ആറ്റിങ്ങല്‍ ദേശീയപാതയില്‍ ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ യുവാവിന് ദാരുണാന്ത്യം. പള്ളിപ്പുറം കരിച്ചാറ അപ്പോളോ കോളനിയില്‍ 25 വയസ്സുള്ള രാഹുലാണ് മരണപ്പെട്ടത്.

ബൈക്കുകള്‍ നേര്‍ക്കുനേര്‍ കൂട്ടിയിടിക്കുകയായിരുന്നു. അപകടസ്ഥലത്തുനിന്നും ആറ്റിങ്ങല്‍ താലൂക്ക് ആശുപത്രിയിലേക്ക് എത്തിച്ചപ്പോഴേക്കും യുവാവിന്റെ മരണം സംഭവിച്ചിരുന്നു. എതിര്‍ ദിശയില്‍ നിന്നും വന്ന ബൈക്ക് യാത്രികന്‍ നിസ്സാര പരുക്കുകളോടെ അപകടത്തില്‍ നിന്നും രക്ഷപ്പെട്ടു.

രാഹുലിന്റെ മൃതദേഹം ആറ്റിങ്ങല്‍ വലിയകുന്ന് ആശുപത്രിയില്‍ സൂക്ഷിച്ചിരിക്കുകയാണ്. ഇന്ന് രാത്രി എട്ട് മണിയോടെയാണ് അപകടം സംഭവിച്ചത്