെന്നും ആവശ്യപ്പെട്ടാണ് ശ്രീറാം വെങ്കിട്ടരാമന് കോടതിയെ സമീപിച്ചത്. കേസില് സ്പെഷല് പ്രോസിക്യൂട്ടറുടെ നിയമനവുമായി ബ
https://www.facebook.com/Malayalivartha

























