അപകടത്തില്‍ പരിക്കേറ്റ് ചികിത്സയിലായിരുന്ന സ്‌കൂട്ടര്‍ യാത്രികന് ദാരുണാന്ത്യം
13 JUNE 2025 06:15 AM IST
മലയാളി വാര്‍ത്ത
അപകടത്തില്‍ പരിക്കേറ്റ് ചികിത്സയിലായിരുന്ന സ്‌കൂട്ടര്‍ യാത്രികന് മരിച്ചു. പൂവാര്‍ ഇഎംഎസ് കോളനിയില്‍ സക്കീര്‍ (52) ആണ് മരിച്ചത്. കഴിഞ്ഞ തിങ്കളാഴ്ച രാത്രി വിഴിഞ്ഞത്ത് നിന്നും പൂവാര്‍ ഭാഗത്തേക്ക് പോകുന്നതിനിടെ ചൊവ്വര ജംഗ്ഷനില്‍ വച്ച് സ്‌കൂട്ടര്‍ നിയന്ത്രണം വിട്ട് വഴിയാത്രക്കാരിയായ വാസന്തിയെ ഇടിച്ച് വാഹനം റോഡിലേക്ക് മറിയുകയായിരുന്നു.
മുഖത്തും നെഞ്ചത്തുമായി ഗുരുതരമായി പരിക്കേറ്റ സക്കീര്‍ മെഡിക്കല്‍ കോളെജില്‍ ചികിത്സയിലിരിക്കെ ഇന്നലെ ഉച്ചയോടെയാണ് മരിച്ചത്. ഭാര്യ: ഹമീദ. മക്കള്‍: ഷിഹാന, സജാദ്. വിഴിഞ്ഞം പൊലീസ് കേസെടുത്തു. വാസന്തി ചികിത്സയില്‍ കഴിയുകയാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
