വാക്കുതര്ക്കത്തിനൊടുവില്... കതൃക്കടവിലെ ബാറില് യുവാവിനെ യുവതി മദ്യക്കുപ്പി പൊട്ടിച്ചു കുത്തി...

കൊച്ചിയില് കതൃക്കടവിലെ ബാറില് യുവാവിനെ യുവതി മദ്യക്കുപ്പി പൊട്ടിച്ചു കുത്തി പരിക്കേല്പിച്ചു. ഒരു വര്ഷം മുന്പു വെടിവയ്പു നടന്ന ബാറിലാണ് സംഭവം നടന്നത്. ഹോട്ടലില് ഡിജെ പാര്ട്ടിക്കിടെയുണ്ടായ വാക്കുതര്ക്കത്തെ തുടര്ന്നാണു സംഭവമെന്ന് പൊലീസ് .
ഇന്നലെ രാത്രി പത്തരയോടെയാണു സംഘര്ഷമുണ്ടായത്. ബാറിന്റെ കൗണ്ടറിലുണ്ടായ വാക്കുതര്ക്കം സംഘര്ഷത്തിലെത്തുകയായിരുന്നു. യുവാവുമായി തര്ക്കിച്ച യുവതി ബിയര് കുപ്പി പൊട്ടിച്ച് കുത്തി പരിക്കേല്പ്പിക്കുകയായിരുന്നു എന്നാണു പൊലീസ് പറയുന്നത്.ഉദയംപേരൂര് സ്വദേശിയായ ഇരുപത്തിയൊന്പതുകാരിയെ നോര്ത്ത് പൊലീസ് കസ്റ്റഡിയിലെടുത്തു ചോദ്യം ചെയ്യുന്നു.
ബാര് ഹോട്ടലില് സംഘര്ഷമുണ്ടായ വിവരമറിഞ്ഞു നാട്ടുകാര് തടിച്ചുകൂടി. സംഭവം നടക്കുമ്പോള് ചില സിനിമാ താരങ്ങളും പിന്നണി ഗായകരും ഉള്പ്പെടെ ഇവിടെ ഉണ്ടായിരുന്നു എന്നാണ് സൂചനകള്.
https://www.facebook.com/Malayalivartha

























