13 വര്ഷത്തിനു ശേഷം താരസംഘടനയായ അമ്മയുടെ യോഗത്തില് പങ്കെടുത്ത് പ്രിയ താരം ജഗതി ശ്രീകുമാര്
നിറചിരിയോടെ വീല്ചെയറില് പ്രിയതാരം ജഗതി ശ്രീകുമാര് 'അമ്മ' യോഗത്തിനെത്തി. അദ്ദേഹത്തിന്റെ കൈയില്പിടിച്ച് സ്നേഹപൂര്വം അമ്മ പ്രസിഡന്റ് മോഹന്ലാല് സ്വാഗതം ചെയ്തു. ചെവിയില് കുശലം പറഞ്ഞു. മോഹന്ലാലിനെ കൈയുയര്ത്തി ജഗതി തലോടടുകയും ചെയ്തു.
മലപ്പുറത്ത് വാഹനാപകടത്തില് പരിക്കേറ്റ് വിശ്രമത്തിലായ ജഗതി, 13 വര്ഷത്തിനു ശേഷമാണ് താരസംഘടനയായ അമ്മയുടെ യോഗത്തില് പങ്കെടുത്തത്. മോഹന്ലാല്, കേന്ദ്രമന്ത്രി സുരേഷ് ഗോപി തുടങ്ങിയവര് ചേര്ന്ന് സ്വീകരിച്ചു.
യോഗത്തില് മുന്നിരയില് വീല്ചെയറില് അദ്ദേഹത്തെ ഇരുത്തി. മുതിര്ന്നവരും യുവാക്കളുമായ അഭിനേതാക്കള് അടുത്തെത്തി ചേര്ത്തുപിടിച്ച് സ്നേഹവും ആദരവും പ്രകടിപ്പിക്കുകയും ചെയ്തു. നിറഞ്ഞ ചിരിയിലൂടെ അദ്ദേഹം എല്ലാവരോടും പ്രതികരിച്ചു. യോഗം നടന്ന കലൂരിലെ ഹോട്ടലില് ശനിയാഴ്ച തന്നെ ജഗതി കുടുംബസമേതം എത്തിയിരുന്നു.
ഇന്നലെ രാവിലെ 11ന് മകനൊപ്പം കണ്വെന്ഷന് സെന്ററിലെ യോഗ ഹാളിലേക്ക് എത്തി. 2012മാര്ച്ച് 10ന് മലപ്പുറം ജില്ലയില് കാലിക്കറ്റ് യൂണിവേഴ്സിറ്റിക്ക് സമീപത്ത് ദേശീയപാതയിലുണ്ടായ വാഹനാപകടത്തിലാണ് അദ്ദേഹത്തിന് പരിക്കേറ്റത്. അതിനുശേഷം അദ്ദേഹം അമ്മയുടെ യോഗത്തില് പങ്കെടുത്തിട്ടില്ല.
"
https://www.facebook.com/Malayalivartha
