ഇവനെ പോലുള്ളവന്മാരാണ് ഈ ഭൂമിക്ക് ഭാരം; ഈ വൃത്തികെട്ടവൻ എഴുതിയ വാക്കുകൾ ഉണ്ടല്ലോ, അതിൽ ഉണ്ട് വൃത്തികെട്ട ഇവന്റെ മനസ്സിലെ അധമമായ ജാതി ബോധം, സ്ത്രീ വിരുദ്ധത; പൊട്ടിത്തെറിച്ച് അഞ്ജു പാർവതി പ്രഭീഷ്

അഹമ്മദാബാദിൽ വിമാന അപകടത്തിൽപെട്ട് മരിച്ച പത്തനംതിട്ട പുല്ലാട് സ്വദേശി രഞ്ജിതയ്ക്കെതിരെ അധിക്ഷേപ പരാമർശം നടത്തിയ വെള്ളരിക്കുണ്ട് താലൂക്ക് ജൂനിയർ സൂപ്രണ്ട് എ.പവിത്രനെതിരെ അഞ്ജു പാർവതി പ്രഭീഷ്. കുറിപ്പിന്റെ പൂർണ്ണ രൂപം ഇങ്ങനെ;-
ഇവനെ പോലുള്ളവന്മാരാണ് ഈ ഭൂമിക്ക് ഭാരം. ഒരു രാജ്യം മുഴുവൻ വിറങ്ങലിച്ചു നില്ക്കുന്ന വൻ ദുരന്തം. രണ്ട് പൊന്ന് മക്കളുടെ അലറി കരച്ചിൽ കണ്ട് ഹൃദയം പൊട്ടി തരിച്ചു നില്ക്കുന്ന ഒരു നാടും മനുഷ്യരും. ഒറ്റയ്ക്ക് ജീവിതം തുഴഞ്ഞു കൊണ്ടിരുന്ന ഒരു മാലാഖ പെട്ടെന്ന് ഒരു നിമിഷം കൊണ്ട് ഇല്ലായെന്ന് അറിയുന്ന ആ പകപ്പ്, അതിൽ വീണു നെഞ്ചുലഞ്ഞു നില്ക്കുന്ന ഒരു കുടുംബത്തിന്റെ അത്താണി. അതിനെ കുറിച്ച് ഈ വൃത്തികെട്ടവൻ എഴുതിയ വാക്കുകൾ ഉണ്ടല്ലോ, അതിൽ ഉണ്ട് വൃത്തികെട്ട ഇവന്റെ മനസ്സിലെ അധമമായ ജാതി ബോധം, സ്ത്രീ വിരുദ്ധത. ഇതൊന്നും ആർക്കും ഇവിടെ വാർത്തയാവില്ല, അത് കൊണ്ട് പോരാട്ടങ്ങളുമില്ല. കാരണം അവർക്ക് പേരിനൊപ്പം നായർ എന്ന ജാതിവാല് ഉണ്ടല്ലോ. പ്രബുദ്ധ നവോഥാന കേരളത്തിൽ അതാണല്ലോ ഏറ്റവും വലിയ പാതകം.
