എം. വി ഗോവിന്ദനും ഇ.പി.ജയരാജനും സി പി എം നൽകിയ ഇരട്ട നീതിയിൽ പാർട്ടിക്കുള്ളിൽ അമർഷം പുകയുന്നു. പാലക്കാട് ഉപ തെരഞ്ഞടുപ്പിനിടയിൽ ഇ.പി. ജയരാജൻ നടത്തിയ ആർ എസ്. എസ്. അനുകൂല പ്രസ്താവനക്ക് സമാനമായ രീതിയിൽ പരസ്യ പ്രസ്താവന നടത്തിയിട്ടും എം.വി ഗോവിന്ദൻ  മാഷിനെ മുഖ്യമന്ത്രി ഉൾപ്പെടെയുള്ളവർ അനുകൂലിച്ചതാണ് വിവാദമായത്. 

നിലമ്പൂര്‍ വോട്ടെടുപ്പിന് മണിക്കൂറുകള്‍ മാത്രം ശേഷിക്കേ എം.വി.ഗോവിന്ദൻ നടത്തിയ  ആര്‍.എസ്.എസ് കൂട്ടുകെട്ട് പരാമര്‍ശത്തില്‍ സി പി എം വെട്ടിലായി. പാലക്കാട് ഉപ തെരഞ്ഞടുപ്പിൽ ഇ.പി പാർട്ടിയെ പ്രതിസന്ധിയിലാക്കിയെങ്കിൽ ഇക്കുറി പ്രതിസന്ധിയുണ്ടാക്കിയത് സാക്ഷാൽ  ഗോവിന്ദൻ മാഷാണ്.  നിലമ്പൂർ ന്യൂനപക്ഷ മേഖലയായതിനാൽ ഗോവിന്ദന്റെ പ്രസ്താവന തോൽപ്പിച്ചത് സ്വരാജിനെയാണ്. പുതിയ സംഭവവികാസങ്ങളുടെ പശ്ചാത്തലത്തിൽ എം.എ.ബേബി ഉടൻ തലസ്ഥാനത്തെത്തും. എം.വി. ഗോവിന്ദനെതിരെ നടപടിവരുമോ എന്നാണ് കേരളം ഉറ്റുനോക്കുന്നത്.

ആര്‍.എസ്.എസുമായല്ല ജനതാപാര്‍ട്ടിയുമായാണ് സഹകരിച്ചതെന്ന് എല്‍ഡിഎഫ് സ്ഥാനാര്‍ഥി എം.സ്വരാജ് പാര്‍ട്ടി സെക്രട്ടറിയെ തള്ളിയതോടെ, പറഞ്ഞത് വളച്ചൊടിച്ചതാണെന്ന വിശദീകരണവുമായി എം.വി.ഗോവിന്ദന്‍ രംഗത്തു വന്നു. വോട്ടെടുപ്പിന് തലേന്ന് എം.വി.ഗോവിന്ദന്‍ സത്യം  വിളിച്ചു പറഞ്ഞത് മനഃപൂര്‍വമാണെന്ന് പ്രതിപക്ഷം ആരോപിച്ചു. .  ബി.ജെ.പി. ഇത്തവണയും സഹായിക്കണമെന്ന പരസ്യമായ അഭ്യര്‍ഥനയാണ് എം.വി.ഗോവിന്ദന്‍ നടത്തിയതെന്ന്  പ്രതിപക്ഷനേതാവ്  വി.ഡി.സതീശന്‍ പറഞ്ഞു. ഇന്റലിജൻസ് റിപ്പോർട്ട് പുറത്തു വന്നതോടെ സ്വരാജ് തോൽവി ഉറപ്പിച്ചിരുന്നു. 

അടിയന്തിരവസ്ഥകാലത്ത് ആര്‍ എസ് എസുമായി സഹകരിച്ചിരുന്നുവെന്ന് തുറന്നു പറയുന്നത്  വിവാദമായാലും പ്രശ്നമില്ലെന്ന് എം വി ഗോവിന്ദന്‍റെ പരാമര്‍ശത്തില്‍ ആടിയുലയുകയാണ് സിപിഎം. ആര്‍ എസ് എസുമായി സിപിഎം സഹകരിച്ചിട്ടില്ലെന്നും അടിയന്തിരാവസ്ഥ കാലത്ത് ജനതാപാര്‍ട്ടിയുമായാണ് ഇടത്പക്ഷം സഹകരിച്ചതെന്നും തിരുത്തി എം സ്വരാജ് രംഗത്തെത്തി. ആര്‍ എസ് എസ് വോട്ട് ലക്ഷ്യമിട്ടുള്ളതാണ് ഗോവിന്ദന്‍റെ  പരാമര്‍ശമെന്ന് ആക്ഷേപം ഉയര്‍ന്നതോടെ അങ്ങനെ താന്‍ പറഞ്ഞിട്ടില്ലെന്ന് എം വി ഗോവിന്ദന്‍ മലക്കം മറിഞ്ഞു. അടിയന്തിരവാസ്ഥ കാലത്ത് ജനസംഘം ഉള്‍പ്പടെ വിവിധ പാര്‍ട്ടികള്‍ ചേര്‍ന്ന് ജനതാപാര്‍ട്ടിയായതാണ് താന്‍ പറഞ്ഞതെന്നും ആര്‍ എസ്  എസുമായി ഒരു കാലത്തും ബന്ധമില്ലെന്നും എം വി  ഗോവിന്ദന്‍ പറഞ്ഞു.

