ഓണാവധിക്ക് നാട്ടിലേക്ക് വരുന്നതിനായി റെയില്‍വേ സ്റ്റേഷനില്‍ എത്തിയ തിരുവനന്തപുരം സ്വദേശി കുഴഞ്ഞു വീണു മരിച്ചു. ഭരതന്നൂര്‍ മാറനാട് തുറ്റിയറ ശ്രേയസില്‍ ഡി.എസ്.ഷൈജു(48) ആണ് മരണപ്പെട്ടത്.

വര്‍ഷങ്ങളായി ഗുജറാത്തിലെ സൂറത്ത് ജില്ലയില്‍ മാണ്ട്വി എന്ന സ്ഥലത്ത് ടയര്‍ പഞ്ചര്‍ കട നടത്തിവന്ന ഷൈജു തിങ്കളാഴ്ച രാവിലെയാണ് മരിച്ചത്.
നാട്ടിലേക്ക് വരാന്‍ റെയില്‍വേ സ്റ്റേഷനില്‍ എത്തിയതിനു പിന്നാലെ ഇദ്ദേഹത്തിന് ദേഹാസ്വാസ്ഥ്യം അനുഭവപ്പെട്ട് കുഴഞ്ഞു വീഴുകയുമായിരുന്നു.

സ്റ്റേഷനിലുണ്ടായിരുന്നവര്‍ ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. മൃതദേഹം നാട്ടിലെത്തിച്ച് ഇന്നലെ രാത്രിയോടെ സംസ്‌കരിച്ചു. ഭാര്യ:വി.എസ്.ഷീബ. മകന്‍:ശ്രേയസ്.