സത്യത്തിൽ ഈ കേരളത്തിൽ, സൈബർ ഇടങ്ങളിൽ ജാതീയതയുടെ ഭീകര ഇരകൾ ദളിതർ അല്ല, മറിച്ച് സവർണ്ണ ലിസ്റ്റിൽ ഉൾപ്പെട്ടു എന്ന ഒറ്റ കാരണം കൊണ്ട് എല്ലാത്തരം അവഹേളനങ്ങളും ആക്ഷേപങ്ങളും മണ്ണടിഞ്ഞാൽ പോലും പരിഹാസങ്ങൾ ഏറ്റുവാങ്ങേണ്ടി വരുന്ന സവർണ്ണർ തന്നെയാണ്. അവർ ഇവിടുത്തെ നടപ്പുരീതികളെ വിമർശിച്ചാൽ അത് പുരോഗമനാശയത്തിനു എതിരാണെങ്കിൽ ആദ്യം ചോദ്യം ചെയ്യപ്പെടുന്നത് പേരിനൊപ്പമുളള ജാതിവാലാണ്. ആശയപരമായ സംവാദങ്ങൾക്കിടയിൽ ഉത്തരമില്ലാതാകുമ്പോൾ പേരിനൊപ്പമുള്ള വാൽ സമർത്ഥമായി എടുത്തിടും . അതൊരു നായർ സ്ത്രീയാണെങ്കിൽ ഉടനെ അച്ചി പ്രയോഗത്തിലേയ്ക്ക് ഒരു കടന്നുകയറ്റമുണ്ട്. പിന്നീട് കേരളചരിത്രത്തിലെ ഉണ്ണിയച്ചി ചരിതമൊക്കെ കുടഞ്ഞിട്ട് കുഴിയിൽ പോയ കാരണവന്മാരെയെയും കാരണവത്തിമാരെയുമൊക്കെ നിരത്തി നിറുത്തി സ്മാർത്ത വിചാരണ ചെയ്യിക്കും.
ഇവനെ പോലുള്ള കമ്മികൾ സിന്ദാവാ വിളിച്ച്, പിൻവാതിൽ വഴി കയറിപ്പറ്റി സർക്കാർ ജോലി നേടും. എന്നിട്ട് തുടങ്ങും കയ്യിട്ട് വാരൽ. ഡെപ്യൂട്ടി തഹസിൽദാർ ഒക്കെയാവുമ്പോൾ ശമ്പളത്തിന് ഒപ്പം കിമ്പളം. അത് കൊണ്ട് ഇവനൊക്കെ സർക്കാർ ജോലി രാജകീയമായി തോന്നും. എന്നാൽ അഴിമതി ചെയ്യാത്ത, കൈക്കൂലി വാങ്ങാത്ത മനുഷ്യർക്ക് ഇന്നിന്റെ കേരളത്തിൽ നടുവ് നിവർത്തി നില്ക്കാൻ മാസാമാസം കിട്ടുന്ന സർക്കാർ ശമ്പളം തികയില്ല.ഉപ്പ് തൊട്ട് കർപ്പൂരം വരെയുള്ള സാധനങ്ങളുടെ വിലക്കയറ്റം, വാടക വീട് ആണെങ്കിൽ അതിന്റെ വാടക, ഇനി ലോൺ എടുത്ത് വച്ച വീട് ആണെങ്കിൽ അതിന്റെ അടവ്, ഭീമമായ കറന്റ്ബില്ല്,
മക്കളുടെ സ്കൂൾ ട്യൂഷൻ ഫീസ് വേറെ, അതിനൊപ്പം ചികിത്സ ചിലവോ ആശുപത്രി ചിലവോ വന്നാൽ പിന്നെ കടം ആയി. അങ്ങനെ ചക്ര ശ്വാസം വലിക്കുന്ന എത്രയോ സർക്കാർ ജോലിക്കാർ ഉണ്ട് നമുക്ക് ചുറ്റിലും. അങ്ങനെയുള്ളവരാണ് ലീവ് എടുത്ത് വിദേശത്ത് പോയി ഒന്ന് രക്ഷപ്പെടാൻ നോക്കുന്നത്, അല്ലാതെ സുഖിക്കാൻ അല്ല. രഞ്ജിത എന്ന മാലാഖ സർക്കാർ ജോലിയിൽ നിന്ന് ലീവ് എടുത്ത് പോയത് കാൻസർ രോഗ ബാധിതയായ അമ്മയ്ക്ക് നല്ല ചികിത്സ കൊടുക്കാൻ വേണ്ടിയും മക്കളെ നല്ല രീതിയിൽ പഠിപ്പിച്ചു നല്ലൊരു ഭാവി നല്കാനും വേണ്ടിയിട്ടാണ്. ഒരു വീട് എന്ന സ്വപ്നം സഫലമാക്കാൻ ഒറ്റയ്ക്ക് തുഴയുന്ന ആ പെണ്ണ് കണ്ട മാർഗ്ഗമാണ് വിദേശത്ത് ഉള്ള ജോലി. പിന്നെ വെറുതെ പോകാൻ പറ്റുന്ന ഒന്നല്ല ഈ വിദേശ ജോലി എന്ന് കൂടി അറിയുക. അത്രയ്ക്കും ക്വാളിഫിക്കേഷൻ ( കമ്മി-കമ്മിണികൾ ഒപ്പിക്കുന്ന വ്യാജ സർട്ടിപ്പിക്കറ്റ് അല്ല) പഠിച്ചു നേടിയത് ഒരു സംവരണവും ഇല്ലാതെയാണ്. യുകെ യ്ക്ക് പോകുന്നതിന് ഉള്ള തയ്യാറെടുപ്പും യോഗ്യത നേടലും എളുപ്പവുമല്ല. അങ്ങനെയുള്ള ഒരു പാവം സ്ത്രീയെ ആണ് ഇവൻ ഉള്ളിലുള്ള സവർണ്ണ വൈരം അഥവാ നായർ വിരുദ്ധത വച്ച് അപമാനിച്ചത്.