ഇടതുപക്ഷത്തെ തോല്‍പ്പിക്കാന്‍ വടകരയിലും ബേപ്പൂരിലും ഇ എം എസിന്‍റെ കാലത്ത്  ആര്‍ എസ് എസുമായി  കോണ്‍ഗ്രസ്  സഖ്യമുണ്ടാക്കിയിരുന്നുവെന്ന്  ആരോപിച്ച്  വിവാദത്തില്‍ നിന്ന്  തടിയൂരാനായിരുന്നു എം വി ഗോവിന്ദന്‍റെ ശ്രമം.  അടിയന്തരാവസ്ഥക്കാലത്ത് മാത്രമല്ല, 89ലും ആര്‍ എസ് എസുമായി സിപിഎം  കൂട്ടുകൂടിയെന്ന് പ്രതിപക്ഷനേതാവ് തുറന്നടിച്ചു. കോണ്‍ഗ്രസ് വിരോധത്തിന്‍റെ പേരില്‍ ഇപ്പോഴും ബന്ധമെന്നും വി ഡി സതീശന്‍ പറഞ്ഞു. തിരഞ്ഞെടുപ്പ് തലേന്ന് ആര്‍ എസ് എസ് ബന്ധത്തില്‍ വിവാദം ചൂട് പിടിച്ചതില്‍ പാര്‍ട്ടിക്കുള്ളില്‍ വലിയ അമര്‍ഷമുണ്ട്.  ഇത് തണുപ്പിക്കാന്‍ വേണ്ടിക്കൂടിയാണ് എം വി ഗോവിന്ദന്‍ ചരിത്രത്തെ കൂട്ട് പിടിച്ച്  ന്യായീകരണവുമായി എത്തിയത് 

പറഞ്ഞത് അമ്പതുവർഷം മുമ്പുള്ള കാര്യമാണെന്നും രാഷ്ട്രീയ മാറ്റത്തേക്കുറിച്ച് പറഞ്ഞപ്പോൾ ചൂണ്ടിക്കാണിച്ച ഉദാഹരണമാണതെന്നും അദ്ദേഹം പറഞ്ഞു. ആർഎസ്എസുമായി അന്നും ഇന്നും എന്നും ബന്ധമുണ്ടാകില്ലെന്നും ചരിത്രത്തെ ചരിത്രത്തിന്റെ ഭാഗമായിത്തന്നെ പഠിക്കണമെന്നും അദ്ദേഹം പറഞ്ഞു.

സ്വരാജ് സ്ഥാനാർഥിയായി വന്നതുമുതൽ കേരളത്തിൽ, പ്രത്യേകിച്ച് നിലമ്പൂരിൽ ആവേശമായിരുന്നു. വ്യക്തമായ കാഴ്ചപ്പാടോടുകൂടിയാണ് ഇടതുപക്ഷം അവിടെ മത്സരിച്ചത്. ജനങ്ങളുമായി ബന്ധപ്പെട്ട പ്രശ്നങ്ങൾ മുന്നോട്ടുവെക്കാൻ യുഡിഎഫിന് സാധിച്ചില്ല. ജമാഅത്തെ ഇസ്ലാമിയെ യുഡിഎഫ് വെള്ളപൂശി. ഇസ്ലാമിക രാഷ്ട്രം വേണമെന്ന് പറയുന്ന ജമാഅത്തെ ഇസ്ലാമി എന്ന തീവ്രപ്രസ്ഥാനത്തെ അസോസിയേറ്റ് ആയി ചേർത്തുനിർത്തുന്നത് യുഡിഎഫ് ആണ്. ആർഎസ്എസ് ഉൾപ്പടെ ശക്തിയായി പ്രവർത്തിക്കുന്ന രാജ്യമാണ് ഇന്ത്യ. രണ്ട് വർഗീയ ശക്തികളെയും ഒന്നിച്ച് നേരിടാൻ ഇടതുപക്ഷം തയ്യാറായി മുന്നോട്ട് പോകുന്നു. ഒരു വർഗീയ ശക്തികളുടെയും പിന്തുണ വേണ്ടെന്നാണ് മുഖ്യമന്ത്രി പറഞ്ഞത്. വികസനമാണ് ഞങ്ങൾ മുന്നോട്ടുവെക്കുന്നത്. യുഡിഎഫിന് ഇത് പറയാനാകില്ല. സർക്കാരിനെതിരെ പറയാൻ ഒരു ആയുധം പോലും യുഡിഎഫിന് ഇല്ലായിരുന്നു, എം.വി. ഗോവിന്ദൻ പറഞ്ഞു.

