മത്സ്യ ബന്ധനത്തിനിടയില്‍ പരിക്കേറ്റ ജീവനക്കാര്‍ക്ക് രക്ഷകരായി പൊലീസ്. ഇന്നലെ രാവിലെ ഓര്‍ക്കിഡ് എന്ന ബോട്ടിലെ ജീവനക്കാരനായ സനല്‍ (39) പൊന്നാറ എന്ന ബോട്ടിലെ ജീവനക്കാരനായ പ്രിയന്‍ (54) എന്നിവര്‍ക്ക് മത്സ്യ ബന്ധനത്തിടയില്‍ പരിക്കേറ്റിട്ടുണ്ടായിരുന്നു.

വിവരറിഞ്ഞ് തോട്ടപ്പള്ളി തീരദേശ പൊലീസ് കടലിലെത്തി ബോട്ടില്‍ നിന്നും ഇവരെ രക്ഷപ്പെടുത്തി തോട്ടപ്പള്ളി ഹാര്‍ബറില്‍ എത്തിച്ചു. പിന്നീട് ആംബുലന്‍സില്‍ കയറ്റി ആലപ്പുഴ മെഡിക്കല്‍ കോളേജാശുപത്രിയിലെത്തിക്കുകയായിരുന്നു.

എസ്എച്ച്ഒ വിനോദ് കെ പി യുടെ നിര്‍ദേശപ്രകാരം സബ് ഇന്‍സ്‌പെക്ടര്‍ സാബു കെ, സീനിയര്‍ സിവില്‍ പൊലീസ് ഓഫിസര്‍ ഇന്ദു മിഥുന്‍, സ്രാങ്ക് ലിജു, കോസ്റ്റല്‍ വാര്‍ഡന്‍മാരായ ബിനു ബാബു, ശ്രീമോന്‍, ലാസ്‌കര്‍ സുഭാഷ് എന്നിവരും രക്ഷാപ്രവര്‍ത്തനത്തില്‍ പങ്കെടുക്കുകയും ചെയ്തു.