രാഹുല്‍ മാങ്കൂട്ടത്തിലിനെ പാലക്കാട്ടെ ഒരു ഔദ്യോഗിക പരിപാടിയിലുംപങ്കെടുക്കാന്‍ അനുവദിക്കില്ലെന്ന് ബി.ജെ.പി
രാഹുല്‍ മാങ്കൂട്ടത്തിലിനെ പാലക്കാട്ടെ ഒരു ഔദ്യോഗിക പരിപാടിയിലും പങ്കെടുക്കാന്‍ അനുവദിക്കില്ലെന്ന് ബിജെപി നേതാവ് സി. കൃഷ്ണകുമാര്‍. എംഎല്‍എ സ്ഥാനം രാജിവെച്ചേ മതിയാകൂ എന്നും ഇക്കാര്യത്തില്‍ ഒരു വിട്ടുവീഴ്ചയുമില്ലെന്നും ബിജെപി. ഒരു വിട്ടുവീഴ്ചയുമില്ല, രാഹുല്‍ എംഎല്‍എ സ്ഥാനം രാജിവെക്കണമെന്നാണ് കോണ്‍ഗ്രസിലെ നേതാക്കന്മാര്‍ ആവശ്യപ്പെട്ടത്. എന്നാല്‍ മണിക്കൂറുകള്‍ക്കുള്ളില്‍ അവരുടെ നിലപാടില്‍ മാറ്റം വരുന്നു. ഇതിന്റെ പിന്നില്‍ രാഹുലിന്റെ ബ്ലാക് മെയിലിങ്ങാണ്. പല കെപിസിസി നേതാക്കന്മാരുടേയും പല കഥകളും രാഹുലിന്റെ കൈയില്‍ ഉണ്ട്. ആ കഥകള്‍ പുറത്തുവിടുമെന്ന രാഹുലിന്റെ ഭീഷണിക്ക് മുമ്പില്‍ കെപിസിസിയുടെ നേതാക്കന്മാര്‍ വഴങ്ങി സി. കൃഷ്ണകുമാര്‍ പറഞ്ഞു.
ഉപതിരഞ്ഞെടുപ്പ് അടിച്ചേല്‍പ്പിക്കാന്‍ താത്പര്യമില്ലെന്ന് ചൂണ്ടിക്കാട്ടിയാണ് കോണ്‍ഗ്രസ് രാഹുലിന്റെ രാജി ആവശ്യപ്പെടാത്തത്. എന്നാല്‍ പാലക്കാട്ടെ വോട്ടര്‍മാരോട് ഇത്രയേറെ സ്‌നേഹം ഉണ്ടെങ്കില്‍ എന്തുകൊണ്ട് ഷാഫി പറമ്പിലിനെ രാജിവെപ്പിച്ച് വടകരയില്‍ കൊണ്ടുപോയി മത്സരിപ്പിച്ചെന്നും അദ്ദേഹം ചോദിച്ചു. രാഹുല്‍ മാങ്കൂട്ടത്തില്‍ എംഎല്‍എ സ്ഥാനം രാജിവെച്ചേ പറ്റൂ. പാലക്കാട്ടെ സ്ത്രീകളെ, വോട്ടര്‍മാരെ രാഹുല്‍ അപമാനിച്ചിരിക്കുകയാണ്. എംഎല്‍എ സ്ഥാനം രാജിവെക്കും വരെ ശക്തമായ പ്രക്ഷോഭവുമായി മുമ്പോട്ട് പോകും കൃഷ്ണകുമാര്‍ പറഞ്ഞു.
https://www.facebook.com/Malayalivartha