'ഞാൻ വർഗീയ വാദികളുമായി ചേരുന്നു എന്ന തരത്തിലുള്ള വ്യാജ പ്രചരണങ്ങൾ നടത്തുന്നു. ചരിത്രത്തെ ചരിത്രമായി പഠിക്കണം. അടിയന്തരാവസ്ഥ കാലത്ത് ജയിലിൽ കിടന്നവരാണ് ഞാൻ ഉൾപ്പടെയുള്ളവർ. അടിയന്തരാവസ്ഥ അറബിക്കടലിൽ എന്നതായിരുന്നു മുദ്രാവാക്യം. ഇതിനെതിരെ ശക്തമായ മുന്നേറ്റം നടന്നു. അർധഫാസിസത്തിനെതിരെയുള്ള പോരാട്ടം. വിവിധ പാർട്ടികൾ ചേർന്ന് ജനതാ പാർട്ടി രൂപീകരിച്ചു. ആർ.എസ്.എസും അതിന്റെ ഭാഗമായിരുന്നു. ഇന്ത്യ ഒറ്റക്കെട്ടായി മുന്നോട്ടുപോയ സാഹചര്യമാണ് ഞാൻ സൂചിപ്പിച്ചത്'-ഗോവിന്ദൻ പറഞ്ഞു.

ആർഎസ്എസുമായി സിപിഎം ഇന്നേവരെ ഒരു രാഷ്ട്രീയ കൂട്ടുകെട്ടും ഉണ്ടാക്കിയിട്ടില്ല. ഇന്നലെയും ഇല്ല ഇന്നും ഇല്ല ഇനി നാളെയും ഉണ്ടാകുകയില്ല. ആർഎസ്എസ് യഥാർത്ഥത്തിൽ യുഡിഎഫുമായി ചേർന്നാണ് പ്രവർത്തിച്ചത്. ആർഎസ്എസിന്റെ വോട്ടുകൾ വേണ്ടെന്ന് പറഞ്ഞവരാണ് ഞങ്ങൾ.

കാവിവത്കരണത്തിന്റെ കേന്ദ്രമായി രാജ്ഭവൻ മാറിക്കൊണ്ടിരിക്കുന്നു. അവിടെ എപ്പോഴാണ് ഗോഡ്സെയുടെ ഫോട്ടോ വെക്കുന്നതെന്നേ അറിയാനുള്ളൂ. രാഷ്ട്രീയം ഉപേക്ഷിക്കുകയല്ല, ശരിയായി രാഷ്ട്രീയം ഉപയോഗിക്കാൻ യുവതലമുറയെ പഠിപ്പിക്കണം. 50 കൊല്ലം മുൻപ് നടന്ന സംഭവം വിവാദം ആകേണ്ട ആവശ്യം ഇല്ല. രാഷ്ട്രീയമാറ്റത്തെകുറിച്ച് പറഞ്ഞപ്പോൾ ചൂണ്ടിക്കാണിച്ച ഉദാഹരണം ആണത്. നിലമ്പൂരിലെ ജനങ്ങൾക്ക് കാര്യം മനസിലായിട്ടുണ്ട്. യുഡിഎഫിനെ അവർ പാഠം പഠിപ്പിക്കും. ഒരു ജാഗ്രതക്കുറവും സംഭവിച്ചിട്ടില്ല. ഒരു വോട്ടും ഇക്കാരണംകൊണ്ട് കുറയില്ല, എം.വി. ഗോവിന്ദൻ കൂട്ടിച്ചേർത്തു.

ചാ​ന​ൽ അ​ഭി​മു​ഖ​ത്തി​ലെ ചോ​ദ്യ​ത്തി​ന്​ ജ​മാ​അ​ത്തെ ഇ​സ്​​ലാ​മി​യു​മാ​യി ഒ​രി​ക്ക​ലും സ​ഹ​ക​രി​ച്ചി​ല്ലെ​ന്ന്​ മ​റു​പ​ടി പ​റ​ഞ്ഞു​കൊ​ണ്ടാ​യി​രു​ന്നു, അ​ടി​യ​ന്ത​രാ​വ​സ്ഥ​ക്കു​ശേ​ഷം ആ​ർ.​എ​സ്.​എ​സു​മാ​യി സി.​പി.​എം ചേ​ർ​ന്ന്​ പ്ര​വ​ർ​ത്തി​ച്ച​ത്​ ഗോ​വി​ന്ദ​ൻ സ്ഥി​രീ​ക​രി​ച്ച​ത്.

ഭ​ര​ണ​നേ​ട്ട​വും വ​ർ​ഗീ​യ​ത​ക്കെ​തി​രാ​യ ചെ​റു​ത്തു​നി​ൽ​പും ഉ​യ​ർ​ത്തി​ക്കാ​ട്ടി​യാ​ണ്​ നി​ല​മ്പൂ​രി​ൽ പാ​ർ​ട്ടി പ്ര​ചാ​ര​ണം കൊ​ഴു​പ്പി​ച്ച​തെ​ന്ന​തി​നാ​ൽ സി.​പി.​എം-​ആ​ർ.​എ​സ്.​എ​സ്​ സ​ഹ​ക​ര​ണ​വു​മാ​യി ബ​ന്ധ​പ്പെ​ട്ട സെ​ക്ര​ട്ട​റി​യു​ടെ തു​റ​ന്നു​പ​റ​ച്ചി​ൽ അ​തി​വേ​ഗ​മാ​ണ്​ സ​മൂ​ഹ മാ​ധ്യ​മ​ങ്ങ​ളി​ലാ​കെ ക​ത്തി​പ്പ​ട​ർ​ന്ന​ത്​. ന്യൂ​ന​പ​ക്ഷ വി​ഭാ​ഗ​ങ്ങ​ൾ ഏ​റെ​യു​ള്ള നി​ല​മ്പൂ​രി​ലെ വി​ജ​യ​പ്ര​തീ​ക്ഷ​ക്കു​പോ​ലും സെ​ക്ര​ട്ട​റി​യു​ടെ പ്ര​തി​ക​ര​ണം തി​രി​ച്ച​ടി​യാ​കു​മെ​ന്നാ​ണ്​ പാ​ർ​ട്ടി ത​ന്നെ വി​ല​യി​രു​ത്തു​ന്ന​ത്.

