അഹമ്മദാബാദ് വിമാനാപകടത്തില്‍ മരിച്ച രഞ്ജിതയുടെ ഡി.എന്‍.എ ഫലത്തിനായുള്ള കാത്തിരിപ്പ് തുടരുന്നു....
അഹമ്മദാബാദ് വിമാനാപകടത്തില്‍ കൊല്ലപ്പെട്ട പത്തനംതിട്ട പുല്ലാട് കുറങ്ങഴക്കാവ് കൊഞ്ഞോണ്‍ വീട്ടില്‍ രഞ്ജിത ആര്‍. നായരുടെ (39) ഡി.എന്‍.എ ഫലത്തിനായുള്ള കാത്തിരിപ്പ് തുടരുന്നു.
ചൊവ്വാഴ്ച ഫലം ലഭിക്കുമെന്ന പ്രതീക്ഷയിലാണ് ബന്ധുക്കള്‍. ശനിയാഴ്ചയാണ് രഞ്ജിതയുടെ സഹോദരന്‍ രതീഷിന്റെ രക്തസാമ്പ്ള്‍ ഡി.എന്‍.എ പരിശോധനക്കായി അഹ്മദാബാദ് സിവില്‍ ആശുപത്രി അധികൃതര്‍ ശേഖരിച്ചത്. എന്നാല്‍, ഇതുവരെയും ഫലമറിയാന്‍ കഴിഞ്ഞിട്ടില്ല. ഇതിനുശേഷമാകും മൃതദേഹം നാട്ടിലെത്തിക്കുന്ന കാര്യത്തിലും സംസ്‌ക്കാര സമയത്തിലും തീരുമാനമാകുക. മൃതദേഹം പൂര്‍ണമായി കത്തിക്കരിഞ്ഞ സാഹചര്യത്തിലാണ് ഡി.എന്‍.എ പരിശോധന.
തിങ്കളാഴ്ച ഫലം അറിയാനാകുമെന്നായിരുന്നു പ്രതീക്ഷയെങ്കിലും ലഭിച്ചില്ല. സഹോദരന്‍ രതീഷും ബന്ധു ഉണ്ണികൃഷ്ണനും അഹ്മദാബാദില്‍ തന്നെ തുടരുന്നു. രഞ്ജിതയുടെ കുടുംബാംഗങ്ങളെ ആശ്വസിപ്പിക്കാനായി തിങ്കളാഴ്ചയും നിരവധിപേര്‍ പുല്ലാട്ടെ കുടുംബവീട്ടിലെത്തിയിരുന്നു.
https://www.facebook.com/Malayalivartha
