സഞ്ചാരികളുടെ ശ്രദ്ധയ്ക്ക്... ആരെയും ആകര്‍ഷിക്കുന്ന ടൈഗര്‍ ഹില്‍സ്
നമുക്കൊരു യാത്ര പോയാലോ? തിരക്കില്‍ നിന്നെല്ലാം മാറി ഊട്ടിയില്‍ മറ്റൊരു സ്ഥലമുണ്ട്. അതാണ് 'ടൈഗര്‍ ഹില്‍സ്'. ദൊഡാബെട്ട കൊടുമുടിയുടെ മടിത്തട്ടില്‍ കിടക്കുന്ന ടൈഗര്‍ ഹില്‍സ് ആരെയും ആകര്‍ഷിക്കുന്ന മനോഹരമായ ഒരു സ്ഥലമാണ്.
ഈ കുന്നിന്‍ മുകളില്‍ എത്തിയാല്‍ നഗരത്തിലേക്കുള്ള കുടിവെള്ള വിതരണത്തിനുള്ള ഒരു വലിയ ജലസംഭരണി, ഇടതൂര്‍ന്ന വനമേഖല, പാറക്കൂട്ടങ്ങള്‍, ആഴത്തിലുള്ള മലയിടുക്കുകള്‍ എന്നിവയൊക്കെ കാണാനാകും . കൂടാതെ ഒരു പുരാതന ഗുഹയും ഇവിടെയുണ്ട്. പകല്‍ സമയത്ത് മൂടല്‍മഞ്ഞാണ്. ട്രെക്കിംഗ് - ഹൈക്കിംഗ് പ്രേമികളുടെ പ്രിയപ്പെട്ട ഇടമാണ് ടൈഗര്‍ ഹില്‍സ്.
ടൈഗര്‍ ഹില്‍സില്‍ എത്തിയാല്‍ ഇംഗ്ലീഷ് ശൈലിയിലുള്ള കോട്ടേജുകളും സെമിത്തേരികളും ധാരാളമായി കാണാനായി കഴിയും . ഊട്ടിയില്‍ നിന്നും ആറ് കിലോമീറ്റര്‍ മാത്രം സഞ്ചരിച്ചാല്‍ മതി ടൈഗര്‍ ഹില്ലിലേക്ക്. ബൈക്ക് യാത്രികര്‍ക്ക് വളരെ എളുപ്പത്തില്‍ ഇവിടെ എത്താനാകും മുന്നറിയിപ്പില്ലാതെ കാട്ടുമൃഗങ്ങള്‍ എത്തിച്ചേരുന്നതിനാല്‍ ഇവിടേയ്ക്കുള്ള യാത്രയില്‍ അല്‍പ്പം ശ്രദ്ധ കൊടുക്കേണ്ടതാണ്.
"
https://www.facebook.com/Malayalivartha