ഈ വിഷയത്തിൽ NSS സംഘടനകൾ ശക്തമായ നിയമ നടപടികൾ സ്വീകരിക്കണം. ഉള്ളനാട് NSS കരയോഗം മുന്നിൽ നിന്ന് ഇയാൾക്ക് എതിരെ നിയമ നടപടിയുമായി പോകണം. ഇവിടുത്തെ സ്റ്റേറ്റിൽ നിന്ന് ഒരു നീതിയും പ്രതീക്ഷിക്കരുത്. കാരണം ഇവിടെ വ്യാജ ജാതി കാർഡ് എടുത്ത് വീശുന്ന പൊറോട്ട നാടകങ്ങൾക്കാണ് ഡിമാൻഡ്. നായർ സ്ത്രീക്ക് എതിരെ പ്രയോഗിക്കുന്ന പായ വിരിപ്പ് പരാമർശം ഒന്നും ഇവിടെ slut shaming ന്റെ പരിധിയിൽ വരില്ല. അതെല്ലാം സവർണ്ണ സ്ത്രീകൾ കേൾക്കാൻ ബാധ്യസ്ഥർ ആണെന്ന വിധിയെഴുത്ത് ആണ് ഇവിടെ. ഇവിടെ പരസ്യമായി തുണിപൊക്കി കാണിച്ചാലും കഞ്ചാവ് അടിച്ചാലും അതിന്റെ പേരിൽ പോലീസ് പൊക്കിയാലും കളവ് നടത്തിയാലും മറ്റേ കാർഡ് ഇറക്കി ഇരവാദം കാണിച്ചാൽ അവൻ /അവൾ ഹീറോയാണ്. ഇനിയെങ്കിലും മാറ്റുവിൻ ചട്ടങ്ങളെ എന്ന് ഉറക്കെ പറയാൻ സമയമായി സവർണ്ണരേ!!
ഒരു സസ്പെൻഷൻ കൊണ്ട് നിറുത്തേണ്ട കാര്യമല്ല ഇയാൾ ചെയ്തത്. ഇനി ഒരിക്കലും ഇതേ പോലെ കുഷ്ഠം ബാധിച്ച മനസ്സുള്ളവർ സർവ്വീസിൽ ഉണ്ടാവരുത്. ഈ ജാതിബോധം മനസ്സിൽ ഉള്ള ഇയാളിൽ നിന്ന് എന്ത് സേവനമാണ് സാധാരണ മനുഷ്യർ പ്രതീക്ഷിക്കേണ്ടത്? അകാലത്തിൽ വെന്തെരിഞ്ഞ ഒരു ദേഹിയോട് കാണിക്കാൻ കഴിയാത്ത മാന്യത അയാൾ ജീവിച്ചിരിക്കുന്ന മനുഷ്യരോട് കാണിക്കുമോ
https://www.facebook.com/Malayalivartha

