അ​സ്ഥാ​ന​ത്തു​ള്ള പ്ര​സ്താ​വ​ന തി​രു​ത്താ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​ദേ​ശി​ച്ച​തോ​ടെ, വാ​ർ​ത്ത​സ​മ്മേ​ള​നം ന​ട​ത്തി​യ ഗോ​വി​ന്ദ​ൻ, ആ​ർ.​എ​സ്.​എ​സു​മാ​യി സി.​പി.​എം ഇ​തു​വ​രെ ഒ​രു കൂ​ട്ടു​കെ​ട്ടു​മു​ണ്ടാ​ക്കി​യി​ട്ടി​ല്ലെ​ന്നു​​പ​റ​ഞ്ഞ്​ മ​ല​ക്കം​മ​റി​ഞ്ഞു.  ഇ​തി​നി​ടെ, സി.​പി.​എം-​ആ​ർ.​എ​സ്.​എ​സ്​ സ​ഹ​ക​ര​ണം ശ​രി​വെ​ച്ച് ബി.​ജെ.​പി മു​ൻ സം​സ്ഥാ​ന പ്ര​സി​ഡ​ന്‍റ്​ കെ. ​രാ​മ​ന്‍പി​ള്ള രം​ഗ​ത്തെ​ത്തി. 1977ൽ ​സി.​പി.​എം മ​ത്സ​രി​ച്ച​ത് ആ​ർ.​എ​സ്.​എ​സ് പി​ന്തു​ണ​യോ​ടെ​യാ​ണെ​ന്നും ആ​ർ.​എ​സ്.​എ​സ് വോ​ട്ട്​ സി.​പി.​എം സ​ന്തോ​ഷ​ത്തോ​ടെ സ്വീ​ക​രി​ച്ചെ​ന്നു​മാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​തി​ക​ര​ണം. വി​ഷ​യ​ത്തി​ൽ ഗോ​വി​ന്ദ​നെ ത​ള്ളി സി.​പി.​ഐ രം​ഗ​ത്തു​വ​ന്നു.

അ​മ്പ​തു​വ​ർ​ഷം മു​മ്പ് സം​ഭ​വി​ച്ച രാ​ഷ്ട്രീ​യ​ത്തി​ൽ ചു​റ്റി​ത്തി​രി​യാ​ൻ സി.​പി.​ഐ​യി​ല്ലെ​ന്നും എ​ന്ത് കാ​ര്യം എ​പ്പോ​ൾ പ​റ​യ​ണ​മെ​ന്ന​തി​ൽ പാ​ർ​ട്ടി​ക്ക് വ്യ​ക്ത​ത​യു​ണ്ടെ​ന്നും​ പ​റ​ഞ്ഞ്​ സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വം അ​തൃ​പ്തി പ​ര​സ്യ​മാ​ക്കി. വി​വാ​ദം പാ​ർ​ട്ടി​ക്ക്​ പ​രി​ക്കേ​ൽ​പി​ച്ച​തോ​ടെ, മു​ഖ്യ​മ​ന്ത്രി വാ​ർ​ത്ത​സ​മ്മേ​ള​നം ന​ട​ത്തി ഗോ​വി​ന്ദ​നെ തി​രു​ത്തു​ക​യും ആ​ർ.​എ​സ്.​എ​സി​നെ രൂ​ക്ഷ​ഭാ​ഷ​യി​ൽ വി​മ​ർ​ശി​ച്ച്​ ​പ്ര​തി​രോ​ധ​മൊ​രു​ക്കു​ക​യും ചെ​യ്തു.

മു​ൻ ഉ​പ​തെ​ര​ഞ്ഞെ​ടു​പ്പു​ക​ളി​ലേ​തി​ന്​ സ​മാ​ന​മാ​യി നി​ല​മ്പൂ​രി​ലും യു.​ഡി.​എ​ഫി​നെ വ​ർ​ഗീ​യ മു​ന്ന​ണി​യാ​യി ചി​ത്രീ​ക​രി​ക്കാ​ൻ പ്ര​ചാ​ര​ണ​ത്തി​ൽ സി.​പി.​എം ശ്ര​ദ്ധി​ച്ചി​രു​ന്നു. ഭൂ​രി​പ​ക്ഷ വോ​ട്ടി​ലു​ൾ​പ്പെ​ടെ പ്ര​ത്യേ​കം ക​ണ്ണു​വെ​ച്ച്,​ വെ​ൽ​ഫെ​യ​ർ പാ​ർ​ട്ടി​യു​ടെ യു.​ഡി.​എ​ഫ് പി​ന്തു​ണ ചൂ​ണ്ടി​ക്കാ​ട്ടി​യാ​യി​രു​ന്നു യു.​ഡി.​എ​ഫ് വ​ർ​ഗീ​യ കൂ​ടാ​ര​മാ​യെ​ന്ന പ്ര​ചാ​ര​ണം.

