വിദ്യാര്‍ത്ഥികളുടെ മിനിമം ചാര്‍ജ്ജ് വര്‍ദ്ധനവ് ആവശ്യപ്പെട്ട് പ്രൈവറ്റ് ബസുടമകള്‍ സമരം നടത്താനൊരുങ്ങുന്നു
27 JUNE 2025 07:40 AM IST
മലയാളി വാര്‍ത്ത
വിവിധ ആവശ്യങ്ങളുന്നയിച്ച് പ്രൈവറ്റ് ബസുടമകള്‍ സമരത്തിനിറങ്ങുന്നു. വിദ്യാര്‍ത്ഥികളുടെ മിനിമം ചാര്‍ജ് ഒന്നില്‍ നിന്ന് അഞ്ചുരൂപയായി ഉയര്‍ത്തണമെന്ന് ആവശ്യപ്പെട്ട് സംസ്ഥാനത്തെ സ്വകാര്യ ബസുടമകള്‍ ജൂലായ് 22 മുതല്‍ അനിശ്ചിതകാല സമരം നടത്തും. ഇതിനു മുന്നോടിയായി എട്ടിന് സൂചനാസമരവും പ്രഖ്യാപിച്ചു.
ബസുടമകള്‍ ഉന്നയിക്കുന്ന ആറു പ്രധാന ആവശ്യങ്ങളില്‍ തീരുമാനമില്ലാത്തപക്ഷം അനിശ്ചിതകാല സമരത്തിലേക്ക് നീങ്ങിയേക്കും. പൊതുയാത്രാനിരക്ക് കൂട്ടണ്ടെന്നും വിദ്യാര്‍ത്ഥികളുടെ യാത്രാനിരക്ക് 50 ശതമാനമാക്കി നിജപ്പെടുത്തണമെന്ന ജസ്റ്റിസ് രാമചന്ദ്രന്‍ കമ്മിഷന്‍ റിപ്പോര്‍ട്ട് നടപ്പാക്കാനാണ് ആവശ്യപ്പെടുന്നതെന്നും ബസുടമ സംയുക്ത സമരസമിതി ചെയര്‍മാന്‍ ഹംസ എരിക്കുന്നന്‍, ജനറല്‍ കണ്‍വീനര്‍ ടി.ഗോപിനാഥന്‍, വൈസ് ചെയര്‍മാന്‍ ഗോകുലം ഗോകുല്‍ദാസ് എന്നിവര്‍ പറഞ്ഞു .
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
