സര്വകലാശാലകളിലെ അധ്യാപക നിയമനങ്ങളിലും ഇടപെടാനൊരുങ്ങി ഗവര്ണര്...

സര്വകലാശാലകളിലെ അധ്യാപക നിയമനങ്ങളിലും ഇടപെടാനൊരുങ്ങി ഗവര്ണര്. ഇതിന് മുന്നോടിയായി സര്വകലാശാലകളില് അധ്യാപക നിയമനങ്ങള് നടത്തുന്നതുള്പ്പെടെ വിഷയങ്ങള് ചര്ച്ച ചെയ്യാനായി ഗവര്ണര് രാജേന്ദ്ര ആര്ലേക്കര് വി.സിമാരുടെ യോഗം വിളിച്ചു.
ഈ മാസം 17നാണ് യോഗം. സര്വകലാശാല ഭരണത്തില് നേരിട്ട് ഇടപെടാനുള്ള ഗവര്ണറുടെ നീക്കമാണിതെന്നാണ് സൂചനകളുള്ളത്. മൂന്ന് അജണ്ടകളാണ് യോഗത്തിനുള്ളത്. അധ്യാപക നിയമനത്തിന് പുറമെ, സര്വകലാശാലകളിലെ അക്കാദമിക് കലണ്ടര് തയാറാക്കല്, പരീക്ഷകള് സമയക്രമം അനുസരിച്ചാണോ നടത്തുന്നത്, ഉന്നത വിദ്യാഭ്യാസ മേഖലയിലെ നിലവാരം നിലനിര്ത്താന് സ്വീകരിച്ച നടപടികള്, അക്കാദമിക് - വിദ്യാര്ഥി സമൂഹം നേരിടുന്ന പ്രശ്നങ്ങള്, പരിഹാര നടപടികള് എന്നിവയാണ് അജണ്ടയായി വി.സിമാര്ക്കുള്ള കത്തില് സൂചിപ്പിച്ചത്.
ഗവര്ണര്മാര് വി.സിമാരുടെ യോഗം വിളിക്കാറുണ്ടെങ്കിലും അധ്യാപക നിയമനം നടത്താനായി സ്വീകരിച്ച നടപടികള് പോലുള്ളവയില് ഇടപെടാറില്ല. രാജ്ഭവനെ മുന്നില് നിര്ത്തി സര്വകലാശാലകളില് ഇടപെടാന് സംഘ്പരിവാര് നടത്തുന്ന നീക്കങ്ങളുടെ ഭാഗമായാണ് ഗവര്ണര് ഇത്തരം വിഷയങ്ങളില് നേരിട്ട് ഇടപെടുന്നതെന്നാണ് സൂചന. 14 സര്വകലാശാല വി.സിമാര്ക്കാണ് യോഗത്തിനെത്താന് കത്ത് നല്കിയത്.
ഭൂരിഭാഗം സര്വകലാശാലകളിലും സര്ക്കാര് നല്കിയ പാനല് തള്ളി ഗവര്ണര് നിയമിച്ച വി.സിമാരാണ് നിലവിലുള്ളത്. അധ്യാപക നിയമനത്തിനുള്ള സെലക്ഷന് കമ്മിറ്റി രൂപവത്കരിക്കുന്നതിലും നടപടികളിലും യു.ജി.സി ചട്ടപ്രകാരം വി.സിക്കാണ് അധികാരമുള്ളത്.
https://www.facebook.com/Malayalivartha

