അതി​നി​ടെ​യാ​ണ്​ പാ​ർ​ട്ടി​യും ആ​ർ.​എ​സ്.​എ​സും മു​മ്പ് ഒ​രു കൂ​ടാ​ര​ത്തി​ലാ​യി​രു​ന്നെ​ന്ന കാ​ര്യം സെ​ക്ര​ട്ട​റി ത​ന്നെ തു​റ​ന്നു​പ​റ​ഞ്ഞ​ത്. വി​വാ​ദ അ​ഭി​മു​ഖം പു​റ​ത്തു​വ​ന്ന​തോ​ടെ, സി.​പി.​എ​മ്മി​ന്‍റെ വ​ർ​ഗീ​യ​വി​രു​ദ്ധ നി​ല​പാ​ട് കാ​പ​ട്യ​മെ​ന്ന് അ​വ​ർ ത​ന്നെ സ​മ്മ​തി​ച്ചെ​ന്ന്​​ യു.​ഡി.​എ​ഫ്​ ചൂ​ണ്ടി​ക്കാ​ട്ടു​ന്നു.

ബി.​ജെ.​പി നേ​താ​വ്​ പ്ര​കാ​ശ്​ ജാ​വ്​​ദേ​ക്ക​റു​മാ​യു​ള്ള വി​വാ​ദ കൂ​ടി​ക്കാ​ഴ്ച പാ​ർ​ട്ടി​യെ മു​ൾ​മു​ന​യി​ലാ​ക്കി​യി​യി​ട്ടും ഇ.​പി. ജ​യ​രാ​ജ​നെ സി പി എം  പ​ര​സ്യ​മാ​യി ത​ള്ളി​പ്പ​റ​ഞ്ഞില്ല.  ഇതിനു പിന്നിൽ പിണറായിയുടെ ഇടപെടലാണുള്ളത്. സെ​ക്ര​ട്ടേ​റി​യ​റ്റ്​ യോ​ഗ​ത്തി​ൽ ഇ.​പി​ക്കെ​തി​രെ വി​മ​ർ​ശ​ന​മു​യ​ർ​ന്നെ​ങ്കി​ലും ന​ട​പ​ടി വേ​ണ്ടെ​ന്നും പ​ര​സ്യ​നി​ല​പാ​ടി​ൽ പി​ന്തു​ണ​ക്കു​ന്ന സ​മീ​പ​നം മ​തി​യെ​ന്നും ധാ​ര​ണ​യി​ലെ​ത്തു​ക​യാ​യി​രു​ന്നു. ആ​രോ​പ​ണ​മു​ന്ന​യി​ച്ച​വ​ർ​ക്കെ​തി​രെ ​നി​യ​മ​ന​ട​പ​ടി സ്വീ​ക​രി​ക്കാ​നും സി.​പി.​എം ഇ.​പി​ക്ക്​ അ​നു​മ​തി ന​ൽ​കി.എന്നാൽ ഇ.പി. അതിനെന്നും തയ്യാറാവില്ല.

ഇ.​പി​ക്കെ​തി​രെ മു​ഖ്യ​മ​ന്ത്രി പ​ര​സ്യ​മാ​യി ഉ​ന്ന​യി​ച്ച വി​മ​ർ​ശ​ന​ങ്ങ​ൾ ശ​രി​യാ​ണെ​ന്നാ​യി​രു​ന്നു യോ​ഗ​ത്തി​ന്‍റെ നി​ല​പാ​ട്. പ​ര​സ്യ​മാ​യി ത​ള്ളി​പ്പ​റ​യാ​തി​രി​ക്കു​​മ്പോ​ഴും കൂ​ട്ടു​കെ​ട്ടു​ക​ളി​ല്‍ ഇ.​പി ജാ​ഗ്ര​ത പു​ല​ര്‍ത്ത​ണ​മെ​ന്നും നേ​ര​ത്തേ​യും ഇ​ത്ത​രം കാ​ര്യ​ങ്ങ​ളി​ല്‍ ജാ​ഗ്ര​ത പു​ല​ര്‍ത്തു​ന്നി​ല്ലെ​ന്നു​മു​ള്ള പി​ണ​റാ​യി വി​ജ​യ​ന്‍റെ പ​രാ​മ​ർ​ശം ശ​രി​വെ​ക്കു​ന്ന​തോ​ടെ ജാ​ഗ്ര​ത​ക്കു​റ​വു​ണ്ടാ​യി എ​ന്ന്​ അം​ഗീ​ക​രി​ക്കു​ക​യാ​യിരുന്നു​ പാ​ർ​ട്ടി. 

