സ്‌കൂള്‍ സമയമാറ്റ വിഷയത്തില്‍ സര്‍ക്കാര്‍ തീരുമാനത്തില്‍ നിന്ന് പിന്നോട്ടില്ലെന്ന് വിദ്യാഭ്യാസ മന്ത്രി
സമയമാറ്റത്തില്‍ എതിര്‍പ്പുള്ളവരുമായി ചര്‍ച്ച നടത്തും..സ്‌കൂള്‍ സമയമാറ്റ വിഷയത്തില്‍ സര്‍ക്കാര്‍ തീരുമാനത്തില്‍ നിന്ന് പിന്നോട്ടില്ലെന്ന് വിദ്യാഭ്യാസ മന്ത്രി വി. ശിവന്‍കുട്ടി.
എതിര്‍പ്പുള്ളവരുമായി ചര്‍ച്ച നടത്തും എന്നാല്‍ ഇത് സമയമാറ്റമെന്ന തീരുമാനത്തില്‍ മാറ്റം വരുത്താനല്ല, മറിച്ച് കാര്യങ്ങള്‍ അവരെ ബോധ്യപ്പെടുത്താനാണെന്നും മന്ത്രി വ്യക്തമാക്കി. സമസ്ത ഉള്‍പ്പെടെ പരാതിയുള്ള എല്ലാ വിഭാഗങ്ങളെയും കാര്യങ്ങള്‍ പറഞ്ഞ് മനസ്സിലാക്കുമെന്നും അദ്ദേഹം കൂട്ടിച്ചേര്‍ക്കുകയും ചെയ്തു.
പാദപൂജ വിഷയത്തില്‍ പൊതുവിദ്യാഭ്യാസ ഡയറക്ടറുമായി ചര്‍ച്ച നടത്തുമെന്ന് മന്ത്രി . ആര്‍.എസ്.എസ് സംരക്ഷണയില്‍ പാദപൂജ നടത്തിയാല്‍ സ്‌കൂളുകള്‍ക്ക് നിയമപരമായി മുന്നോട്ട് പോകാനായി കഴിയില്ല. എയ്ഡഡ്, അണ്‍എയ്ഡഡ് സ്‌കൂളുകളില്‍ നടപടിയെടുക്കുന്നതില്‍ സര്‍ക്കാരിന് ചില പരിമിതികളുണ്ടെന്ന് സമ്മതിച്ച മന്ത്രി, ഈ വിഷയത്തില്‍ സര്‍ക്കാര്‍ ഏതറ്റം വരെയും പോകുമെന്നും കൂട്ടിച്ചേര്‍ക്കുകയുണ്ടായി.
https://www.facebook.com/Malayalivartha
