കീം പരീക്ഷാഫലം റദ്ദാക്കിയ ഹൈക്കോടതി നടപടിക്കെതിരെ കേരള സിലബസ് വിദ്യാര്ത്ഥികള്
കീം പരീക്ഷാഫലം റദ്ദാക്കി പുതിയ റാങ്ക് ലിസ്റ്റ് പുറത്തുവിട്ടതിനെതിരെ സുപ്രീംകോടതിയെ സമീപിക്കാനാണ് കേരള സിലബസിലെ വിദ്യാര്ത്ഥികളുടെ നീക്കം. കോടതിയില് പോകുമ്പോള് സംസ്ഥാന സര്ക്കാര് അതിന് പിന്തുണ നല്കണമെന്നും വിദ്യാര്ത്ഥികള് ആവശ്യപ്പെട്ടു.
കീമിലെ നിലവിലെ ഘടന കേരള സിലബസിലെ കുട്ടികള്ക്ക് എതിരാണെന്ന് വിദ്യാര്ത്ഥികള് പറഞ്ഞു. നിയമം മറ്റുള്ളവര്ക്ക് ദോഷമാണെന്ന് കാണുമ്പോള് ആ നിയമം മാറ്റണം. പുതുക്കിയ റാങ്ക് ലിസ്റ്റ് വന്നപ്പോള് പിന്നോട്ട് പോയതില് മനോവിഷമം ഉണ്ടായെന്നും വിദ്യാര്ഥികള് പറയുന്നു. ഹൈക്കോടതിയുടെ ഡിവിഷന് ബെഞ്ചിന്റെ നടപടിക്കെതിരെയാണ് വിദ്യാര്ഥികള് സുപ്രീംകോടതിയെ സമീപിക്കുന്നത്.
അതേസമയം സര്ക്കാര് പ്രവേശന നടപടികള് ആരംഭിച്ചിട്ടുണ്ട്. 16ാം തീയതി വരെയാണ് ഓപ്ഷന് തിരഞ്ഞെടുക്കാനുള്ള സമയം അനുവദിച്ചിരിക്കുന്നത്. പുതുക്കിയ കീം ഫലത്തില് 76230 പേരാണ് യോഗ്യത നേടിയത്. യോഗ്യത നേടിയ വിദ്യാര്ഥികളുടെ എണ്ണത്തില് മാറ്റമില്ല. സംസ്ഥാന സിലബസിലെ വിദ്യാര്ഥികള്ക്ക് പുതുക്കിയ ഫലം തിരിച്ചടിയാണ്. ആദ്യ 100 റാങ്കില് സംസ്ഥാന സിലബസില് പഠിച്ചവര് 21 പേര് മാത്രമാണ്.
https://www.facebook.com/Malayalivartha