ജാ​വ്​​ദേ​ക്ക​റെ ക​ണ്ട​തി​ൽ തെ​റ്റി​ല്ലെ​ന്നും കൂ​ടി​ക്കാ​ഴ്ച നി​ഷ്ക​ള​ങ്ക​മാ​യി​രു​ന്നെ​ന്നു​മാ​ണ്​ സെ​ക്ര​ട്ടേ​റി​യ​റ്റ്​ യോ​ഗ ശേ​ഷ​മു​ള്ള സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍റെ വി​ശ​ദീ​ക​ര​ണം. "രാ​ഷ്​​ട്രീ​യ എ​തി​രാ​ളി​ക​ളെ പ​ല സ​ന്ദ​ർ​ഭ​ങ്ങ​ളി​ലും കാ​ണു​ക​യും സം​സാ​രി​ക്കു​ക​യും ചെ​യ്യേ​ണ്ടി​വ​രും. അ​ങ്ങ​നെ കാ​ണു​മ്പോ​ഴേ​ക്കും അ​വ​സാ​നി​ച്ചു​ പോ​കു​ന്ന പ്ര​ത്യ​യ ശാ​സ്​​ത്ര ക​രു​ത്ത്​ മാ​ത്ര​മേ ഇ​ട​തു​പ​ക്ഷ നേ​താ​ക്ക​ൾ​ക്കു​ള്ളൂ​വെ​ന്ന​ത്​ പൈ​ങ്കി​ളി ശാ​സ്ത്ര​മാ​ണ്. വ്യ​ക്തി​പ​ര​മാ​യി ഒ​രാ​ളെ ക​ണ്ടൂ​വെ​ന്ന്​ പ​റ​ഞ്ഞാ​ൽ തെ​റ്റാ​യി പോ​യി എ​ന്ന്​ പ​റ​യാ​ൻ മാ​ത്രം എ​ന്ത്​ ​ഭ്രാ​ന്താ​ണു​ള്ള​ത്. ഇ​നി മ​റ്റു നേ​താ​ക്ക​ൾ ജാ​വ്​​ദേ​ക്ക​റു​മാ​യി ക​ണ്ടാ​ലും കു​ഴ​പ്പ​മി​ല്ല’’ -എ​ന്ന​തി​ലേ​ക്ക്​ വ​രെ സെ​ക്ര​ട്ട​റി​യു​ടെ ന്യാ​യീ​ക​ര​ണ​വും ഉ​ദാ​ര​സ​മീ​പ​ന​വും നീ​ണ്ടു.പിണറായി എഴുതി കൊടുത്തത് വായിക്കുകയാണ് ഗോവിന്ദൻ ചെയ്തത്. 

ഇ.​പി​ക്കെ​തി​​രെ ന​ട​പ​ടി​ക്ക്​ മു​തി​രു​ന്ന​ത്​ പ്ര​തി​പ​ക്ഷ​ത്തി​ന്​ ന​ൽ​കു​ന്ന വ​ടി​യാ​യി​രി​ക്കു​മെ​ന്ന വി​ല​യി​രു​ത്ത​ലും ഉണ്ടായി. ഇ.​പി​യു​ടെ കൂ​ടി​ക്കാ​ഴ്ച മു​ഖ്യ​മ​ന്ത്രി​യു​ടെ അ​റി​വോ​ടെ​യാ​ണെ​ന്ന ആ​രോ​പ​ണ​വു​മാ​യി പ്ര​തി​പ​ക്ഷം രം​ഗ​ത്തെ​ത്തി​യി​രു​ന്നു. ഈ ​സാ​ഹ​ച​ര്യ​ത്തി​ൽ ഇ.​പി​ക്കെ​തി​രെ ന​ട​പ​ടി​യു​ണ്ടാ​യാ​ൽ മു​ഖ്യ​മ​ന്ത്രി​യി​ലേ​ക്കും പ്ര​തി​പ​ക്ഷ ആ​രോ​പ​ണ​മു​ന നീ​ളും. ഈ ​സാ​ഹ​ച​ര്യ​ത്തി​ലാ​ണ്​ ഇ.​പി​യെ പി​ന്തു​ണ​ച്ച്​ ​ മു​ഖം ര​ക്ഷി​ക്ക​ലാ​ണ്​ ഉ​ചി​ത​മെ​ന്ന വി​ല​യി​രു​ത്ത​ലു​ണ്ടാ​യ​ത്. ജാ​വ്​​ദേ​ക്ക​റെ ക​ണ്ട​തി​ല​ല്ല, ന​ന്ദ​കു​മാ​റു​മാ​യു​ള്ള സൗ​ഹൃ​ദ​മാ​ണ്​ ഏ​റെ വി​മ​ർ​ശി​ക്ക​പ്പെ​ട്ട​ത്. അ​ദ്ദേ​ഹ​വു​മാ​യു​ള്ള ബ​ന്ധം നേ​ര​ത്തേ അ​വ​സാ​നി​പ്പി​ച്ചെ​ന്ന്​ ഇ.​പി യോ​ഗ​ത്തി​ൽ വി​ശ​ദീ​ക​രി​ച്ചു. ഇ.​പി​യെ പാ​ർ​ട്ടി പി​ന്തു​ച്ച​തി​നു​പി​ന്നാ​ലെ ക​ന​ത്ത വി​മ​ർ​ശ​ന​വു​മാ​യി പ്ര​തി​പ​ക്ഷ നേ​താ​വ്​ രം​ഗ​ത്തെ​ത്തി. ഇ.​പി. ജ​യ​രാ​ജ​നെ തൊ​ടാ​ൻ സി.​പി.​എ​മ്മി​നും മു​ഖ്യ​മ​ന്ത്രി​ക്കും ഭ​യ​മാ​ണെ​ന്നും മു​ഖ്യ​മ​ന്ത്രി​യു​ടെ ഏ​ജ​ന്‍റാ​യി ബി.​ജെ.​പി​യു​മാ​യി സം​സാ​രി​ച്ച ഇ.​പി. ജ​യ​രാ​ജ​നെ​തി​രെ ചെ​റു​വി​ര​ൽ അ​ന​ക്കാ​നു​ള്ള ധൈ​ര്യം സി.​പി.​എ​മ്മി​നി​ല്ലെ​ന്നും വി.​ഡി. സ​തീ​ശ​ൻ പറഞ്ഞു.

