ചങ്ങനാശേരി തെങ്ങണയിൽ വൈദ്യുതാഘാതമേറ്റ യുവാക്കൾക്ക് രക്ഷകനായി പാമ്പാടി താലൂക്ക് ആശുപത്രിയിലെ ആംബുലൻസ് ഡ്രൈവർ.തെങ്ങണ ജംഗ്ഷനിലെ റിലയൻസ് ട്രൻസ് വസ്ത്ര വ്യാപാര ശാലയിൽ പരസ്യ ബോർഡ് സ്ഥാപിക്കുന്നതിനിടയിൽ ബോർഡ് ഇലക്ട്രിക് ലൈനിൽ തട്ടി ഉണ്ടായ അപകടത്തിൽ പെട്ടവർക്കാണ് പാമ്പാടി താലൂക്ക് ആശുപത്രിയിലെ ആംബുലൻസ് ഡ്രൈവർ അഭിലാഷ് രക്ഷകനായത്. സ്വകാര്യ പരസ്യ സ്ഥാപനത്തിലെ ജീവനക്കാരായ തിരുവനന്തപുരം സ്വദേശികളായ ജിത്തു , രാജേഷ് എന്നിവർക്കാണ് അപകടത്തിൽ പരിക്കേറ്റത്.

ഇന്നലെ ഉച്ചയ്ക്ക് 2:30നാണ് സംഭവം. ബോർഡ് സ്ഥാപിക്കുന്നതിന് വേണ്ടി കരാർ ഏറ്റെടുത്ത ഏജൻസിയുടെ ജീവനക്കാർ തെങ്ങണായിൽ എത്തുകയും അവിടെയുണ്ടായിരുന്ന ബോർഡിലെ ഫ്ലക്സ് അഴിച്ച് പുതിയത് ഒട്ടിക്കുന്നതിന് സമീപത്തെ ഉണ്ടായിരുന്ന ഇലക്ട്രിസിറ്റി ബോർഡിൻറെ തെങ്ങണാ സെക്ഷനിലെ കണ്ടത്തിൽ ട്രാൻസ്ഫോമറിൻ്റെ സംരക്ഷണ വേലിയിൽ കയറി നിൽക്കുകയായിരുന്നു.

ഈ സമയം ഈ ബോർഡ് ഉറപ്പിച്ച് നിർത്തിയിരുന്ന ഇരുമ്പ് കമ്പി 11 കെ വി ലൈനിന്റെ കണക്ഷൻ പോയിന്റിൽ സ്പർശിക്കുകയും ബോർഡിൽ പിടിച്ചു കൊണ്ട് ഫ്ലക്സ് ഒട്ടിക്കുകയായിരുന്നു ' രണ്ട് തൊഴിലാളികൾ ഷോക്കേറ്റ് തെറിച്ചു വീഴുകയായിരുന്നു ഒരാൾ സംരക്ഷണവേലിക്കുള്ളിലും മറ്റൊരാൾ പുറത്തേക്കുമാണ വീണത്. ഷോക്കേറ്റതിന്റെ ആഘാതത്തിൽ ഒരു തൊഴിലാളി അബോധാവസ്ഥയിലാവുകയു ചെയ്തു ഈ സമയം സമീപത്തുണ്ടായിരുന്ന പാമ്പാടി താലൂക്ക് ആശുപത്രിയിലെ ആംബുലൻസ് ഡ്രൈവർ അഭിലാഷ് ഓടിയെത്തുകയും C P R (കാർഡിയോപൾമോണറി റെസസിറ്റേഷൻ.) ഉൾപ്പെടെ ഉള്ള പ്രാഥമിക ചികിത്സ നൽകി സമീപത്തെ സ്വകാര്യ ആശുപത്രിയിലേക്ക് മാറ്റി.

കൂടെയുണ്ടായിരുന്ന മറ്റൊരു തൊഴിലാളിയെ ഈ സമയം ഇതുവഴി വന്ന പാമ്പാടി ഫയർഫോഴ്സ് വാഹനത്തിലെ ഉദ്യോഗസ്ഥർ താലൂക്ക് ആശുപത്രിയിൽ എത്തിക്കുകയും പ്രാധമിക ചിത്സ നൽകി കോട്ടയം മെഡിക്കൽ കോളേജിലേക്ക് അയച്ചു. അപകടത്തിൽ പരിക്കേറ്റ രാജേഷിന് സാരമായ പൊള്ളൽ ഏറ്റിട്ടുണ്ട്.