തിരുവനന്തപുരത്ത് രണ്ടിടങ്ങളിലായി 10 ഗ്രാമോളം എംഡിഎംഎ പിടികൂടി.. രണ്ടു പേര് അറസ്റ്റില്

തലസ്ഥാനത്ത് രണ്ടിടങ്ങളിലായി 10 ഗ്രാമോളം എംഡിഎംഎ പിടികൂടി രണ്ട് പേരെ അറസ്റ്റ് ചെയ്തു. തിരുവനന്തപുരം എക്സൈസ് സര്ക്കിള് ഇന്സ്പെക്ടര് റജിലാലിന്റെ നേതൃത്വത്തില് 4.55 ഗ്രാം എംഡിഎംഎയുമായി കൃഷ്ണചന്ദ്രന് എന്നയാളെയും, സര്ക്കിള് ഓഫീസിലെ എക്സൈസ് ഇന്സ്പെക്ടര് സജിത്തിന്റെ നേതൃത്വത്തില് 5 ഗ്രാം എംഡിഎംഎയുമായി ആലിഫ് മുഹമ്മദ് എന്നയാളെയുമാണ് പിടികൂടിയത്.
രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് മയക്കുമരുന്നുമായി പ്രതികളെ പൊക്കിയത്. കൃഷ്ണചന്ദ്രനെ വഴുതക്കാടുള്ള വാടക വീട്ടില് നിന്നുമാണ് പിടികൂടിയത്. പരിശോധനയില് 4.55 ഗ്രാം എംഡിഎംഎ കണ്ടെത്തുകയായിരുന്നു.
നഗരത്തില് ചില്ലറ വില്പ്പന നടത്താനെത്തിയവരാണ് പിടിയിലായവരെന്ന് എക്സൈസ്. ഇവരെ ചോദ്യം ചെയ്തുവരുന്നു. അസിസ്റ്റന്റ് എക്സൈസ് ഇന്സ്പെക്ടര്മാരായ പത്മകുമാര്, ദിലീപ് കുമാര്, പ്രിവന്റീവ് ഓഫീസര്(ഗ്രേഡ്) ബിനു, സിവില് എക്സൈസ് ഓഫീസര്മാരായ രതീഷ് മോഹന്, ദീപു എന്നിവരടങ്ങിയ സംഘമാണ് പ്രതികളെ പിടികൂടിയത്.
https://www.facebook.com/Malayalivartha

























