രഞ്ജിത ജി.നായരുടെ മൃതദേഹം ഡി.എന്‍.എ പരിശോധനയില്‍ തിരിച്ചറിഞ്ഞു....മൃതദേഹം നാട്ടിലെത്തിച്ചു... സംസ്‌കാരം വൈകുന്നേരം
എയര്‍ ഇന്ത്യ വിമാനദുരന്തത്തില്‍ മരിച്ച പത്തനംതിട്ട പുല്ലാട്ട് സ്വദേശി രഞ്ജിത ജി.നായരുടെ മൃതദേഹം ഡി.എന്‍.എ പരിശോധനയില്‍ തിരിച്ചറിഞ്ഞു...മൃതദേഹം അഹമ്മദാബാദില്‍ നിന്ന് വിമാനമാര്‍ഗം ഡല്‍ഹി വഴി ഇന്നു രാവിലെ തിരുവനന്തപുരത്ത് എത്തിച്ചു. തുടര്‍ന്ന് റോഡ് മാര്‍ഗം പത്തനംതിട്ടയിലെ വസതിയിലേക്ക് കൊണ്ടുപോകും. വൈകിട്ട് നാലിന് സംസ്‌കാരം നടക്കും.
ദുരന്തം നടന്ന് 11-ാം ദിവസമാണ് രഞ്ജിതയുടെ മൃതദേഹം തിരിച്ചറിഞ്ഞത്. അഹമ്മദാബാദിലെത്തിയ സഹോദരന് രതീഷിന്റെ ഡി.എന്‍.എ സാമ്പിളുമായി പൊരുത്തപ്പെടാതിരുന്നതാണ് ഫലം വൈകാനായി കാരണം. തുടര്‍ന്ന് മാതാവ് തുളസിയുടെ രക്ത സാമ്പിള്‍ നാട്ടില്‍ നിന്ന് ശേഖരിച്ചു ഗാന്ധിനഗറിലെ ലാബില്‍ എത്തിച്ചിരുന്നു.
സഹോദരന് ഇന്നലെ മൃതദേഹം ഏറ്റുവാങ്ങി. അപകട സ്ഥലത്തു നിന്ന് ലഭിച്ച രഞ്ജിതയുടെ ആഭരണങ്ങള്‍, ചെരുപ്പ്, ബാഗ് എന്നിവയും സഹോദരന് കൈമാറി.
ബന്ധു ഉണ്ണികൃഷ്ണനും എയര്‍ഇന്ത്യ ഉദ്യോഗസ്ഥരും മൃതദേഹത്തെ അനുഗമിക്കുന്നുണ്ട്. അപകടത്തില്‍ കൊല്ലപ്പെട്ടവരില്‍ ഏതാനും പേരുടെ മൃതദേഹങ്ങള്‍ കൂടി ഇനി തിരിച്ചറിയേണ്ടതായുണ്ട്.
https://www.facebook.com/Malayalivartha
