ബിഗ് ബോസില്‍ നിന്ന് മൂന്നുദിവസത്തിനുള്ളില്‍ പുറത്താകുന്നവരുടെ പട്ടികയില്‍ ആരൊക്കെ
ബിഗ് ബോസ് സീസണ്‍ ഏഴില്‍ അവസാന നിമിഷം സര്‍പ്രൈസ് എന്‍ട്രിയായാണ് സോഷ്യല്‍ മീഡിയയിലെ വൈറല്‍ താരം രേണു സുധി മത്സരാര്‍ത്ഥിയായി എത്തിയത്. കഴിഞ്ഞ ദിവസം ഒരു വീഡിയോയുടെ പേരില്‍ മോഹന്‍ലാലലില്‍ നിന്ന് ശകാരവും രേണു സുധിക്ക് ഏറ്റു വാങ്ങേണ്ടി വന്നു. രേണു ബിഗ് ബോസില്‍ വരുന്നതിന് മുന്‍പ് ചെയ്തു വച്ചിരുന്ന വോട്ടഭ്യര്‍ത്ഥിക്കുന്ന വീഡിയോയാണ് ബിഗ് ബോസ് കൈയോടെ പൊക്കിയത്. ഷോയുടെ കൗതുകം നിറഞ്ഞ കാര്യങ്ങള്‍ ഇല്ലാതാക്കുന്ന വീഡിയോ ചെയ്യരുതെന്നും രേണു ചെയ്യുന്നത് പൈറസി ആണെന്നും മോഹന്‍ലാല്‍ വ്യക്തമാക്കിയിരുന്നു. തുടര്‍ന്ന് രേണു സുധി ക്ഷമ ചോദിക്കുകയും ചെയ്തു.
ഇപ്പോഴിതാ ബിഗ് ബോസില്‍ ഈ വ്യാഴാഴ്ച നടക്കാനിരിക്കുന്ന മിഡ് വീക്ക് എവിക്ഷനുള്ള നോമിനേഷന്‍ ലിസ്റ്റിലും രേണു സുധി ഇടം നേടിയിരിക്കുകയാണ്, മുന്‍ സീസണുകളില്‍ അപൂര്‍വമായി മാത്രം നടന്നിട്ടുള്ള ഒന്നാണ് മിഡ് വീക്ക് എവിക്ഷന്‍.
നിലവിലുള്ള 18 മത്സരാര്‍ത്ഥികള്‍ക്കും വോട്ടു ചെയ്യാന്‍ അവസരം നല്‍കിയാണ് മിഡ് വീക്ക് എവിക്ഷന്‍ ലിസ്റ്റ് പ്രഖ്യാപിച്ചത്. ആറ് പേരാണ് എവിക്ഷന്‍ ലിസ്റ്റിലുള്ളത്. അനീഷ്, ഒനീല്‍ സാബു, രേണു സുധി, കലാഭവന്‍ സരിഗ, ശാരിക കെ ബി, റെന ഫാത്തിമ എന്നിവരാണ് പട്ടികയിലുള്ളുത്. ഈ ആറു പേരില്‍ രണ്ടു പേര്‍ ചൊവ്വാഴ്ചയ്ക്കും വ്യാഴാഴ്ചയ്ക്കും ഉള്ളില്‍ ഹൗസില്‍ നിന്ന് പുറത്താകുമെന്നാണ് ബിഗ് ബോസിന്റെ പ്രഖ്യാപനം. വരാന്‍ പോകുന്ന ടാസ്‌കുകളിലെ പ്രകടനത്തിന്റെ അടിസ്ഥാനത്തിലായിരിക്കും പുറത്താക്കലെന്നും ബിഗ് ബോസ് അറിയിച്ചിരുന്നു.
https://www.facebook.com/Malayalivartha
