വയോധികയെ സ്വന്തം വീട്ടുമുറ്റത്ത് തീപൊള്ളലേറ്റ് മരിച്ച നിലയില്‍ കണ്ടെത്തി. പുനലൂര്‍ തൊളിക്കോട് മുളന്തടം ഗീതാലയത്തില്‍ പ്രഭാവതി അമ്മ (63) ആണ് മരിച്ചത്.

വെള്ളിയാഴ്ച രാത്രി ഒമ്പതോടെയായിരുന്നു സംഭവം. വീട്ടുമുറ്റത്ത് നിന്നും തീയും പുകയും ഉയരുന്നത് കണ്ട അയല്‍വാസിയായ ബന്ധുവാണ് ഇവരെ മരിച്ച നിലയില്‍ കണ്ടെത്തിയത്. ദേഹമാസകലം പൊള്ളലേറ്റിരുന്നു.

സമീപത്തുനിന്നും ഒഴിഞ്ഞ കന്നാസും കണ്ടെത്തി. മൃതദേഹം പുനലൂര്‍ താലൂക്ക് ആശുപത്രി മോര്‍ച്ചറിയിലേക്ക് മാറ്റി. മരണകാരണം വ്യക്തമായിട്ടില്ല.