സര്ക്കാര് ജീവനക്കാര്ക്ക് പങ്കാളിത്ത പെന്ഷനു പകരമായി പ്രഖ്യാപിച്ച 'ഉറപ്പായ പെന്ഷന്' നടപ്പാക്കാന് സംസ്ഥാന സര്ക്കാര് ഒരുക്കം തുടങ്ങി....

സര്ക്കാര് ജീവനക്കാര്ക്ക് പങ്കാളിത്ത പെന്ഷനു പകരമായി പ്രഖ്യാപിച്ച 'ഉറപ്പായ പെന്ഷന്' (അഷ്വേര്ഡ് പെന്ഷന്) നടപ്പാക്കാന് സംസ്ഥാന സര്ക്കാര് ഒരുക്കം തുടങ്ങി.
കേന്ദ്രസര്ക്കാര് നടപ്പാക്കിയ ഏകീകൃത പെന്ഷന് പദ്ധതിക്കു (യുപിഎസ്) സമാനമായി ജീവനക്കാരുടെ പങ്കാളിത്തമുള്ളതാവും പുതിയ പെന്ഷന്. തദ്ദേശ സ്വയംഭരണസ്ഥാപനങ്ങളിലേക്കുള്ള തിരഞ്ഞെടുപ്പിനു മുന്പ് നടപ്പാക്കാവുന്നവിധത്തില് മുന്നോട്ടുപോവാനായി ധനവകുപ്പിന് സിപിഎം രാഷ്ട്രീയാനുമതിയും നല്കിക്കഴിഞ്ഞു.
മന്ത്രിതലത്തിലുള്ള കൂടിയാലോചനകളും തുടങ്ങി. ശുപാര്ശകള്ക്കായി ഉദ്യോഗസ്ഥസമിതിയെ നിയോഗിച്ചു. ഏപ്രിലിലാണ് കേന്ദ്രത്തില് യുപിഎസ് പ്രാബല്യത്തില് വന്നത്. തൊട്ടുപിന്നാലെ മഹാരാഷ്ട്ര, ഒഡിഷ, ഉത്തരാഖണ്ഡ്, ഹരിയാണ സംസ്ഥാനങ്ങള് യുപിഎസിലേക്കു മാറി. ഇവിടങ്ങളിലെ പദ്ധതി നിര്വഹണം പഠിച്ചശേഷമായിരിക്കും കേരളത്തിലെ പുതിയ പെന്ഷന് രീതി.
നടപ്പാക്കിയ സംസ്ഥാനങ്ങളിലെ താരതമ്യപഠനം നടത്തി റിപ്പോര്ട്ട് നല്കാനായി ചീഫ് സെക്രട്ടറിയും ധനകാര്യ സെക്രട്ടറിയും ഉള്പ്പെട്ട സമിതിയോട് സര്ക്കാര് ആവശ്യപ്പെട്ടു.
"
https://www.facebook.com/Malayalivartha

























