ദിയയുടെ നോട്ടപ്പുള്ളികൾ 3 പെൺകുട്ടികളെ കാണാനില്ല... തിരുവനന്തപുരത്തെ വീട്ടിലെത്തിയ പോലീസിന് മുന്നിൽ പകച്ച് കുടുംബം

നടനും ബിജെപി നേതാവുമായ കൃഷ്ണകുമാറിനും അദ്ദേഹത്തിന്റെ മകൾ ദിയ കൃഷ്ണയ്ക്കുമെതിരെ പരാതി നൽകിയ പെൺകുട്ടികളെ കാണാനില്ല. മൂവർ സംഘം തെളിവ് തങ്ങൾക്കെതിരെയെന്നറിഞ്ഞതോടെ ഒളിവിൽ പോയതാകാം എന്നാണ് പോലീസ് നിഗമനം.
മൂന്ന് പേരോടും പോലീസ് സ്റ്റേഷനിൽ എത്താനായി അറിപ്പ് നൽകിയെങ്കിലും പോലീസ് സ്റ്റേഷനിലേക്ക് അവർ എത്തിയിരുന്നില്ല. ഇന്നലെ മൊഴിയെടുക്കാനായി പൊലീസ് ഇവരുടെ വീട്ടിലെത്തിയിട്ടും അവർ അവിടെയുണ്ടായിരുന്നില്ല.
വക്കീലിനെ കാണാൻ പോയെന്നാണ് വീട്ടുകാർ അറിയിച്ചത്. ഇന്നും മൊഴിയെടുക്കാനെത്തിയില്ലങ്കിൽ ജീവനക്കാർ മുങ്ങിയെന്ന് സംശയിക്കേണ്ടിവരുമെന്നാണ് പൊലീസ് വിലയിരുത്തൽ. അതേ സമയം ദിയ കൃഷ്ണന്റെ കടയിൽ ജീവനക്കാർ സാമ്പത്തിക തിരുമറി നടത്തിയെന്ന് ഉറപ്പിക്കുകയാണ് പോലീസ് പൊലീസ്.
കടയിലെ 3 ജീവനക്കാരുടെ അക്കൗണ്ടിലായി ഒരു വർഷത്തിനിടെ 63 ലക്ഷം രൂപ എത്തിയതായി കണ്ടെത്തി. 2024 ജനുവരി മുതൽ കഴിഞ്ഞ മെയ് മാസം വരെയുള്ള സാമ്പത്തിക ഇടപാടുകൾ പരിശോധിച്ചപ്പോഴാണ് ലക്ഷങ്ങളുടെ കൈമാറ്റം സ്ഥിരീകരിച്ചത്. ഇതിൽ ഭൂരിഭാഗം തുകയും പിൻവലിച്ചെന്നും കണ്ടെത്തൽ.
അതിനാൽ കടയിലെ ആഭരണങ്ങൾ വിട്ടു കിട്ടിയ പണം ഇവർ കൈക്കലാക്കി എന്ന കൃഷ്ണകുമാറിന്റെയും മകൾ ദിയ കൃഷ്ണന്റെയും പരാതി ശരിയെന്ന് നിഗമനത്തിലേക്കാണ് പൊലീസ് നീങ്ങുന്നത്. എങ്കിലും അറസ്റ്റ് പോലുള്ള തുടർ നടപടികളിലേക്ക് കടക്കുന്നതിന് മുമ്പ് ഓഡിറ്ററെ ഉപയോഗിച്ച് ബാങ്ക് ഇടപാടുകൾ വീണ്ടും പരിശോധിക്കാനും പൊലീസ് തീരുമാനിച്ചു. അതേസമയം തട്ടിക്കൊണ്ടുപോയെന്ന പരാതിയിൽ മുൻകൂർ ജാമ്യത്തിനായി നടൻ കൃഷ്ണകുമാറും ദിയകൃഷ്ണയും കോടതിയെ സമീപിച്ചു.
അഹാന നടത്തിയ ചോദ്യം ചെയ്യലിലെ കുറ്റസമ്മതം പോലതന്നെ, ബാങ്ക് അക്കൗണ്ട് വിവരങ്ങളും ദിയ കൃഷ്ണൻറെ സ്ഥാപനത്തിലെ വനിതാ ജീവനക്കാർക്ക് തിരിച്ചടിയാവുകയാണ്. 2024 ജനുവരി മുതൽ കഴിഞ്ഞമാസം വരെയുള്ള അക്കൗണ്ട് വിവരങ്ങൾ പ്രാഥമികമയി പരിശോധിച്ചപ്പോൾ ഇവരുടെ അക്കൗണ്ടിലേക്ക് സാധാരണയിലധികം പണമെത്തിയെന്ന് ഉറപ്പിച്ചു. മൂന്ന് ജീവനക്കാർ പരസ്പരവും പണം കൈമാറിയിട്ടുണ്ട്. അത് കടയിൽ നിന്ന് തട്ടിയെടുത്ത പണമാണോയെന്നാണ് ഇനി അറിയേണ്ടത്. അത് ഉറപ്പിക്കാനുള്ള വിശദപരിശോധന പൊലീസ് തുടരുകയാണ്.
അതിനിടെ ജീവനക്കാർ ദിയ കൃഷ്ണൻറെ ഫ്ളാറ്റിൽ നിന്ന് കാറിൽ കയറി കൃഷ്ണകുമാറിൻറെ ഓഫീസിലേക്ക് കയറിപ്പോകുന്ന സി.സി.ടി.വി ദൃശ്യങ്ങൾ പുറത്തുവന്നു. ബലപ്രയോഗം ഫോട്ടോകളിൽ കാണാനില്ല. അതിനാൽ ബലംപ്രയോഗിച്ച് തട്ടിക്കൊണ്ടുപോയെന്ന പരാതിയും സംശയനിഴലിലാണ്. സാമ്പത്തിക തട്ടിപ്പ് സ്ഥിരീകരിച്ചാൽ പിന്നെ കൃഷ്ണകുമാറിനും കുടുംബത്തിനുമെതിരായ കേസ് നിലനിന്നേക്കില്ല.
https://www.facebook.com/Malayalivartha

