യഥാർത്ഥത്തിൽ പിണറായി ഇ.പിയെ രക്ഷിച്ചത് ഇ.പിക്ക് വേണ്ടിയല്ല തനിക്ക് വേണ്ടിയാണ്. ഇ.പിയെ പിടിച്ചാൽ താനും കളിയിലെ കഥാപാത്രമാകുമെന്ന് പിണറായിക്ക് അറിയാമായിരുന്നു. പിണറായിക്ക് വേണ്ടിയാണ് ഇ.പി. ബി.ജെ.പി. നേതാക്കളെ കണ്ടതെന്ന  വാദത്തിന് കഴമ്പുണ്ടാവും. ഇത്തരം ഒരു സാഹചര്യം ഒരുക്കാതിരിക്കാനാണ് പിണറായി ശ്രമിച്ചത്. പിണറായിയും കുടുംബവും നേരിടുന്ന കേസുകൾക്ക് വേണ്ടി ഇ.പി. ബി ജെ പി നേതാക്കളെ കാണുന്നുണ്ടെന്ന ആരോപണം മുമ്പേയുണ്ട്. 

ഇ പിയും പിണറായിയും തമ്മിലുള്ള ഹൃദയബന്ധം അറിയുന്ന ആരും ഇ പിയെ  സംശയിക്കില്ല. ഇ.പിക്കുള്ളത് ജാഗ്രതക്കുറവ് മാത്രമാണ്. അക്കാര്യം നേതാക്കൾക്കറിയാം. എന്നാൽ ഗോവിന്ദന്റേത്  ഇ പിയോടുള്ള പക മാത്രമാണ്. അത് തീർക്കുകയാണ് ഉദ്ദേശ്യം. എന്നാൽ എം.വി.ഗോവിന്ദന് ഇപിയെ ഭയമുടെന്നതും നിസ്തർക്കമായ കാര്യങ്ങളാണ്. കാരണംഇ.പിഎല്ലാം പറഞ്ഞാൽ എം.വി. ഗോവിന്ദന് എ.കെ.ജി. സെന്ററിൽ നിന്നും ഇറങ്ങി ഓടേണ്ടി വരും. 

മുഖ്യമന്ത്രി പിണറായി വിജയനും സിപിഐ സംസ്ഥാന സെക്രട്ടറി ബിനോയ് വിശ്വവും  തള്ളിപ്പറഞ്ഞതോടെ ഇ.പി മുന്നണി കൺവീനറായി എത്രനാൾ എന്ന ചോദ്യവുമുയർന്നിരുന്നു.  സിപിഎം സംഘടനാരീതി കണിശമായി പിന്തുടരുന്ന പിണറായി അത് ഉപേക്ഷിച്ചാണ് ജയരാജനോടുള്ള അമർഷം പരസ്യമാക്കിയത്. ഒരാൾക്കെതിരെ പരാതി ഉയരുമ്പോൾ ബന്ധപ്പെട്ട കമ്മിറ്റി ചർച്ച ചെയ്ത് പാർട്ടിയുടെ അഭിപ്രായം പരസ്യമാക്കുകയാണു രീതി. ബന്ധപ്പെട്ടയാൾക്കു പറയാനുള്ളതു കേൾക്കുകയും ചെയ്യും. ഇവിടെ പാർട്ടിതല ചർച്ച നടന്നില്ല; പകരം പാർട്ടി കമ്മിറ്റികളിൽ പലപ്പോഴും പിണറായി പ്രകടിപ്പിക്കുന്ന ക്ഷോഭം പുറത്തു പ്രകടിപ്പിക്കുകയും ചെയ്തു. ഇത് തനിക്ക് രക്ഷപ്പെടാനുള്ള പിണറായിയുടെ അടവായി കരുതുന്ന നേതാക്കളും സി.പി.എമ്മിലുണ്ട്. 

സിപിഎം നേതൃത്വവുമായി ഉടക്കിയ സമയത്തു ബിജെപിയുടെ പ്രലോഭനത്തിൽ ഇ.പി വീണത് പിണറായിക്ക് അറിയാമായിരുന്നു. ഇ.പി. വഴി ബി ജെ പിയിലേക്ക് ഒരു പാലം നിർമ്മിക്കാൻ പിണറായി ആഗ്രഹിച്ചിരുന്നുവെന്നാണ് മനസിലാക്കുന്നത്.  എന്നാൽ ഇലക്ഷന്  തലേന്ന് മുന്നണിക്കാകെ അലോസരമുണ്ടാക്കുന്ന തരത്തിൽ അക്കാര്യം ഉയർന്നപ്പോൾ ഇനി സംയമനം വേണ്ടെന്നു പിണറായി തീരുമാനിച്ചിട്ടുണ്ടാകാം. എന്നാൽ, പ്രതിപക്ഷത്തിന്റെ വിലയിരുത്തൽ മറ്റൊന്നാണ്– എൽഡിഎഫ് തോൽക്കുമെന്ന് ഉറപ്പായതോടെ ആ പാപഭാരം ജയരാജനുമേൽ ചാർത്തി കൈകഴുകാനുള്ള തന്ത്രമാണു മുഖ്യമന്ത്രിയുടേതെന്ന് അവർ കരുതുന്നു. ഇതേ വികാരം സി.പി.എമ്മിലെ പല നേതാക്കൾക്കുമുണ്ട്. 

