കണ്ണീര്‍ക്കാഴ്ചയായി... ബൈക്കപകടത്തില്‍ പരുക്കേറ്റ വിദ്യാര്‍ഥി മരിച്ചു
മലപ്പുറത്ത് ബൈക്കപകടത്തില്‍ പരുക്കേറ്റ വിദ്യാര്‍ഥി മരിച്ചു. പരപ്പനങ്ങാടി പുത്തന്‍ പീടിക കറുത്തേടത്ത് ഫവാസ് (20) ആണ് കോഴിക്കോട് മെഡിക്കല്‍ കോളേജില്‍ ചികിത്സയിലിരിക്കെ മരണമടഞ്ഞത്.
തിങ്കളാഴ്ച ഉച്ചക്ക് ശേഷം കരിങ്കല്ലത്താണിയില്‍ വെച്ചായിരുന്നു അപകടം നടന്നത്. സുഹൃത്തിനൊപ്പം കോളേജിലേക്ക് വരുമ്പോള്‍ മറ്റൊരു ബൈക്കുമായി കൂട്ടിയിടിക്കുകയായിരുന്നു. ഒപ്പം യാത്ര ചെയ്തിരുന്ന കടലുണ്ടി നഗരം സ്വദേശി സല്‍മാനുല്‍ ഫാരിസ് നിസ്സാര പരുക്കുകളോടെ രക്ഷപ്പെട്ടു. ഇരുവരും പരപ്പനങ്ങാടി ഐ ടി ഐ വിദ്യാര്‍ത്ഥികളാണ്. പോസ്റ്റ്‌മോര്‍ട്ടത്തിന് ശേഷം ഫവാസിന്റെ മൃതദേഹം ഉച്ചയോടെ വീട്ടിലെത്തിക്കുന്നതാണ്. പിതാവ് : മുജീബ്.
പരപ്പനങ്ങാടി ഇ സി സി സി ക്ക് കീഴില്‍ പുത്തരിക്കല്‍ സോഫ്റ്റ് അക്കാദമി കാമ്പസില്‍ പ്രവര്‍ത്തിക്കുന്ന പെംസ് സ്‌കൂള്‍, പരപ്പനങ്ങാടി ഐ ടി ഐ , ഇശാഅത്തുല്‍ ഇസ്ലാം അറബിക് കോളേജ്, ഇസ്ലാഹിയ മദ്രസ എന്നിവക്ക് ഇന്ന് (ബുധന്‍) അവധി നല്‍കി
https://www.facebook.com/Malayalivartha
