രണ്ട് ദിവസത്തെ ജിഎസ്ടി കൗണ്സില് യോഗത്തിന് ഇന്ന് ഡല്ഹിയില് തുടക്കം...
രണ്ട് ദിവസത്തെ ജിഎസ്ടി കൗണ്സില് യോഗത്തിന് ഇന്ന് ഡല്ഹിയില് തുടക്കം. ജിഎസ്ടി സ്ലാബുകള് പുതുക്കി നിശ്ചയിക്കും. നിലവിലെ 4 സ്ലാബുകള് രണ്ടാക്കി കുറയ്ക്കണമെന്നാണ് മന്ത്രിതല സമിതിയുടെ ശുപാര്ശ. സംസ്ഥാനങ്ങള്ക്ക് വരുമാന നഷ്ടമുണ്ടാകുമെന്ന ആശങ്കയിലാണ് പ്രതിപക്ഷ സംസ്ഥാനങ്ങള്.
ജിഎസ്ടി സ്ലാബുകള് പുതുക്കി നിശ്ചയിക്കാനുള്ള രണ്ട് ദിവസത്തെ ജിഎസ്ടി കൗണ്സില് യോഗത്തിനാണ് ഇന്ന് ഡല്ഹിയില് തുടക്കമാവുക. നിരവധി ഉല്പന്നങ്ങളുടെ ജിഎസ്ടി കുറയ്ക്കുന്ന കാര്യം കൗണ്സില് ചര്ച്ച ചെയ്യും.
ചെറിയ കാറുകള്, സിമന്റ്, തുകല് ഉല്പ്പന്നങ്ങള്, പാക്കറ്റിലാക്കിയ ഭക്ഷണം, തുണിത്തരങ്ങള് എന്നിവയുടെ ജി എസ് ടി നിരക്ക് കുറയ്ക്കുമെന്നാണ് സൂചന. മെഡിക്കല് ഇന്ഷൂറന്സിനും ടേം ഇന്ഷുറന്സിനുമുള്ള ജി എസ് ടി പൂര്ണമായി എടുത്തുകളയണമെന്ന നിര്ദേശവും കൗണ്സില് പരിഗണിക്കാനിടയാകും. ഇതെല്ലാം സാധാരണക്കാര്ക്ക് നികുതി ഭാരം കുറയ്ക്കുന്നതാകും.
കേരളം അടക്കമുള്ള പ്രതിപക്ഷ ഭരണ സംസ്ഥാനങ്ങള് വരുമാന നഷ്ടം നികത്താതെ നികുതി കുറയ്ക്കല് തീരുമാനങ്ങള് എടുക്കരുതെന്ന് യോഗത്തില് ശക്തമായി വാദിക്കും. സംസ്ഥാനങ്ങളുടെ ധനകാര്യ സ്ഥിതി കണക്കിലെടുത്ത് ജി എസ് ടി പരിഷ്കരണങ്ങള് വേണമെന്നാണ് കേരളം അടക്കമുള്ള സംസ്ഥാനങ്ങളുടെ നിലപാട്.
"
https://www.facebook.com/Malayalivartha
