മുല്ലപ്പെരിയാര് ഡാം നാളെ തുറക്കാന് സാധ്യത

മുല്ലപ്പെരിയാര് അണക്കെട്ടിലെ ജലനിരപ്പ് 136 അടി ആകുമ്പോള് ഷട്ടറുകള് തുറക്കുമെന്ന് തമിഴ്നാട് ജലസേചന വകുപ്പ്. ഈ സാഹചര്യത്തില് ഇടുക്കി ജില്ലാ ഭരണകൂടം മുന്നൊരുക്കങ്ങള് പൂര്ത്തിയാക്കുന്നു. പെരിയാര്, മഞ്ജുമല, ഉപ്പുതുറ ,ഏലപ്പാറ, അയ്യപ്പന്കോവില്, കാഞ്ചിയാര് ആനവിലാസം, ഉടുമ്പഞ്ചോല എന്നിവിടങ്ങളില് നിന്ന് 883 കുടുംബങ്ങളിലെ 3,220 പേരെ ഇന്ന് രാത്രി 8 മണിക്ക് മുന്പ് സുരക്ഷിതസ്ഥാനത്തേക്ക് മാറ്റാന് ജില്ലാ കലക്ടര് വി.വിഗ്നേശ്വരി റവന്യൂ, പൊലീസ് അധികാരികള്ക്ക് നിര്ദേശം നല്കി. ഇവര്ക്കായി ഇരുപതിലധികം ക്യാംപുകള്! ഒരുക്കി കഴിഞ്ഞു.
ഷട്ടറുകള് തുറക്കേണ്ട സാഹചര്യമുണ്ടായാല് പകല് സമയത്ത് മാത്രമേ ആകാവൂ എന്ന് തമിഴ്നാടിനോട് അഭ്യര്ഥിച്ചതായും കലക്ടര് അറിയിച്ചു. ഏത് അടിയന്തര സാഹചര്യവും നേരിടാന് ജില്ലാ ഭരണകൂടം തയ്യാറാണ്. വെള്ളിയാഴ്ച നാലുമണിവരെ ജലനിരപ്പ് 135.25 ആണ്. റവന്യൂ, പൊലീസ് അധികാരികളുടെ നിര്ദേശങ്ങള് പൊതുജനങ്ങള് കൃത്യമായി പാലിക്കണമെന്നും കലക്ടര് അറിയിച്ചു.
https://www.facebook.com/Malayalivartha

