‘വഴിയിൽകൂടി പോയപ്പോൾ എന്റെ വീടാണെന്നറിഞ്ഞ് ജാവഡേക്കർ വന്നുകയറിയെന്നും തിരിച്ചയച്ചെന്നും’ ഉള്ള ഇ.പിയുടെ വിശദീകരണം അണികൾക്കു പോലും വിഴുങ്ങാൻ എളുപ്പമല്ല. കേന്ദ്രകമ്മിറ്റി അംഗമായ മുതിർന്ന നേതാവ് വോട്ടെടുപ്പുദിനം തന്നെ പാർട്ടിയെ ഇങ്ങനെ പരിഹാസ്യമാക്കിയത് എന്തുകൊണ്ടെന്നും പാർട്ടിയിൽ ചർച്ച നടക്കുന്നു . ദല്ലാൾ നന്ദകുമാറാണ് ഇ പിക്ക് ഇടനില നിന്നതെന്നാണ് സി.പി.എം  നേതാക്കൾ കരുതുന്നത്. 

ദല്ലാൾ നന്ദകുമാറുമായുള്ള സൗഹൃദത്തിന്റെ പേരിൽ മുഖ്യമന്ത്രി ഒരിക്കൽ ജയരാജനു മുന്നറിയിപ്പു നൽകിയതാണ്. ലാവ്‌ലിൻ വിവാദകാലത്തു വി.എസ്.അച്യുതാനന്ദന്റെ കാലാൾപ്പടയിൽ ഉണ്ടായിരുന്ന നന്ദകുമാർ, പിണറായി ഏറ്റവും വെറുക്കുന്നവരിലൊരാളാണ്. ദേശാഭിമാനി ജനറൽ മാനേജരായിരിക്കെ സാന്റിയാഗോ മാർട്ടിനുമായി ഉണ്ടാക്കിയ ബിസിനസ് ബന്ധമാണ് പിണറായി ഓ‍ർമിപ്പിച്ച മറ്റൊരു ചീത്തക്കൂട്ടുകെട്ട്. ജയരാജന്റെ ‘വൈദേകം’ റിസോർട്ട് രാജീവ് ചന്ദ്രശേഖറിന്റെ സ്ഥാപനവുമായി കരാറിലായതും ബിജെപിയും എൽഡിഎഫും തമ്മിലാണ് ഇവിടെ ചിലയിടത്തു മത്സരമെന്നു ജയരാജൻ പറഞ്ഞതും പാർട്ടിക്കും എൽഡിഎഫിനുമെതിരെ പ്രതിപക്ഷം ആയുധമാക്കിയിരുന്നു.

മുഖ്യമന്ത്രിയുടെ പരസ്യ പ്രതികരണം ജയരാജനെ വൻ പ്രതിസന്ധിയിലേക്കാണു തള്ളിവിട്ടത്. പാർട്ടി ആവശ്യപ്പെടാതെതന്നെ മുന്നണി കൺവീനർ സ്ഥാനം അദ്ദേഹം ഒഴിഞ്ഞേക്കുമെന്നു എല്ലാവരും  കരുതി. എന്നാൽ പിണറായി പറഞ്ഞ വിമർശനം ഉപദേശമാണെന്ന് പറഞ്ഞ് ഇ.പി. സർവാത്മനാ അംഗീകരിച്ചു. പിന്നീട് പിണറായി തന്നെ ഇ പിയെ കൺവീനർ സ്ഥാനത്ത് നിന്നും മാറ്റി.

ഇ പി.ജയരാജൻ പാർട്ടിയുമായി പിണങ്ങിയാണ് നിൽക്കുന്നതെങ്കിലും പിണറായി അദ്ദേഹത്തെ ഉപേക്ഷിച്ചിരുന്നില്ല. മനസുകൊണ്ട് പിണറായിക്ക്  ഇ പി യെ സ്നേഹമായിരുന്നു. ജേക്കബ് തോമസ് വിജിലൻസ് ഡയറക്ടറായിരുന്ന കാലത്താണ് ഇ.പിയുടെ അഴിമതി ആദ്യം പിടിക്കപ്പെട്ടത്.തുടർന്ന് പിണറായി മന്ത്രിസഭയിൽ നിന്നും പുറത്തായി. പിന്നീട് ഇ.പിയെ പിണറായി മന്ത്രിയാക്കിയത്  ഇ പി യോടുള്ള താൽപ്പര്യത്തിലാണ്. കണ്ണൂരിലെ പ്രബല നായർ കുടുംബമായ ഇ.പിയെ പിണക്കാൻ പിണറായിക്ക് കഴിയില്ല. എന്നാൽ ഗോവിന്ദനെ സഹായിച്ചത് പോലെ ഇ.പിയെ പിണറായി സഹായിച്ചില്ല. അതാണ് ഇ.പിയുടെ വൈരാഗ്യം.