അടിച്ചുകയറി അക്വാൻ 50,000 ജനങ്ങൾ ജീവനും കൊണ്ട് ഓടി..! കേരളത്തിൽ അക്വാൻ കാലന്റെ തിരിച്ചടി

ബംഗാൾ ഉൾക്കടലിൽ രൂപപ്പെട്ട അക്വാൻ ചുഴലിക്കാറ്റ് ദുർബലമായി തീവ്ര ന്യൂനമർദമായി മാറി. ഇന്ന് രാവിലെയോടെ വടക്കൻ ആന്ധ്രാപ്രദേശ്, തെക്കൻ ഒഡിഷ തീരങ്ങളിൽ ഗോപാൽപുരിന് സമീപത്തുകൂടി ഇത് കരതൊടുമെന്ന് കാലാവസ്ഥ വകുപ്പിൻ്റെ മുന്നറിയിപ്പുണ്ട്. മണിക്കൂറിൽ 70 മുതൽ 80 കിലോമീറ്റർ വരെയും ചില അവസരങ്ങളിൽ 90 കിലോമീറ്റർ വരെയും വേഗതയിൽ കാറ്റ് വീശാൻ സാധ്യതയുണ്ട്.
കഴിഞ്ഞ ആറ് മണിക്കൂറിനിടെ മണിക്കൂറിൽ 21 കിലോമീറ്റർ വേഗതയിൽ വടക്കുപടിഞ്ഞാറ് ദിശയിലാണ് അക്വാൻ ചുഴലിക്കാറ്റ് സഞ്ചരിച്ചത്. വെള്ളിയാഴ്ച പുലർച്ചെ 2.30ഓടെ മധ്യപടിഞ്ഞാറൻ ബംഗാൾ ഉൾക്കടലിലാണ് തീവ്ര ന്യൂനമർദം കേന്ദ്രീകരിച്ചിരിക്കുന്നത്. ആന്ധ്രാപ്രദേശിലെ കലിംഗപട്ടണത്തിന് 110 കിലോമീറ്റർ തെക്കുകിഴക്കായും വിശാഖപട്ടണത്തിന് 170 കിലോമീറ്റർ കിഴക്കായും ഒഡിഷയിലെ ഗോപാൽപുരിന് 170 കിലോമീറ്റർ തെക്കായുമാണ് ഇതിൻ്റെ നിലവിലെ സ്ഥാനം. പുരിക്ക് 250 കിലോമീറ്റർ തെക്കുപടിഞ്ഞാറായും ആന്ധ്രാപ്രദേശിലെ നർസാപൂരിന് 370 കിലോമീറ്റർ കിഴക്ക്-വടക്കുകിഴക്കായുമാണ് ഇത് സ്ഥിതി ചെയ്യുന്നത്. വടക്കുപടിഞ്ഞാറ് ദിശയിൽ സഞ്ചാരം തുടരുന്ന ചുഴലിക്കാറ്റ് വെള്ളിയാഴ്ച രാവിലെയോടെ ഗോപാൽപുരിന് സമീപത്തുകൂടി കരതൊടുമെന്ന് കാലാവസ്ഥ വകുപ്പ് വ്യക്തമാക്കി.
തീരദേശത്ത് കനത്ത മഴ; റഡാർ നിരീക്ഷണം ശക്തം
ഏറ്റവും പുതിയ ഉപഗ്രഹ ചിത്രങ്ങൾ പ്രകാരം ചുഴലിക്കാറ്റുമായി ബന്ധപ്പെട്ട മേഘങ്ങൾ വടക്കൻ ആന്ധ്രാപ്രദേശ്, തെക്കൻ ഒഡിഷ തീരപ്രദേശങ്ങളിൽ പ്രവേശിച്ചതോടെ കരയുമായുള്ള സമ്പർക്കം ആരംഭിച്ചിട്ടുണ്ട്. വിശാഖപട്ടണം, ഗോപാൽപുർ എന്നിവിടങ്ങളിലെ ഡോപ്ലർ വെതർ റഡാറുകൾ വഴി കാലാവസ്ഥ വകുപ്പ് സ്ഥിതിഗതികൾ തുടർച്ചയായി നിരീക്ഷിച്ചുവരികയാണ്. ചുഴലിക്കാറ്റ് കരതൊടുന്നതിന് മുൻപുള്ള പ്രത്യാഘാതങ്ങൾ പുലർച്ചെ ഒരു മണിയോടെ ഭുവനേശ്വറിൽ അനുഭവപ്പെട്ടു തുടങ്ങി. ശക്തമായ കാറ്റോടുകൂടിയ കനത്ത മഴയാണ് പ്രദേശത്ത് പെയ്യുന്നത്. വ്യാഴാഴ്ച ഉച്ചയോടെ കരതൊടുമെന്ന് നേരത്തെ പ്രതീക്ഷിച്ചിരുന്നതിനാൽ സംസ്ഥാന തലസ്ഥാനത്ത് കൊടുങ്കാറ്റിന് മുന്നോടിയായുള്ള സാഹചര്യങ്ങൾ നേരത്തെതന്നെ രൂപപ്പെട്ടിരുന്നു.
https://www.facebook.com/Malayalivartha

























