ഈരാറ്റുപേട്ടയില് ദമ്പതിമാരെ മരിച്ച നിലയില് കണ്ടെത്തി

ശരീരത്തില് സിറിഞ്ച് കുത്തിവെച്ച നിലയില്... ഈരാറ്റുപേട്ട പനക്കപ്പാലത്ത് ദമ്പതിമാരെ മരിച്ചനിലയില് കണ്ടെത്തി. രാമപുരം സ്വദേശി വിഷ്ണു (36), ഭാര്യ രശ്മി (32)എന്നിവരാണ് മരിച്ചത്. ഇന്ന് രാവിലെയാണ് രണ്ടുപേരെയും വീട്ടില് മരിച്ചനിലയില് കണ്ടെത്തിയത്.
ശരീരത്തില് മരുന്ന് കുത്തിവെച്ച് ഇരുവരും ജീവനൊടുക്കിയെന്നാണ് പ്രാഥമികനിഗമനത്തിലുള്ളത്. ഇവരുടെ ശരീരത്തില് നിന്ന് സിറിഞ്ച് കുത്തിവെച്ചനിലയില് കണ്ടെത്തി.
ഈരാറ്റുപേട്ടയിലെ സ്വകാര്യ ആശുപത്രിയിലെ നഴ്സിങ് സൂപ്രണ്ടാണ് രശ്മി. വിവരമറിഞ്ഞ് ഉന്നത പോലീസ് ഉദ്യോഗസ്ഥരടക്കം സ്ഥലത്തെത്തി. പോലീസിന്റെ പരിശോധന തുടരുന്നു.
https://www.facebook.com/Malayalivartha

























