അനിശ്ചിതകാല പണിമുടക്ക് പ്രഖ്യാപിച്ച ബസുടമകളെ ചര്ച്ചയ്ക്ക് വിളിച്ച് ഗതാഗതമന്ത്രി...

ഒടുവില് ചര്ച്ച.... 22ാം തീയതി മുതല് അനിശ്ചിതകാല പണിമുടക്ക് പ്രഖ്യാപിച്ച ബസുടമകളെ ചര്ച്ചയ്ക്ക് വിളിച്ച് ഗതാഗതമന്ത്രി കെബി ഗണേഷ് കുമാര്. ഇന്ന് വൈകുന്നേരം മൂന്നരക്കാണ് ചര്ച്ച. വിദ്യാര്ഥികളുടെ ഒരു രൂപ ടിക്കറ്റ് നിരക്ക് വര്ദ്ധിപ്പിക്കണം എന്നത് ഉള്പ്പെടെ വിവിധ ആവശ്യങ്ങള് ഉന്നയിച്ചാണ് സംയുക്ത സമരസമിതി പണിമുടക്ക് പ്രഖ്യാപിച്ചിരിക്കുന്നത്.
ആദ്യ ഘട്ടത്തില് ഗതാഗത കമ്മീഷണര് ബസ് ഉടമകളുമായി ചര്ച്ച നടത്തിയിരുന്നെങ്കിലും പരാജയപ്പെടുകയായിരുന്നു. തുടര്ന്ന് ഏഴാം തിയതി സൂചന പണിമുടക്ക് നടത്തിയിട്ടുണ്ടായിരുന്നു. ഇതിനുശേഷമാണ് ബസുടമകള് അനിശ്ചിതകാല പണിമുടക്ക് പ്രഖ്യാപിച്ചത്. ഇതിനുപിന്നാലെയാണ് മന്ത്രി സ്വകാര്യ ബസ് ഉടമകളെ ചര്ച്ചക്ക് വിളിച്ചിരിക്കുന്നത്.
അതേസമയം വിദ്യാര്ഥികളുടെ നിരക്ക് വര്ദ്ധിപ്പിക്കണം, 140 കിലോമീറ്ററിന് മുകളില് പെര്മിറ്റ് അനുവദിക്കണം, മോട്ടോര് വാഹന വകുപ്പിന്റെയും പൊലീസിന്റെയും ഇടക്കിടെയുള്ള പരിശോധനയും അന്യായ പിഴ ചുമത്തലും അവസാനിപ്പിക്കണമെന്നാണ് ബസ് ഉടമകളുടെ ആവശ്യം.
"
https://www.facebook.com/Malayalivartha